見到皇上仲唔下跪！（設計對白）討厭狗仔文化嘅杰倫王，聲言會考慮開辦《蝙蝠日報》，報導娛樂圈正面信息，更呼籲台灣黎智英員工，盡快轉行轉工！

自從鬧狗仔隊，冇資格直呼佢全名之後，周杰倫家陣响台灣多咗個新花名，叫做「杰倫王」，因為以前啲老百姓，係冇資格叫皇帝全名。升呢做皇帝，上個禮拜杰倫王現身台灣國際機車展，話自己讀中學已經揸電單車車女仔四圍兜風，變相自爆未成年揸大膽車。天子犯法與庶民同罪，杰倫王知道自己晒錯命，即刻兜番：「全校都沒有人騎，所以我覺得這樣很酷，但要補充一句『千萬不要學』。」知驚嘞咩！


提起電單車，杰倫王認為係史上最容易撇甩狗仔隊嘅交通工具，簡直係偉大發明，擺明車馬憎死狗仔隊，現場有記者話，外傳肥佬黎有意出售台灣蘋果日報、壹週刊及電視台，問佢有冇興趣收購做新老闆，杰倫王聽到，又有機會發揮：「狗仔文化就要抵制，最後瀕臨要賣的結果，說買《蘋果日報》不如自創《蝙蝠日報》，不寫自己緋聞。」嗱嗱嗱，君無戲言，咪講過唔算數呀！ ####


（《蘋果日報》圖片）


活動期間杰倫王同大會司儀阿娟坐電單車合照，杰倫王就係咁唔小心自爆中學揸大膽車車女仔兜風。


杰倫王頭髮愈來愈疏，假髮都遮唔晒頭皮肉，憂國憂民憂狗仔，好多煩惱囉！


唔想俾人跟，杰倫王擺駕出席台灣國際機車展，私人聘請兩名西裝「錦衣衞」保護（箭嘴），保證連fans都埋唔到佢身。


託杰倫王鴻福，最近昆凌有得拍偶像劇《愛上巧克力》，不過只係做大配角，身旁專登扮成男人婆嘅曾之喬先係女一號。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄