32歲人妻關心妍終極一露，褻衣短裙、搔首弄姿，令現場氣氛升溫，Jade話：「成世女最sexy一次。」
有一副好歌喉的關心妍（Jade），最為人津津樂道的並非其歌聲，而是年前《勁歌》錯搶關菊英獎項之事， youtube點擊率超過40萬。近年事業平平的關心妍，搵到身家三億的金融才俊楊長智做老公，恨死唔少港女。關心妍老公恨生仔，但老婆對樂壇仲有團火，造人計劃一拖再拖。最後，Jade與老公傾掂數，年初開完個唱圓埋心願就收山趕生龍B，而老公為了冧老婆，不惜擲百萬加碼舞台製作費，為Jade 20號（上周五）的演唱會打造噴水舞台，效果媲美水舞間。老公錫到燶，Jade今勻都算光榮引退！


09年，對樂壇意興闌珊的關心妍，下嫁楊長智。婚後楊一直恨做老竇，但Jade卻採拖字訣，只因對樂壇心不死，。閨中密友透露：「阿Jade真係好鍾意唱歌，佢鬥心好強，成日覺得只欠一個機會。難得今次佢應承老公收山唔做，仲講好一完騷就ready專心造人，咁佢老公梗係全副心力及財力都支持佢啦！」關心妍完騷後，打算與老公到東南亞度假兼造人，她直認：「希望趕得切生龍B啦，生咗BB就唔做，做個好媽咪、好老婆，之後極其量只係做錄音呢類簡單工作，演唱會咁大工程，應該唔會再做，所以頭先都好唔捨得個舞台。」

零歌酬開騷
唱片公司人員爆料：「喺紅館玩水變成水世界，係阿Jade構思。佢搵意大利設計師做衫已經不惜工本，今次開三面台又只開一場其實蝕硬，但阿Jade話寧願唔收歌酬，係要玩大佢。阿Jade四十萬歌酬外，佢老公Jonas仲拎多一百萬出嚟包底做製作，個舞台至有咁靚。」而關心妍之前為演唱會減肥，三個月前開始鍛煉，日日做gym兩個鐘，250下sit up，又去美容院做機，由118磅減至96磅。腰圍得番22吋的Jade，歌衫件件貼身透視又性感，咁搏無非想以完美一面告別舞台。演唱會中，Jade以黑bra、迷你裙示人，又擺出撩人姿態，自摸扭籮兼與草蜢大跳辣身舞，蔡一傑更摸佢心口，成功辣㷫紅館。Jade在演唱會上公開冧老公：「佢係我生命中遇到最重要嘅男人，好多謝老公由我低潮到依家都咁支持同愛我。」完騷後記者問老公揼水一事，Jade只回應：「總之老公好支持我啦。」

關心妍老公起底
關心妍老公楊長智（Jonas）現年37歲，坐擁三億身家，靠炒起家，自小於美國長大。他擅長外匯交易，有「金融才子」之稱。長袖善舞的他，認識到不少名人及娛圈中人，06年楊長智由蔡一智介紹認識關心妍。擅於樓宇買賣及證券交易的楊長智，09年一擲800萬元買入灣仔會展中心一個單位，翌年即以1,100萬元賣出，帳面賺300萬元。早年亦曾教關心妍炒樓，06年，關放售羅便臣道輝鴻閣一個連車位的豪宅，亦賺了200萬元。楊長智現時名下有十間公司，當中包括卓峰投資公司，又與岳少愛將鄺心怡（Selina）、公關界闊少陸恭和、《無間道》導演麥兆輝太太鍾慧得開設公關公司「弘傳」，生意瓣數甚多。 ####

 
人肉三文治關心妍騷味十足坐蔡一智大髀，又任由蔡一傑摸心口和蘇志威掃背，事後Jade話：「老公都睇到嘩嘩聲，佢同草蜢咁friend都唔會介意！」


關心妍有老公科水搞咗個靚舞台及大型音樂噴泉，噴泉隨音樂有不同形態噴水效果，令關心妍出場時有如置身大型水晶球內。


開騷前，票房反應麻麻，但現場入座率達九成，本刊收到讀者報料，從網上途徑以48元買到十張原本480元的貴飛。

 
關心妍表示， 好開心能請到讀書時的偶像關淑怡做嘉賓，據知她花了8萬元請偶像唱兩首歌。

 
Jade拿着長尾襬時，不慎露出三角打底褲。

 
關心妍勁減18磅，纖腰只有22吋，瘦身唔瘦胸，以32D胸降紅館。


全晚七個造型，以這件蜘蛛鐵線網裙最貴，是意大利名師Larisa Katz設計，連運費25萬。

 
關心妍和楊長智拍拖兩年結婚，求婚戒指80萬，又豪花三百萬到峇里舉行婚禮。


楊長智在老婆開騷當日，亦在場打點一切。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄