首晚彭羚喺「安哥」時候出現,當年Wyman為佢寫的〈小玩意〉紅爆,今次一出梗係必唱番呢首歌啦!

上週四(9日)「Concert YY黄偉文作品展」正式開騷,冇唱過10年歌的彭羚,「復出」開腔大驚喜,更掀起全晚高潮。當人人以為彭羚勢將重出江湖,但原來彭羚只想專心做林太,令到週二(14日)尾場騷成為彭羚的紅館絕唱。
彭羚絕唱已經夠話題,再加上同Wyman割蓆、佗住5個月龍B的楊千嬅亦將會破冰,為Wyman尾場獻唱。為咗睇兩代人妻歌姬同台唱,即使有網友將門券炒高近十倍,亦有人照瘋搶,千嬅自己開騷都未有咁爆呀!

 


詞神Wyman開騷請晒差不多全港最強歌手,一連六場,晚晚唔同嘉賓,尤其十年冇再踏足舞台的彭羚,相隔多年再開金口,引嚟極大回響。頭場當晚有不少歌迷偷拍擺上網亦引來大量點擊,甚至有網友把尾場兩張只是第20行的$480門票,以近原價十倍價錢的瘋價$8,300出售,最喪係竟然有人承接。

復出變絕唱
歌迷要捱炒飛,只因人妻再開金口全城激讚,個個期待彭羚復出,但可惜彭羚上週六透過助手向傳媒表示:「其實Cass今次只係友情獻唱,佢冇諗過復出,佢做埋今次頭尾兩場嘉賓後,就會專心做好林太,始終家家庭先係Cass最重要嘅嘢!」週二(14日)尾場成為彭羚紅館絕唱,難怪引來唔少人不惜買炒飛都要去睇。 Wyman除咗請得郁昔日天后彭羚外, 連同Wyman反目6年的大肚楊千嬅,亦在尾場現身,唱埋今次楊千嬅就安心等生,分分鐘等到出年都冇得再見千嬅,有兩位激罕人妻撐場,$8,300兩張?即畀啦!

演唱會兼花生騷
除咗彭羚爆之外,Wyman親自為眾嘉賓安排的不同靚衫亦係搶眼位之一,尤以容祖兒唱足五場兼換最多衫,可惜亦有觀眾指Twins係廁所位,而李蕙敏演出亦叫人失望。

靚衫最搶
Wyman為Joey親自設計的「牆紙」造型,認真搶鏡,難怪Wyman亦承認對祖兒最偏心。

〈破相〉破音
Joey唱〈破相〉時,因唱得太忘我而不慎走音,事後Joey笑稱完美呈現〈破相〉效果。

Twins悶場
第二場(10日)除咗有久未同台的Shine唱〈燕尾蝶〉,亦有Twins現身獻唱〈明愛暗戀補習社〉、〈下一站天后〉等,不過反應麻麻,更有人嫌佢哋唱得太耐。

似男人唱
近年全力在國內登台演唱的李蕙敏,因登台太多搞到成把老牛聲,連何韻詩阿哥、大會音樂總監何秉舜(小圖)都喺facebook中寸佢把聲似男人。 ####


感動到喊
半百靚衫
出名貪靚到爆的Wyman,話今次準備了五、六十套衫畀自己,其中呢件手榴彈衫更內有乾坤,拆彈後以白色毛毛衫破繭而出。


自從第一場(9日)贏盡口碑,最誇張嘅係坐第20行的門票,都要索價$8,300兩張,勁過Lady Gaga嚟香港開show的門票價。


彭羚一出場唱〈小玩意〉成為全晚焦點,更有現場觀眾不惜冒險偷拍放上YouTube,短短三日即有四十多萬點擊率,加埋其他現場片段,點擊率過百萬。


專注湊女淡出樂壇多年的彭羚被林海峰「私有化」後,一直專心相夫教女。


尾場福袋 Wyman話過今次作品展想令到入場觀眾有種買「福袋」的感覺,所以每場嘉賓係邊個都未知,尾場會有破冰楊千嬅,加埋絕唱彭羚,想唔炒飛都幾難。


3號人妻除楊千嬅和彭羚外,仲有唱Wyman首〈囍帖街〉爆紅的謝安琪,三大人妻同台唱,夠晒gimmick!《蘋果日報》圖片


君狗踩場 94年吳君如跟Wyman一齊開咪主持《娛樂性騷擾》及合唱〈初一十五〉,尾場現身湊熱鬧。《蘋果日報》圖片


Wyman上週二(7日)與徐濠縈出席活動時明言希望楊千嬅出席,亦承認有聯絡過千嬅,佢笑言:「我已經聯絡過佢(千嬅),正等待消息。」


《蘋果日報》圖片


arrow
arrow
    全站熱搜

    stacylife 發表在 痞客邦 留言(0) 人氣()