男人唔結婚,被指為單身貴族;女人未嫁出,則被定名為剩女/盛女。

城中有不少星級盛女,為了增值會整容、減肥,甚至改頭換面由頭執到落腳;但亦有人拒絕改變,默默等待上天送她Mr. Right。

職場上,她們能幹又獨立;但在愛情的戰場上,她們只能各師各法,等待愛的呼喚。

Michelle去過一次鴨店,純為見識,但覺得「好disgusting(嘔心)」。她很重視自己儀容,穿上花花連身裙面對鏡子,一臉自信。

「有一天照鏡,發覺自己好似黃臉婆。」她於是的起心肝做激光去斑,共買了十次療程。

廿四歲 嘗 初 戀

這天,盧覓雪(Michelle)與英國籍的英文老師David甫見面,即深情擁抱兼嘴對嘴kiss,表現如熱戀情侶,她卻說二人相識七年,關係只限朋友。

「我同David係好朋友,一定唔會變lover,我將朋友和lover分得好清楚。」

相信一見鍾情的Michelle,愛情方面很遲熟,廿四歲才嘗初戀。「我由細到大都係肥妹一名,同啲男仔好似兄弟咁,讀書時從沒男同學追過我,好慘。」

自知身材輸蝕又非靚女,但向來自信心爆棚的她,自問爽朗、幽默又easy-going,三十歲前從未驚過嫁唔出,更討厭親友介紹男仔與她dating。「以前有朋友想介紹男仔我識,我睬佢都傻,『即係點?你睇死我識唔到人呀?』實在太驕傲。」

每次拍拖,她只求開心。直至去年某一天,一個人在家對住四道牆,一股寂寞感覺直湧心頭,令她很想搵一個伴,擁有一個家。

「幾年前阿媽過世之後,我就自己一個人住,但因為朋友多,從不覺得寂寞。直至去年尾,我覺得係時候改變,咁啱有個風水師朋友上我屋企,話我間屋『孤寡』,於是我即刻搬,下月會搬去貝沙灣。」

Michelle跟David學了七年英文,這天一見面即咀嘴,David更會不時傳些甜蜜短訊給她。她直認鍾情西人。「唔係size同技巧問題,而係佢哋會好caring,多啲擁抱、錫吓你,相對下香港人無咁romantic。」

arrow
arrow

    stinglife 發表在 痞客邦 留言(0) 人氣()