Paul:朱茵好大食

 

圈中金童玉女黃貫中(Paul)與朱茵拍拖14年驚爆懷龍B,全城送上祝福,Paul爆朱茵有喜三個月才發現懷孕,而且變得好大食:「佢每個鐘頭都要食!」搖滾狂人阿Paul變身廿四孝老公,每日為大食女神做阿四速遞食物。

 
黃貫中因為女友朱茵是虔誠教徒,聲稱堅守婚前禁慾教規,令Paul「忍」足14年,前日朱茵突然在微博上載一張她與Paul赤裸相擁親密照,公佈懷孕喜訊,到晚上兩人由吉隆坡返港,落機後二人十指緊扣甜蜜再宣佈喜訊。前晚見朱茵開始現孕味,腹部微隆且現妊娠谷奶徵兆,但她之前竟然不察覺已懷孕三個月,Paul的爸爸獲悉即將抱孫,笑到見牙唔見眼致電準新抱朱茵,叮囑她:「家乜都唔好理,專心安胎,有乜嘢唔明、唔識,隨便開聲問我。」

「有咗三個月先發現」
商台主持查小欣昨日在節目上爆料,指她前晚已打電話祝賀阿Paul,查小欣說:「當朱茵話畀阿Paul聽喺屋企驗到有BB嘅時候,就好開心咁喊住同佢講話:你就快做爸爸啦,阿Paul先呆咗幾秒,跟住就好開心咁同朱茵擁抱,佢話今次係意外懷孕,朱茵都算烏龍啦,有咗三個月先發現,咁可能佢陀BB陀得好舒服,冇暈、冇嘔、又冇乜肥到,阿Paul先至話連肚都未見。不過朱茵就變得好大食,每個鐘頭都要食嘢,阿Paul話佢今日要食雞就一定要食到雞,第二日就話要食羊,日日都唔同口味,阿Paul話淨係為朱茵撲嘢食都疲於奔命,但佢好開心咁話,佢以前一直咁樣服侍朱茵,所以完全冇問題。「阿Paul又提到佢本來今年有大搞作,不過龍B嘅突然降臨,令到佢陣腳大亂,不過工作計劃依然會照舊,BB應該會喺年尾出世,到時佢同朱茵就會結婚,不過唔會鋪張,只會請親戚同好朋友食餐飯。我諗朱茵收到最好嘅賀禮,都係梁振英喝停啲雙非孕婦嚟香港,等佢撲床位唔使咁辛苦。臨收線前,朱茵同阿Paul託我多謝大家對佢哋嘅祝福。」阿Paul與朱茵未婚懷孕喜訊保密工夫做到足,事前沒有親自通知其餘兩位Beyond成員黃家強和葉世榮,家強前晚近11時兩度在微博留言:「好高興呀,恭喜恭喜!」、「聽到你們的喜訊,太令人雀躍了,恭喜恭喜!」家強昨日接受本報記者電話訪問時開心說:「真係好開心,等咗好耐,以後大家可以講湊仔經。」Paul有沒有致電報喜?家強說:「我喺微博睇到,即刻留言恭喜佢哋,微博太方便喇,而且冇可能逐個通知。」對於朱茵違反自己承諾未婚懷孕,家強笑笑口說:「有BB係開心事。」葉世榮也在微博道賀:「真替他們高興,祝福兩人永遠幸福快樂,寶寶健康聰明,yeah!」

教徒未婚懷孕惹爭議
曾揚言因宗教信仰而婚前禁慾的朱茵和阿Paul,在網上掀起不少爭拗,有教徒表示朱茵做壞見證,更有網民嘲笑她是聖母單性繁殖。前晚Paul與朱茵離開機場乘七人車返九龍城寓所,保安Stanley team以另一部七人車護送大肚朱茵,當車輛慢駛至機場隧道內的彎位時,保安的七人車突然急煞停攔截尾隨的九部採訪車,幾乎撞車釀成意外,有記者報警。採訪:山葵、李志明


《女神變師奶》 04年:比堅尼索爆朱茵是一代性感女神,由《閃電傳真機》年代已迷死宅男,今日40歲,依然稱得上美女。


91年:《傳真機》出道


92年:《逃學》戀星爺


94年:玉女迷宅男


95年:導彈誘城城


99年:馬德鐘舔面。《強姦II》劇照


03年:泰國玩到謝。《忽然1周》圖片


09年:師奶頭驚嚇


前晚:拖Paul晒幸福

朱茵裸照戴Bra穿崩

 

 
前日貼裸照報喜的黃貫中和朱茵,在機場接受訪問時,阿Paul直言是全裸拍攝,不過本報記者發現阿Paul手臂下的位置,可見朱茵的bra邊,似乎是後期用電腦加工造成全裸效果。
另外,二人的裸照在網上竟引起改圖熱,網民分別將兩人的頭key上馬德鐘、秦沛及薛家燕的頭像,其中以面目猙獰的秦沛拼上薛家燕張大嘴的改圖最搞笑。亦有人把馬德鐘99年電影《強姦2之制服誘惑》中伸脷狂舔朱茵的劇照key在朱茵的頭,變成馬德鐘狂舔阿Paul,效果驚嚇。


《原相》黃貫中聲稱與朱茵全裸拍攝,但朱茵被發現其實有戴bra。


《秦沛攬好姨》網民將兩人的照片改圖,變得十分驚嚇。


《馬神舔Paul》


《鐵達尼版》

朱茵佗運財BB 800萬送上門

黃貫中(Paul)前晚宣布女友朱茵大肚兼準備結婚,短短一日內,兩人接到50個工作邀請,隨時吸金800萬元,令朱茵腹中塊肉變成「運財BB」!但Paul不想未來老婆太操勞,會勸朱茵停工待產,自己則密密做賺錢。

朱茵和Paul將結束14年愛情長跑,前日公告懷有龍B,兩人前晚由馬來西亞返港後,昨日整天足不出戶休息。據他們的經理人Ada透露,自兩人公布喜訊後,工作如雪片飛來:「我個電話同電郵都畀人打爆,已經收到商演、廣告、香港同內地電影、電視劇主辦商嘅邀請,保守估計酬勞一定過800萬。BB腳頭好好,工作滿到瀉呀!未試過咁勁。」她透露朱茵恨接尿片、奶粉廣告,價錢高又有贊助。

而Paul接受本報電話訪問,身為準爸爸的他開心到不得了,惟不肯透露求婚詳情,只稱是上個世紀求婚。談及前晚在機場被半百記者包圍,他說:「阿茵有少少嚇親,唔知咁多人,今日我會留喺屋企陪佢,大家唔使等天光。」對於前晚傳媒追訪時被保安車在隧道急停攔截,他表示不是他們的意思,經理人解釋是壞車而已。

想操刀影大肚裸照

由夏永康為兩人拍攝的赤裸相擁照片被激讚,問到Paul會否親自操刀幫老婆影大肚裸照?他說:「我都想呀!但要見肚先,佢啱啱三個月,冇嘢睇。」記者笑指朱茵懷孕後胸更大,Paul得戚地笑說:「佢一直好勁。」將為人父的他坦言未緊張:「第一次做老竇,朋友話我故作鎮定,自己都調整緊心情,可能嚟緊好多嘢做,7月喺紅館開騷,仲有電影配樂,都幾忙。雖然畀BB打亂陣腳,但我唔會取消工作。(叫大肚朱茵停工?)會,我會叫佢停一停,唔想佢咁操勞。(Book定產房?)唔使咁緊張,我諗應該有啩!我哋唔會擇日剖腹,都係揀順產,BB嚟都冇擇日啦!會唔會剪臍帶就未諗。」

Paul哥家燕姐被惡搞

有人抨擊身為基督徒的朱茵未婚懷孕,Paul淡然說:「唔介意,依家完全超越咗,唔需要再顧慮多餘說話,祝福我哋自然祝福,搞搞震嘅就繼續搞搞震,總之多謝晒。」而Paul昨日接受查小欣電台節目訪問,他透露朱茵當日喊住跟他說懷孕,自己窒一窒,還笑朱茵好烏龍,佗BB三個月都不察覺!現在朱茵很大食,Paul撲來撲去服侍,婚禮方面則不會鋪張,因想低調舉行,只請親友食飯。此外,有網友惡搞Paul和朱茵的相擁裸照,換上Paul哥秦沛和薛家燕的樣子,秦沛兒子姜文杰亦轉發取笑。

音樂組

懷孕三個月的朱茵上圍勁升Cup,Paul則小心翼翼地拖到實。

朱茵和Paul在機場被半百記者包圍,坦言有少少嚇親。

銀色保安車(箭嘴示)在隧道煞停阻路,攔截傳媒的採訪車。

Paul助手拎到一袋二袋。

Paul司機幫忙推着兩大篋行李。

家強世榮「兄弟」送祝福

黃家強前晚在微博留言恭賀黃貫中(Paul)和朱茵,雖然日前他才跟Paul在馬來西亞做騷,朱茵亦有同行,但家強昨日接受本報電話訪問時表示,不知道朱茵有BB:「佢鍾意講畀微博聽嘛!咪講畀微博聽,我要同佢報定名先,結婚一定要請我飲。」

明年是Beyond的30周年紀念,家強坦言很想開紀念騷,可惜葉世榮推卻:「半年前同世榮傾過,但佢唔想,話有好多計劃、工作,其實自己好想開,人生有幾多個30年,我嘅生命來自Beyond。(兄弟不和?)我個人同世榮冇嘢,亦唔覺Paul有嘢,但唔識點講。」Paul亦坦言找不到世榮,相信大家兄弟間應冇問題,只是少見而已。而去年連結婚亦冇通知兄弟的世榮,昨日在微博祝福Paul和朱茵幸福快樂,寶寶健康聰明。

黃貫中 朱茵 隨手執800萬

黃貫中(Paul)和朱茵將於年底出世的金叵羅,為初為父母的二人帶來喜悅外,亦帶挈他倆逾800萬的進帳,當中包括商演、廣告、電影、電視劇工作邀請多達五十項,龍B十足運財童子;而熱愛攝影的Paul已計劃親自操刀為朱茵再拍全裸大肚照。

黃貫中和朱茵一聲有喜,工作如潮湧至,估計可賺八百萬。
黃貫中和朱茵一聲有喜,工作如潮湧至,估計可賺八百萬。

Paul和朱茵未婚有喜獲全城祝賀,準父母齊齊憑子貴,據兩人之經理人Ada透露,自前晚抵港公布懷孕消息後,其電話、電郵幾乎被打爆:「已經收到商演、廣告、香港同內地電影、電視劇主辦商嘅邀請,保守估計兩人嘅酬勞一定過800萬,BB腳頭好好,工作滿到瀉呀,都未試過咁勁。」

兩人可因人氣勁而加價?她謂價錢有商量,一切以朱茵身體狀況為重,朱茵則明言恨接有關BB產品的廣告,因價高、輕鬆,又有贊助。問Paul可會為BB作歌?Ada表示Paul的靈感來自生活,相信他定有新作,總之兩人的工作沒因意外懷孕受影響,工作排到年底,今日Paul將「復工」趕錄電影配音,之後就籌備7月的紅館演唱會及出書,朱茵則暫時休息,未知何時出席公開活動。

Paul和朱茵前晚回港,引來傳媒追訪。
Paul和朱茵前晚回港,引來傳媒追訪。
保安車(箭嘴示)在隧道突然停車,令尾隨的採訪車發生碰撞。
保安車(箭嘴示)在隧道突然停車,令尾隨的採訪車發生碰撞。

親拍大肚婆裸照

Paul和朱茵昨日整日在家中休息未有出外,Paul在電話中受訪,問及朱茵被指身為基督徒而未婚懷孕?他豁達的說不介意:「依家完全超越,唔需要再顧埋無謂嘅說話,祝福我哋自然祝福,搞搞震繼續搞搞震。(幾時求婚?)上個世紀嘅事。(朱茵又成功升cup?)佢一直都好勁啦!」他謂想待女友見肚後,親自操刀為她再拍大肚裸照。同時有信心訂到產房床位,亦不考慮擇日生仔:「BB嚟都冇擇日。」愛狗如命的他,不擔心家中的五頭藏獒會影響朱茵及BB,他說:「啲狗對細路仔冇嘢嘅。」

保安車司機接受警方查問。
保安車司機接受警方查問。
助手挽着行李及幾袋外賣,相信是大肚朱茵的消夜。
助手挽着行李及幾袋外賣,相信是大肚朱茵的消夜。

另外,Paul接受查小欣節目訪問時,笑朱茵不知懷孕很烏龍,爆她得知有BB時喜極而泣向他說:「你就嚟做爸爸。」又指她五小時食一餐好大食,由於口味常變,令他如「阿四」般疲於為她張羅美食,不過他樂在其中:「以前都係咁服侍佢啦。」談及婚禮,他希望低調進行,只請親友飲喜酒。

追訪發生小意外

前晚Paul和朱茵返港在機場和傳媒分享懷孕喜悅後,登上七人車返回九龍城寓所休息,沿途有載滿行李及保安的汽車護航,但駛經舊機場隧道時,保安車急煞停,令尾隨的九輛採訪車發生碰撞,幸無人受傷,擾攘數分鐘後,保安車抵達Paul寓所樓下,不過有傳媒和保安車司機發生爭執而報警,警員抄下資料後案件由交通部處理,Paul的司機及助手曾落車搬行李,見助手挽一大袋外賣,相信是大肚朱茵的消夜。

Ada解釋保安車因機件故障才停車,非為攔截採訪車,Paul和朱茵亦擔心有人受傷,Paul可有為被追訪而動怒?Ada說絕對冇:「佢明白記者要做嘢,雖然佢唔鍾意記者喺屋企等佢,但今次冇發牢騷,只希望朱茵出街時,記者要小心啲,唔好撞親大肚婆。」

文:音樂組

家強世榮「蒲頭」送祝福

黃貫中(Paul)前晚宣布雙喜臨門,Beyond隊友黃家強深夜在微博恭賀,昨日家強接受本報電話訪問時說:「我喺微博祝福咗佢,男人老狗唔使打電話。」兩人日前剛完成馬來西亞騷,家強坦言不知Paul和朱茵有BB,笑說:「佢鍾意講畀微博聽嘛,咪講畀微博聽,我要同佢報定名先,結婚一定要請我飲。」

Paul將榮升龍爸,Beyond隊友黃家強(左)與葉世榮(中)送上祝福。(資料圖片)
Paul將榮升龍爸,Beyond隊友黃家強(左)與葉世榮(中)送上祝福。(資料圖片)

明年是Beyond成立三十周年,據知很多主辦機構力斟他們搞紀念騷,惟因世榮不肯告吹,家強承認:「半年前同世榮傾過,但佢唔想,話有好多計劃、工作,其實我好想開,人生有幾多個三十年!我嘅生命來自Beyond。(係咪兄弟不和?)我個人同世榮冇嘢,亦唔覺Paul有嘢,不過唔識點講。」

去年葉世榮結婚沒有通知兩位隊友,玩失蹤的他昨日終在微博「蒲頭」送祝福:「真的替他們高興,祝福兩人永遠幸福快樂,寶寶健康聰明。」

而Paul表示收到家強的祝福,至於世榮不想搞紀念騷,Paul無奈說:「佢喺大陸多,我都搵唔到佢。」而製作人丘亞葵承認有跟家強傾過搞Beyond騷,但暫時未有進一步消息。

準龍媽郭羨妮恭喜朱茵

佗住龍B的港姐冠軍郭羨妮現時懷孕七個多月,在微博向前日公布懷孕三個月的朱茵送上祝福,連聲恭喜對方說:「Yeah,太好了!滿滿的祝福送給你!」更指大家齊齊當媽媽。

郭羨妮給朱茵送祝福。(資料圖片)
郭羨妮給朱茵送祝福。(資料圖片)

至於另一位剛為人母的港姐冠軍楊思琦在美國生B後,回港復工繼續玩微博,昨日思琦妹在微博上載一張新相,相中的她化上淡妝,精神奕奕,似乎開始回復狀態,投入新工作,她與網友分享產後調理身體的心得,指皮膚改善,感謝營養顧問的悉心照料。

楊思琦
楊思琦

改圖惡搞 秦沛遭子取笑

前日黃貫中與朱茵以裸照公布喜訊,昨日網上即瘋傳一張他們的改圖,網民惡搞貼上無綫藝員秦沛與薛家燕的頭像,吸引藝人與網友熱烈討論,湊巧秦沛的英文名與黃貫中相同叫Paul。

朱茵一向是有料之人,Paul直言她咪咪夠勁!(資料圖片)
朱茵一向是有料之人,Paul直言她咪咪夠勁!(資料圖片)

連秦沛的兒子姜文杰與女兒姜麗文亦齊齊轉發圖片,姜文杰更取笑爸爸遭網民惡搞,並寫道:「爸,你怎麼這麼大事都不跟我說,好姨實在不錯,但也應該商量一下嘛!」

Paul與朱茵的裸照被網民惡搞,改為秦沛與薛家燕做主角,超爆笑。
Paul與朱茵的裸照被網民惡搞,改為秦沛與薛家燕做主角,超爆笑。

千嬅生B 丁子高拒剪臍帶

丁子高同樣與黃貫中是準龍爸,昨日他在電話中恭喜Paul說:「恭喜佢哋,我諗佢慢慢就好似我咁會愈嚟愈緊張,大家都係第一次做爹哋,好多嘢都唔識、都要學,我覺得佢搞得掂,會係個好爹哋。」

楊千嬅
楊千嬅

前晚丁子高出席活動時透露,老婆楊千嬅預產期6月,醫生說BB大得很快很足磅,會比原定時間早兩星期出世。夫婦倆會順應天意,不會擇日生B,醫生提議他為BB剪臍帶,丁子高說:「我一定會陪千嬅入產房,會拖住佢隻手同望住佢雙眼嚟支持佢,不過就未ready好剪臍帶,覺得臍帶係內臟。」千嬅有感到緊張,最後這兩個月會辛苦些,感受到BB的重量和郁動。

丁子高
丁子高

生B當旺爸媽

歷年不少娛圈父母於剛剛誕下小孩後或懷孕期間,都會有意想不到的好消息,力證「BB帶來好腳頭」之說!

任達華(右)
任達華(右)

任達華 榮膺影帝

2004年,從影卅多年的任達華憑電影《PTU》首奪第九屆金紫荊獎「最佳男主角」,打破與獎無緣的宿命,當時琦琦正懷有身孕,她笑言B女旺爸爸。

謝霆鋒 高薪接劇

2007年,張栢芝正懷有長子謝振軒(Lucas),將做爸爸的謝霆鋒以達千萬酬金接拍內地電視劇《浣花洗劍錄》,該劇的製作費為當時內地劇集之冠!

謝霆鋒
謝霆鋒
李嘉欣
李嘉欣

李嘉欣 贏得頭馬

去年2月,李嘉欣誕下囝囝Jayden Max不久,老爺許世勳的馬匹於沙田馬場第十場賽事跑出,袋近八十萬元獎金,其後許世勳夫婦笑逐顏開齊拉頭馬。

arrow
arrow
    全站熱搜

    stacylife 發表在 痞客邦 留言(0) 人氣()