胡杏兒之前喺台慶頒獎禮入面連擸兩個視后大獎超巴閉,不過好多網友似乎唔多同意,胡杏兒封后更成為今年台慶頒獎禮最大懸疑位。


好在FBI終於解到呢個謎。話說近年TVB力sell旗下藝人返大陸掘金,而胡杏兒之前喺內地嗰套《美人心計》好收得,班內地電視精仲話佢飾演嘅癡心女呂魚勁討好,反而陳法拉就冇乜內地觀眾識,於是無綫班高層諗過度過,咪惟有益吓胡杏兒,等佢之後可以嗌價高啲,變相要法拉得個桔囉! ####


《美人心計》之後,一月杏兒又會有套《跑馬場》上,之後又接咗套《歡喜婆婆俏媳婦》,睇個造型同劇名就知完全係同胞口味,香港人好難接受囉!


胡杏兒之前喺內地套《美人心計》hit咗,拍住內地一線演員馮紹峰的癡男怨女組合大受好評,原來同胞對囧樣好受落。


胡杏兒連奪兩獎,又即場發表埋廁所論,公開同男友Bosco打情罵俏,唔怕肉麻!


冇市場
法拉零獎,頒獎禮後仲即時閃人連恭喜胡杏兒都費事,加上佢因為面癱要休息半年,下年視后都應該冇佢份。

arrow
arrow
    全站熱搜

    stacylife 發表在 痞客邦 留言(0) 人氣()