瞓喺後座位嘅志偉，打出肚皮一樣毫無知覺。

曾志偉上星期六（四月十四日）晚，喺觀塘開校服P，慶祝五十九歲生日，劉嘉玲、阿倫、苗僑偉、洪天明、謝天華等一眾圈中好友到賀。年年有今日，同樣年年都自己行入去，俾人抬出嚟嘅壽星公，今年亦冇例外，醉到要四個人合力抬佢上車，不省人事。


當晚戥人高興嘅Laughing謝天華同洪天明，一樣飲到行之字步，兩個都要老婆拖住搭的士走。八珍同志偉都劈過唔少次，佢其實唔使飲好多，就爆，係金牌「醉先」，望六張，quota有限，壽星，保重身體！


老婆周家蔚扶住嘅洪天明，醉到行都行唔穩，至於早排喺天明結婚party醉到抬走嘅謝天華，是夜亦飲到貓晒。 ####


瞓咗唔醒，凌晨三點幾，壽星公由四名大漢抬落樓再搬上車。


Party開始，志偉喺場外做迎賓，同大住肚都嚟賀壽嘅文頌嫻、關寶慧合照。


劉嘉玲跟dress code著校服，阿倫亦係咁意打番條呔。



arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄