Karena Lam
黑色喱士印花綴吊飾背心裙 $63,600 Dolce & Gabbana
銀色金屬手鈪 stylist's own

林嘉欣“我唔正常”

幾年前，已跟林嘉欣交過手，佢係非一般女星。
甜姐兒模樣，獨愛我行我素，從不理身形夠唔夠slim，工作上，接戲更偏重口味；去年，失驚無神跑去加國奉女成婚，不鋪張不大搞，冇度蜜月，之後，連婚紗照都唔恨補影，唔怪得連佢自己都話，「我唔係正常女星。」
「唔正常」卻依然有價有市，今日再見，清減不少，穿起露膊衫，自信滿滿，講笑話湊女當做運動消脂最見效云云……
刻下，優哉悠哉生活，全仗有個好老公撐起頭家，袁劍偉乃著名廣告導演，雖非大富大貴，家境亦不俗，養老婆綽綽有餘，「有support，做乜都得，呢種感覺前所未有！」
疊埋心水相夫教子，賺錢變副業，呢一種「唔正常」的生活，才真正恨死隔籬。

Profile
　
Karena Lam
出生日期：1978年8月17日（獅子座）
出生地：加拿大溫哥華（父親是中國人，母親是日、台混血兒。）
身高：5呎5吋
語言：廣東話、普通話及英語。
簡歷：96年，演出張學友《情書》MV人氣急升，往台灣發展。01年，憑《男人四十》奪香港電影金像獎最佳新人及最佳女配角獎。
主要作品：唱片《有點想》（96）；電影《男人四十》（01）、《怪物》（05）、《魔俠傳之唐吉柯德》（10）；廣告「Neutrogena」（12）。

唔影婚紗相　
當了媽媽後，嘉欣一副志不在此的姿態，收埋自己，當個全職家庭主婦，我以為，她不會再踏足娛圈，點知靜極思動，又拍廣告又做舞台劇，活躍再現。「我冇講過息影。「結婚生女係unexpected，有咗6個月，決定結婚。」去年6月，他們在加拿大屋企成婚，腹大便便，沒穿婚紗，只挑了一條在連卡佛買的白色one piece裙。「原本打算旅行結婚，爸爸話唔得！起碼要兩邊屋企人坐低食餐飯。「冇度蜜月，我唔想咁頻撲。」例行公事，婚紗相都要影番張啩？！「冇諗過！「我表弟結婚時大搞特搞，仲去埋台灣影相……我平時已經成日著靚衫影靚相，自己結婚，簡單就算。「何況陀住個女，天賜禮物，有咗佢，已經係我哋人生最高點。」

Karena's tips 　
Q：生完BB，如何保養皮膚？ A：最緊要揀適合自己嘅護膚品，30幾歲人，要用質地rich啲嘅面霜，早晚搽抗皺眼霜，順便按摩一下。 Q：衣櫃最多邊一類衣物？ A：牛仔褲。我唔係標準身形，試啱cutting，會一口氣買晒唔同顏色，搞到一屋都係牛仔褲。

佢令我好輕鬆　
有女萬事足，生完女的嘉欣，唞足一年才開工，全因剖腹分娩，調養身體需時。「原本打算順產，點知最後臍帶纏住BB條頸，搞到佢個頭一直轉唔到向下，又滿咗周數，惟有開刀。」臨時臨急，乜都冇準備之下入院，手忙腳亂，之不過，老公日日陪伴，特登推掉所有工作，全職陪月，豈不心甜？「有佢support，我做乜都得，呢種感覺真係前所未有！「俾着以前拍拖，遇上大事情，大家都唔知點面對，唔係我走咗去，就係對方走咗去！「依家，每次有事發生，佢一見我緊張，即刻講啲幽默說話緩和氣氛，令我放輕鬆，呢一樣好緊要。」二人結婚時，嘉欣被冠以「小三」罪名，丈夫二話不說挺身澄清，還老婆清白之身，以示自己對老婆有擔帶。跟老公因拍獨立短片《解決》認識，繼而擦出愛火，相處時間不長，咁快就知對方可以付託終身？「我睇過佢點對屋企人，好有信心，深知就係呢個人。」

冇埋怨　
女兒取名Kayla，與Karena（林之洋名）同字母。「意思解pure，透明、乾淨。」嘉欣強調，只想女兒健康快樂地成長，唔會強迫成為萬能天才，拒絕做怪獸媽咪。「我睇好多書，小朋友身體每部份結構都要等到發育完全，才可以去學習做其他事，譬如揸筆，太早迫佢哋學乜學物，就算學到，未必係好事。」做媽媽更以身作則，每日講古仔，加深親子關係，亦幫Kayla養成閱讀習慣。「有次去誠品，見到有個小朋友竟然用手指撥書，摹倣玩iPad動作，點呀？書都唔識揭！我真係唔想自己個女變成咁！」女兒長大，想入行，你又會點？「我唔反對、唔鼓勵；「呢行太虛偽；「好少人有我咁幸運，唔係特別識做人，又唔識講說話，依然有機會，我仲想點？今時今日，真係冇嘢好埋怨啦！」

後記　
現階段，林嘉欣接job講到明，7點鬆人，不可超時。是以，再拍戲機會不大，舞台劇還可，家庭為先，角色轉移，前塵往事，隨風去矣！「演員只係一個講古仔工具，用作實踐導演夢想。」睇得咁淡？！我一直欣賞嘉欣，深知自己定位，此番話更令人確信，婚後袁太心目中只有一個導演，自己的責任，正正為對方圓夢，為一個圓滿家庭的夢想而奮鬥。

Shop List 　
Dior 中環置地廣場G42號鋪 2524 8266 Dolce & Gabbana 中環歷山大廈G02號鋪 2877 5558 Fendi 中環置地廣場G18號鋪 2524 1339 Gucci 中環置地廣場G23-30號鋪 2524 4492 Vivienne Westwood 銅鑼灣百德新街42-48號B-D地下 2894 9088 發寶膠 銅鑼灣謝斐道509號銀座商場23號鋪 9029 3925 ####


約96年
一頭烏黑長髮，純情至極。


02年
一部電影為她帶來港、台「最佳新人」及「最佳女配角」二獎，威到盡。《路透社》圖片


10年
懷孕期間，嘉欣坦言不介意巨肚曝光，「都係開心事。」《忽然1周》圖片


11年
單手抱B，難怪佢話湊女可減肥。《忽然1周》圖片


12年
年初與黃子華合演舞台劇，全因導演願意遷就時間。《蘋果日報》圖片


Karena Lam 黑白色綴花飾連身裙 $33,800 Gucci 炭灰色粗手鈪 $280 發寶膠


Karena Lam 彩色圖案背心裙 $4,760 Vivienne Westwood 銀色粗手鈪 stylist's own


Karena Lam 彩藍色釘珠雪紡高衩連身裙 $78,000 藍色透明膠鈪（1套3隻）$6,800 彩色搭帶高踭鞋 $9,800 all Dior


Karena Lam 粉藍併白色圖案背心 $3,510 白色laser cut通花半截裙 $11,860 both Fendi 銀黑色金屬條頸鏈 $380 紅色晶石緄金屬線戒指 $190 both發寶膠

arrow
arrow
    文章標籤
    karena lam 置地 2524 kayla stylist 最佳 gabbana 正常 dolce
    全站熱搜

    stinglife 發表在 痞客邦 留言(0) 人氣()

    E-mail轉寄