翠翠谷蜜桃胸撼姐仔

無綫台慶將於明日舉行,全台藝人整裝待發,葉翠翠日前專程到設計師好友 Cecila Yau的店舖試晚裝,自言瘦身成功的她專攻低胸裝。翠翠最近更桃花大旺,傳被高鈞賢力追,翠翠昨日出席美容活動時大讚男方有才華。


其他娛樂名人影片

每年的《萬千星輝賀台慶》都會有逾百藝人參與,為求突出,女藝人都會花盡心思裝扮一番。葉翠翠雖然沒有驕人上圍,但近日仍搏命四出尋覓「戰衣」,日前便去到中環一間婚紗店試晚裝,她說:「設計師 Cecila係我好朋友,佢已經贊助咗我 4、 5年台慶嘅晚裝,每次我着佢啲裙,同事都會讚靚。」

靠台慶撼贏花旦

最近忙於拍攝新劇《 4 in Love》的翠翠,雖然瘦了一圈,但她仍揀了一條粉紅色晚裝裙,成功谷出蜜桃胸,她說:「台慶係一個畀人扮靚嘅好機會,我絕對唔介意性感,家瘦咗,無論試邊件都冇贅肉露出嚟,身材線條 sharp晒。」翠翠左揀右揀,卻透露仍未揀定當晚衣飾:「未諗定,可能會好 sharp,又可能揀 nude colour,家仲心大心細,總之以靚為先。」

放大圖片
翠翠左揀右揀仍未決定心水款式,女人果然心多。

翠翠左揀右揀仍未決定心水款式,女人果然心多。

放大圖片
近日傳被高鈞賢狂追,翠翠否認之餘,卻戥男方被喚窮小生嗌慘。資料圖片

近日傳被高鈞賢狂追,翠翠否認之餘,卻戥男方被喚窮小生嗌慘。資料圖片

讚高鈞賢有才華 放大圖片
近日瘦了一個圈的翠翠,自覺着甚麼都沒有了贅肉,感覺良好。

近日瘦了一個圈的翠翠,自覺着甚麼都沒有了贅肉,感覺良好。

翠翠最近桃花大旺,繼傳韋家雄力追後,又傳與高鈞賢撻着,翠翠昨日出席美容店活動時自言未有戀情,但對高鈞賢被指窮小生感到不開心,她說:「大家係朋友,佢冇追過我,但見條題已經唔開心,唔應該用金錢去比較,反而覺得佢好有才華。」翠翠認物質不是最重要,兩個人相處溝通最緊要,問如果高鈞賢追求可會接受?翠翠大發嬌嗲:「佢都冇話追我,真係唔識答,佢係一個好細心嘅朋友,但拍拖太長遠。」翠翠直言不想再提黃有龍,而韋家雄至今仍十分關心她。採訪:楊潔雯、何慧斯攝影:陳順禎


翠翠選了件嬌艷粉紅低胸晚裝試上身,成功谷出蜜桃胸。

arrow
arrow
    文章標籤
    葉翠翠 谷蜜桃 胸 撼 姐仔
    全站熱搜

    stacylife 發表在 痞客邦 留言(0) 人氣()