平安夜好多人都忙住買禮物去開party，賭王何鴻燊二房千金何超儀都唔例外，FBI喺時代廣場嘅city'super撞到超儀同老公陳子聰孖公仔去揀禮物。當晚超儀睇中一個價值成千蚊嘅潮款家居電話，一手就攞起6部到收銀處碌咭畀錢，大嗱嗱6千蚊諗都唔使諗即刻扑鎚，何家千金果然豪氣。

 
超儀同老公糖黐豆，而佢嘅哎吔細佬、何家四房少爺何猷亨，平安夜嗰晚就同女友一齊蒲蘭桂坊，FBI所見猷亨成晚都好緊張保護女友Sabrina，對女士嘅風度同老豆有得揮，不過平安夜晚，氣溫跌到落11度，但猷亨女友全程只着住條背心裙周圍走，愛靚唔愛命喎！ ####

 


週六平安夜晚，落咗去city'super嘅何超儀，揀聖誕禮物時一直揸住部手機煲粥。咁鍾意電話，唔怪得買咗6部瑞士「swiss voice」牌潮款家居電話畀朋友。呢部電話冇任何電話線及電線，全靠電波接收訊號，喺屋企任何角落都可以用，雖然每部差唔多成千蚊，但超儀絕對冇肉痛。


聽話老公當晚超儀老公陳子聰一直陪住老婆，其間一直笑住口專心聽老婆講嘢，聽話到死。


平安夜當晚只得11度，雖然猷亨女友只着住背心裙對抗寒風，但有猷亨護花錫住，個心暖晒。


猷亨（後排左）家姐超盈（後排右），聖誕當日剛由美國返港同屋企人過聖誕，仲上載同媽咪、細佬猷君及細妹超欣嘅合照上微博晒溫馨。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄