兩個都對我咁好。（設計對白）佢好有才華㗎！（設計對白）

得個嬲字

曾與吳卓羲傳緋聞的馬賽，近日被指硬撬在新劇《名媛望族》做她老公的「巨聲幫」大孖周志文，介入對方正印模CoCo（袁聖殷）的半年戀情，眼見「小三」攻勢愈來愈勁，CoCo亦忍唔住親飛上海，到拍劇現場宣示主權。女友公開擺姿態，不過一直被大孖氹住的馬賽，繼續跟口邊的「老公」出雙入對，甚至搵劉松仁出手，不斷加二人戲份，出招明搶。左右逢源的周志文為求攞盡着數，竟然同正印女友扮分手。

酒店氹正印
劉松仁、楊怡、馬賽、周志文以及韓馬利主演的無綫新劇《名媛望族》正在上海拍外景，傳出男友大孖周志文跟馬賽撻着後，正印CoCo即飛當地監場，拖男友遊街晒命，事後更直指馬賽搶人男友冇品。女友擺明車馬，但左右逢源的大孖就冇句真，一時否認同CoCo拍拖，一時又話已經分咗手。「其實成個劇組都睇得出佢對馬賽特別唔同，CoCo踩去上海，佢當然怕馬賽唔高興，加上公司講過再有拍拖新聞出街，就停晒佢啲job，所以佢咪扮分手囉。CoCo喺澳洲大，唔明點解拍拖要講大話，所以佢喺微博話『新人都有說事實的權利。』，係要大家知，佢哋仲喺一齊。喺上海同記者講分咗手，之後即刻返酒店氹CoCo，兩個人仲影咗好多嘴晒嘅相。」知情者說。

劉松仁幫拖
為保男友飯碗，CoCo被迫配合假分手，至於馬賽，更加無放軟手腳。據了解，大孖不時向馬賽強調自己家窮，希望盡快做到成績，有能力照顧家人；馬賽二話不說，搵在劇中做義工做埋編劇的劉松仁幫手，不斷修改劇本，加重「老公」戲份。
「馬賽對大孖都好主動，未開工已經成日聯絡傾劇情，開工就互叫老婆老公，又成日whatsapp大孖問行踪，試過一日內成百個。
「馬賽對大孖做咗好多嘢，大孖同佢呻喺公司機會唔多，馬賽就拉埋佢同松哥（劉松仁）、Mary姐（韓馬利）一齊玩，又喺松哥面前讚佢，幫到出晒面，班演員都笑佢哋係真正一對；大孖亦唔避忌，就算CoCo特登飛去上海，佢對馬賽都表現得好關心，所以馬賽唔會覺得嗰男仔有唔妥。」知情者說。
由第一屆《超級巨聲》出身，試過出糧數字低到得「零」蚊，等足三年，大孖周志文終於有機會唔使做大茄，馬賽居功至偉。

吼有米女
現年22歲的大孖周志文，跟孖生細佬周志康09年參加第一屆《超級巨聲》歌唱比賽後簽約無綫，去年一月跟10年富貴港姐季軍莊思明傳出緋聞後，今年初再傳出有模女友CoCo，更被指在女方貝沙灣豪宅同居。事業剛起步他近日傳出跟08年賺錢買花戴的港姐季軍馬賽拍劇撻着，辣㷫正印，緋聞女友個個有米，大孖絕對識食。 ####


正印CoCo 佢鍾意嗰個係我。（設計對白）


在facebook搵到CoCo跟大孖的互嘴相，據知是CoCo飛上海宣示主權當晚影低，間接踢爆大孖向外宣布分手嘅大話。


馬賽跟劉松仁在新劇扮父女，因傾劇本而成為朋友，見馬賽頻頻讚大孖，劉松仁亦出手幫拖加對方戲份。


一班《名媛望族》演員對馬賽跟大孖這一對十分支持，韓馬利早前在微博放二人手拖手相，並暗示二人戲假情真，離開鏡頭後依然拖住唔放。


馬賽whatsapp問大孖行踪
對大孖由憐生愛的馬賽，拍劇以來都有短訊問大孖行踪，知道他落場打籃球，即短訊鼓勵。有時遇到正印CoCo在身邊，大孖亦會叫馬賽不要再提雙方的感情事。


馬賽跟大孖在新劇扮夫妻，她不時將二人合照放上微博。


CoCo跟新人韋彤合作組成Lemonbeez，據知CoCo媽咪睇到女兒跟馬賽等三角關係後，即落令要女兒返澳洲或到法國讀書。


騷名牌情侶袋
大孖識氹CoCo，收到對方送的名牌MCM背囊後，即上載微博指會揹住「它」出生入死。而CoCo亦買了一個粉紅色，跟大孖情侶袋出入。


（《蘋果日報》圖片）

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄