樓梯級太高，對腳又冇力，上到台琴姐對腳伸唔直失咗少少重心，好在有黃嘉樂同女保安左右扶實，冇事！

雖然係四年前倉底貨，但《盛世仁傑》成績唔失禮，收視見過34點，有二百二十萬觀眾捧場，證明宮廷鬥爭古仔，就算幾陳皮都有人like。上星期六（四月十四日），劇集拉隊喺將軍澳下多兩錢功夫谷劇，就連八十歲嘅琴姐，都有現身撐場。


年紀大，琴姐比起四年前做狄老太時已經冇咁生猛，尤其係對腳，上台有年輕力壯嘅黃嘉樂扶到實，不過琴姐一上樓梯級成個人冇力側埋一邊，好在現場女保安夠機警，幫手扶一扶，有驚無險。至於五十八歲嘅朱咪咪，雖然唱歌仲係中氣十足，但踎低影完大合照，居然企唔番起身，黃嘉樂又出手，扶起朱咪咪。谷劇其次，做兩位前輩嘅御用扶手，非常任務。 ####


其實大會安排咗張櫈俾琴姐坐，但佢老人家係都要行出台前玩遊戲，坐 唔定。


扶完琴姐，黃嘉樂又出手「的」起踎完企唔番起身嘅朱咪咪。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄