晏晝3點幾，欣宜啱啱瞓醒，求其戴副超，就「嗱嗱聲」由屋企搭的士落中環。雖然着咗黑tee遮肥肉，但強勁臂彎同圓圓下巴已經出賣咗佢！

早前鄭欣宜自爆同鬼仔男友Mark Ryan分咗手成兩個月，媽咪姐都好愕然呀！話晒小兩口都拍咗5年幾拖，難得阿Mark又好似幾專一，至少無俾人影到搞三搞四吖。唉，不過感情嘅嘢最難講，欣宜自己都話：「過程就好似拍電影咁，大家好型咁話分手就分！」
唔驚嘅，個「森林」咁大，話咁快就傳出失戀欣宜同韓籍model崔豪晉（Jin）行得好埋。怪唔之得媽咪姐見到近期化情傷為食量嘅欣宜，急急腳去搵張玉珊減肥急救，企圖「拯救」翻脹咗成個碼嘅軀體啦！


####


欣宜被影到同型男韓模Jin去嘆啡，有傾有講，仲笑得鬼咁甜。朋友喎！你信唔信呢？《蘋果日報》圖片


咁急為乜？咪就係去搵張玉珊做機減肥囉！請欣賞吓大堂嘅宣傳燈箱。噢，這個真的是欣宜嗎？


乜泡菜好味過西餐咩？（設計對白）

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄