十點多已經入場的李詩韻（箭嘴）跟一班女朋友先玩影相。

平安夜，圈中男女空巢出動，早前捲入化妝學校涉嫌種金的李詩韻，上週六晚就黐住朋友到蘭桂坊蒲通宵，全晚又跳又飲十分主動，不過依然冇着落；相反肥Wilson錢國偉以及被莊思敏KO的林忠豪就得米，玩到夜店拉閘，腳步浮浮拖住一班模由後門鬆人。

甩拖夜蒲
平安夜晚，近期成為蘭桂坊常客的李詩韻十點左右已經出現夜店Play，夜店為免VIP熟客受騷擾，在打碟區附近劃設貴賓區，李詩韻不是在舞池跳舞，就是跟朋友在貴賓區飲香檳傾偈。
當晚同場還有鄭志恆、林忠豪等一班富二代，間中亦有些高大型男埋身撩李詩韻傾偈，玩到凌晨三點，便跟友人離開，冇着落！
據了解，李詩韻半年前跟做banker的男友Phil分手，已經三字出頭的她心急搵另一半，近月經常出動夜蒲。「Phil好大男人，分開係遲早事，不過詩韻都已經三十歲，想快啲搵番個啱嘅就結婚。」李詩韻身邊人說。

模埋身
蒲場釣魚，各適其適，錢國偉全晚有模主動黐埋身，在場內玩到凌晨四點，由一班模擁住離開，飲大咗的他，見到記者影相依然冇反應，身邊有模唔願「見光」多次fing開手，他依然拖實對方，直至被閃光燈狂閃，才醒番彈開。

 
模黐監製搏機會，孭住小小超表弟招牌扮富貴追女的林忠豪就對長腳女情有獨鍾，全晚黐住著超短裙的長腳女唔走；凌晨三時才跟一班朋友前後腳走人。至於拍拖無耐的葉翠翠跟高鈞賢就提早兩日（二十三日），同到跑馬地馬會出席朋友搞的聖誕party，由於高鈞賢聖誕要開工，玩到十一點左右，二人各自搭的士離開。 ####

 


李詩韻跟男友Phil未分手前，二人鍾意拍拖蒲蘭桂坊。


凌晨時分，李詩韻跟同來的女友走到吧枱飲悶酒。


飲到咁上下，有高大型男攬住她密斟，不過傾完無下文。


近年轉戰內地的李彩華，返港過聖誕，當晚跟女友在場內雞啄唔斷。


被模fing開手，Wilson再拖另一模行斜路。


唔知有記者影相，飲大咗的Wilson拖住模手唔放。


林忠豪跟長腳女一齊離場，知道有記者在門口影相，即扮唔識前後腳走人。


二十三號晚，葉翠翠跟高鈞賢參加朋友搞的聖誕party，提早慶祝聖誕。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄