一停機,謝天華仲即刻起身閃開,pat pat好似有蟻咬咁,塊面仲黑黑哋,有啲奇怪囉!

大家最近有無半夜追《學警狙擊》(重播)呀?媽咪姐真係好想有個好似Laughing Gor一樣,有膊頭、唔會反轉豬肚嘅人為香港服務囉!


只不過,現實中嘅Laughing Gor閉咗關嘞。早前謝天華同新晉花旦李璧琦(《誰家灶頭無煙火》主角之一)喺石澳拍新劇《女警愛作戰》,明明兩個人坐到鬼咁埋,擺明係拍緊談心戲,但導演一嗌cut,男方就彈開9丈咁遠,淨係掛住自己煲煙,騷都唔騷吓個拍檔。嗰日翻咗風呀,可憐嘅李小姐見無人理,就惟有自己攬住件羽絨,孤單承受冷風吹。
Laughing Gor個樣咁灰,唔通佢同媽咪姐一樣,為香港嘅未來愁緊?


####


黑面談心
呢日陰陰天,下午3點幾已經好似黃昏咁,本來好啱喺沙灘黐埋談心。但除咗講對白,謝天華基本上無同李璧琦講過嘢。入唔入到戲㗎?


彈開扯煙轉過頭,Laughing Gor仲「一支公」行到9丈遠,去咗望海同煲煙㖭。嘩,有無咁沉鬱呀?不過正牌Laughing嫂應該放心晒囉。



arrow
arrow
    全站熱搜

    stacylife 發表在 痞客邦 留言(0) 人氣()