老公，聽話啦！（設計對白）

雖然同舊愛鄭嘉穎重拾舊歡，但佘詩曼依然緋聞纏身，近日再被指趁男友離橫店返港，與首度合作的人夫胡軍，包房撐枱腳。原來阿佘多年來更一直跟於去年結婚生埋女的前度陳浩民，保持密切聯絡。據了解，過去每次到橫店開工，阿佘都要求陳浩民安排保母車接送，甚至想做埋陳浩民女兒契媽。為防阿佘掟煲唔掟蓋，加上有狼啜陳嘉桓前科，為箝實偷食陳浩民，陳太蔣麗莎做足防禦措施，早前帶住未夠兩個月的B女到橫店，全天候監控，啟動「防佘」警號。

晚飯走唔甩

胡軍陪兩晚
上週二（二月七日），佘詩曼飛返杭州橫店，為電視劇《建元風雲》開工，鄭嘉穎孭飛的內地劇《英雄》未復工，男友人在香港，阿佘到埗後即相約同劇合作對手胡軍撐枱腳。晚上八時半，在下榻的國貿酒店放低行李後，阿佘飛車到貴賓樓中菜廳會合胡軍，磨足三粒鐘，接近凌晨才離開；上車時，在人前一直刻意分開等車的胡軍，忍不住出手扶阿佘上車。翌日黃昏六點，二人收工後，胡軍又用自己的平治七人車，載阿佘外出食飯，由於當日氣溫得零度，為免阿佘凍親，胡軍等七人車抵達酒店，才叫助手通知阿佘出門口，十分細心。據了解，阿佘鍾意掟煲唔掟蓋，每次到橫店開工，都會叫陳浩民安排保母車接送，雙方保持密切聯絡。但今次有「新歡」連續兩晚陪食，加上陳浩民老婆帶住未夠兩個月的B女到橫店監控實，阿佘唯有稍為避忌。「呢幾年阿佘返內地拍劇同做活動，每次都會有專車安排，但阿佘依然叫浩民搵司機接送佢，就算浩民舊年結埋婚，佢都冇改呢個習慣。今次佢知道浩民老婆喺橫店，先改用劇組車，不過而家又有胡軍車接送。其實浩民都好唔理老婆感受，仲話要搵阿佘做囡囡契媽，當正阿佘係一家人，浩民老婆好唔開心，不過內地女人EQ好高，只係反對俾個女同阿佘上契，冇講其他嘢。」知情者說。發生狼啜陳嘉桓事件，又要杜絕老公跟阿佘藕斷絲連，女兒雅薷出世唔夠兩個月，依然未收身的蔣麗莎即時做嘢，農曆年後，堅持帶同女兒及保母飛橫店，日日mark實老公。

箝實食晏
陳浩民跟老婆連日來在拍攝場地附近的餐廳食晏，之後浩民太推住BB車買小食打發時間。

唔返鄉下
「浩民老婆本來諗住喺香港坐完月，就返喺湖南長沙屋企，諗住有爹哋媽咪幫手照顧個女，不過知道阿佘呢段時間喺橫店開工，佢就改變主意，帶埋個女去嗰邊，表面上就話浩民掛住個女，其實嗰度空氣、環境都咁差，個女又咁細，係人都知咁做唔係咁好，但佢決定等到浩民拍完個劇先一齊走，之後直接返香港擺百日宴，免得自己唔喺度，浩民又亂嚟。」正在橫店拍《濟公2》的陳浩民，被老婆吼實甩唔到身，一日兩餐，亦冇再跟大隊出外覓食。

主動要求
上週四（十月九日）中午，著住戲服的陳浩民，跟老婆在港式餐廳《大城小廚》食晏，陪老婆坐唔夠半個鐘，他已趕住走，返回影廠開工，帶住女兒的蔣麗莎，留在餐廳等陳浩民的保母車折返，之後坐車到附近的街邊檔走了一轉，便返回酒店，等晚上老公收工。日日被老婆鎖住行蹤的陳浩民，見到記者亦交晒戲，幫手餵奶抱女，用iPhone替女兒影相，又夾餸俾老婆，要乜有乜。離開餐廳時，他更刻意自爆：「我特登叫老婆嚟橫店，因為要同佢一齊過情人節。」原來如此。

七國咁亂

貪就手
陳浩民靠把口氹掂唔少女，手法習慣有殺錯無放過，又鍾意拍劇向拍檔落手，貪方便。

葉璇
2000年合作《封神榜》及《一網情深》傳出戀情，多次被拍到同車互送對方回家，及女方到他家中過夜，戀情維持一年。

佘詩曼
2002年合作《情緣汽水機》撻着，拍拖四年離離合合。

鄭家榆
2006年拍台灣偶像劇《愛情機器》鬧緋聞，之後兩人加入同一家經理人公司，同年合作《包青天》被發現經常互去對方的酒店房相聚。

陳瑀涵
2007年，陳浩民被拍下與代表台灣參選亞洲小姐，上圍超大被指「籃球胸」的陳瑀涵約會。

鍾欣桐
2010年在內地合作拍《大唐女巡按》，陳浩民酒後除剩內褲大鬧酒店，並不斷拍打鍾欣桐的房門。

蔣麗莎
2011年，陳浩民與年輕16歲的國產35E女模蔣麗莎拍拖兩年奉子成婚，同年誕下6.6磅女兒陳雅薷。

陳嘉桓
2011年，陳嘉桓在橫店與馬德鐘、陳浩民消夜，卻被喝醉的陳浩民箍頸強吻上下其手，慘被非禮的陳嘉桓報警求助，及後陳浩民公開道歉，才為事件畫上句號。 ####

 
知道有記者在場，陳浩民即抱女餵奶，更誇張氹女開心。


食完晏，浩民又俾老婆mark實食晚飯，冇約劇組人員。






為避前度，陳浩民刻意跟老婆女兒住在日租150蚊的平價汴京大酒店。


扶上車


阿佘偷笑放完假返橫店開工，阿佘即約胡軍撐枱腳，二人當晚包房食飯三粒鐘。


胡軍接棒連日來外出，記者發現阿佘不是改坐劇組車，就是坐胡軍掛京字車牌的平治七人車。


胡軍在《建元風雲》孭正男一，戲份極高的他，通常早上六點開工，未埋位時，扯煙提神。


在攝影棚等埋位，阿佘甚少周圍走，多數靜靜坐在一角呆等。


返內地拍《建元風雲》，有指馬浚偉跟國內對手何彥霓撻着，收工後不時相約打羽毛球，男方在片場亦主動拉住女方傾偈。



 















arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄