Eason失獎兩年，若然破冰成功，今年極有可能重奪《勁歌》的「最受歡迎男歌手」獎，如今薛凱琪所屬的華納攔路， Eason想奪大獎隨時凍過水。

陳志雲自 9月回朝，即戮力與五大唱片公司就版稅問題破冰。為了食住時機爭奪《勁歌》男歌手獎，身為環球一哥的陳奕迅（ Eason），早前已私底下應承無 綫，在未來一年會接 15個騷。可惜，其如意算盤未必打得響，事關同屬五大聯盟的華納薛凱琪，據知在無 綫內定得獎名單中，連豬肉獎都冇份。
華納得知後隨即發難，導致破冰受阻。 Eason食到嘴邊的男歌手獎隨時撻 Q，極有可能拱手相讓俾死敵古巨基。

早前，盛傳無 綫對五大唱片公司解除封殺令。消息一出，謝安琪、陳慧琳等環球一姐紛紛讚好，可惜講唔夠幾日，身為無 綫談判主將的陳志雲，高調否認此事。原來五大和無 綫埋門一腳拆極唔掂，是因為薛凱琪所屬的華納唱片不滿 TVB不公平。

拍旅遊特輯換獎

其實，五大與無 綫破冰之旅一直進展順利。直至近日，各唱片公司與無綫傾頒獎禮獎項時，由於分贓唔勻，結果華納第一個煞停破冰計劃。
據知，今次無 綫內定的得獎名單中，環球陳奕迅將穩袋男歌手獎，至於新加入的吳雨霏，則憑 hit歌〈我本人〉奪得「金曲金獎」大獎。知情人透露：「 Eason把口話唔恨攞獎 啫，不過佢 07年攞過男歌手後，一直俾古巨基騎住，條氣梗係 chok住，加上無 綫點都係一個宣傳平台，計落做朋友好過做敵人。所以公司 嘅人同無 綫傾接騷，最後答應 Eason會喺來年接無 綫 15個騷，其中一個係旅遊特輯。 Eason仲放風話無 綫大騷想佢出席嘅話，佢點度都會度個期出 嚟。公司同事都好少見佢咁積極。至於 Kary（吳雨霏）就落實同無 綫簽 咗 18個騷， 嚟緊仲會主持一個音樂節目。」



四大聯手跟 TVB對抗（後加 BMA變五大），一場版稅戰拉鋸足足兩年，仍然未平息。《 Face》圖片

五大跟無綫 friend番，不過薛凱琪實際得益猶如零，至於在台灣當紅的方大同，據知同樣食白果，難怪引致兩人所屬的華納唱片不滿。《蘋果日報》圖片

薛凱琪冇份

無 綫與環球私下議和，反之華納旗下的薛凱琪，待遇差天共地。除了版稅加雞碎咁多，薛凱琪在年尾頒獎禮，更連半個獎都分唔到。「 TVB諗住只要主力傾掂環球，就可以搞掂其餘四大。點知華納覺得版稅已經收少一半， Fiona（薛洋名）今年有碟出，首〈唇印〉同〈除下吊帶前〉 plug到街知巷聞，差唔多個個流行榜都攞冠軍，但 TVB就講到明唔保證佢年尾有獎，話要同英皇交代。咁華納唔就範，其餘四大都 kick住 咗。」



07年擸四獎陳奕迅紅歌又紅人，玩足咁多年， 07年拎勁歌男歌手、亞太區男歌手及兩個金曲獎，與英皇的容祖兒和 Twins平分春色。

以獎報恩對於獲新公司環球看重， Kary吳雨霏十分感恩，表明希望版稅事件快點平息，以獎項回饋公司。

陳奕迅 05年及 08年幫 TVB分別到日本及塔斯曼尼亞拍攝旅遊特輯，據知他將於破冰後，再次為 TVB拍攝旅遊特輯。

環球高層黃劍濤錫吳雨霏錫到燶，更谷她奪「金曲金獎」，至於吳則應承為無綫主持音樂節目。

吳雨霏：好恨攞獎



讓賽兩年去年 Eason再度讓賽，死敵古巨基即攝到靚位，拍住容祖兒攞男女歌手獎。《 Face》圖片

為免送到埋嘴的肥肉拱手讓人，近日環球終於出手，分別與無 綫和華納斡旋。「 Eason攞硬《新城》同《叱咤》 㗎啦，佢見破冰有可能撻 Q，早排曾經向 Duncan（環球高層）施壓，話想拎埋《勁歌》總選個『男歌手』獎，覺得一次過攞齊晒先圓滿。一哥出到口， Duncan即時做 嘢，之前約無 綫同華納高層飯局，但係雙方企到硬，睇嚟有排傾。」
對於薛凱琪隨時拖冧陳奕迅，環球高層黃劍濤（ Duncan）周一（ 14日）出席吳雨霏新碟發布會時，對記者承認與無 綫仍未破冰。「公司有同事跟開（破冰事件），但以我所知，應該未解決到。（係咪因為華納唔制而 kick住？）……我只可以講獎項 嘅 嘢，冇咁快定係邊個攞 嘅，當然我都想旗下歌手有份啦。」至於一轉公司即獲力捧的吳雨霏，則大方表示自己恨攞獎，「公司用咁多資源去幫我，當然會恨攞獎回饋番佢 哋，不過係咪傾唔掂數（指華納）？唔……我真係唔清楚，公司會處理。」未待她講完，其身邊五個工作人員已匆忙拉她走。本刊亦曾致電華納高層李仁佳（ Gordon），但至截稿前仍未回覆。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄