拍拖四圍
活動後,Jeana相約柏文到銅鑼灣嘆咖啡,其間兩人不停四處張望,警覺性甚高,柏文發現記者後不久就鬆人。

模Jeana(何佩瑜)去年跟圍村男友胡志鵬分手後,自誇身邊多人追唔怕做剩女。果然,唔夠三個月即與張栢芝細佬張柏文撻着。周日(15日)Jeana出席《起勢搖滾》宣傳活動後,又約會柏文嘆咖啡,不過一發現記者,兩人隨即走夾唔唞。
柏文與Jeana拍拖已兩個月,上月兩人更偕同數名友人到泰國蘇梅島玩足幾日幾夜,其間柏文還當住朋友面前向Jeana示愛大叫:「I love you!」又在手臂用水彩畫上「JEANA」以及畫心心圖案,女方肯定冧爆。
柏文有家姐照住大把錢使,Jeana有樣有身材,各有所求啫。


憑周秀娜師妹個朵出位的34D假胸𡃁模Jeana,繼去年回復單身後,不時被傳媒影到與張栢芝細佬柏文同車拖手,但Jeana依然死撐否認與柏文拍拖。周日(15日) Jeana出席《起》活動後,先與助手到中環酒吧打發時間,其間更豪放食煙隊酒,之後再相約柏文到銅鑼灣嘆咖啡,見少一陣都唔得。
感情浮面,或多或少會影響Jeana事業,為保女神地位惟有否認拍拖,其實兩人關係早已到達一齊外遊過夜的程度。知情人士透露:「柏文同Jeana上個月同幾個friend一齊去曼谷拜佛,順道玩咗兩日,之後再去蘇梅島玩Full moon party,嗰晚大家喺沙灘度玩埋一齊,Jeana着住比堅尼勁sexy,柏文都唔介意,話有身材唔怕晒。之後玩到high咗,柏文仲向住Jeana大叫『 I love you』,又喺手臂用水彩寫咗JEANA個名,跟住就成晚狂隊酒,唱歌跳舞玩到癲晒。

行家姐政策
與柏文拍拖,點都要過栢芝一關。醒目女Jeana識得借佛過橋,眾所周知栢芝近年篤信泰國筍笛神,佛牌不離身,Jeana亦有樣學樣戴泰國佛牌,目的都係想同栢芝啱嘴形,行家姐政策。知情人士透露:「柏文成家都信泰國筍笛神,個個有佛牌隨身,雖然Jeana之前唔熟識泰國佛,為咗同柏文一家同聲同氣,所以上次同柏文喺曼谷已經同高僧求咗個佛牌。」據知柏文亦已帶過Jeana見家姐,見面時栢芝還熱情到與Jeana來個擁抱,看來Jeana對男對女都有一手。 Jeana回應說:「有一次喺柏文屋企嘅家庭聚會見過栢芝,佢好nice,大家乜都傾,都有交流吓泰國佛心得。」

豪放真面目
Jeana與柏文嘆咖啡前,先搵助手攝時間,兩人到中環露天餐廳酒吧飲酒,其間煙駁煙未停過,Jeana揸煙手勢純熟,睇落有多年吸煙經驗。後來啤酒到,唔使五分鐘就飲晒,酒量非淺,舉手投足極之豪邁。

男友輪住嚟
去年底撇甩拍拖4年有錢圍村男友的不倒胸Jeana(何佩瑜),甩拖後感情生活依然豐富,短短數個月已傳出多個緋聞。


跟拍拖4年的圍村男友胡志鵬經常晒恩愛,Jeana曾說對方對她千依百順,可惜去年12月分手收場。


11年10月,與圍村男友拍拖期間,Jeana單拖到四川拍戲,與內地對手孫祖楊(上圖)一撻即着,二人更公然又攬又啜。 11年11月,Jeana糾纏在圍村男友和孫祖楊之間,仍有本事搭上同門師弟La Ying及Dominic(右圖),Jeana更被影到與Dominic在街上攬啜。


12年3月,與樂隊Mr.隊長譚健文(Dash)合作新片《起勢搖滾》成為「好友」後,不斷以請教彈結他為名主動親近Dash。 兩人曾到球場打友誼波,其間Jeana主動出擊,經常借故攬實Dash。 ####


柏文單拖攞車
柏文充當柴可夫,一支公先行到停車場取車,再駕車返回咖啡店樓下接Jeana,非常有風度。


Jeana上車後,發現有記者尾隨採訪,柏文竟然不顧安全衝紅燈,最後極速擺脫記者。


去年9月,Jeana初次在活動上與柏文同場,雖然兩個已相識一段時間,但Jeana跟圍村男友尚未甩拖,所以柏文未有行動,只間中與女方咬耳仔。《蘋果日報》圖片


愛的紋身
柏文最近在facebook上載與友人在蘇梅玩樂照,柏文唔怕被兄弟笑老土,在手臂以水彩畫上「JEANA」,及心心圖案。


筍笛神為泰國其中一位家傳戶曉的主神,很多泰國人會供奉。張栢芝身上的佛牌,則有指是百多年歷史的古董,約值十五萬港元,由阿贊多大師親手所造。《壹週刊》圖片


周日Jeana在《起》活動上自稱戴泰國佛牌已一段時間,6月更去泰國還神。不過論佛牌名貴程度及信奉資歷,Jeana都不及栢芝。


煙駁煙


隊大啤


手舞足蹈


《FACE》圖片



arrow
arrow
    全站熱搜

    stacylife 發表在 痞客邦 留言(0) 人氣()