錢呀錢呀！（設計對白）

無綫新劇《拳王》出街，身為男主角嘅鄭嘉穎，原本身在上海拍大陸劇《滾滾紅塵》，亦專登同劇組請假，飛返嚟出席上個禮拜四（四月十二日）宣傳活動。


自爆拍劇期間要操fit冇啖好食，但鄭嘉穎冇時間keep住大隻佬身形，所以宣傳當日，風褸牛仔褲將自己包到密密實實，唔似得黃浩然，背心短褲一副拳王look。問佢係咪肥咗？鄭嘉穎冇正面回答，反而自誇有份谷起《春嬌與志明》嘅票房，更唔介意大家翻炒佢同王馨平嘅史前緋聞：「每個人都有過去，呢啲係我嘅回憶，死嗰日都會跟住我。」不過提到近半年北上發展，密密賺咗三千萬，鄭嘉穎又再耍太極：「邊有咁犀利，我都想呀，快啲過數俾我。」聽到個錢字就轉話題，連身旁嘅胡定欣都加把嘴：「你幾時帶挈吓我呀，有冇十萬蚊一集，企你隔籬啲丫鬟角色俾我做吓呀！」喂喂喂，你叫胡定欣，唔係劉心悠呀！ ####


記者叫鄭嘉穎扮俾胡定欣打，鄭視帝即刻上身，胡定欣拳套都未戴好，佢已經諗定打頭打肚打下巴應該俾咩表情，仲現場配音係咁嗌「哎呀！哎呀！」好戲到呢！


大會安排泰拳學員即場較量，郭少芸唐詩詠龔嘉欣李詩韻，個個睇到O晒嘴好肉緊。


冇keep住拳王身形，鄭視帝全身包到實，唔敢做「肉帝」，都係黃浩然最fit。


陳國邦要宣傳《拳王》，有咗三個月嘅羅敏莊專登嚟陪老公，第二日佢一個人响銅鑼灣行街，肚凸胸脹，點睇都唔似三個月肚。



arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄