許冠傑痛失胞兄後,曾向好友透露十分傷心,更稱將來坐飛機沒有許冠英在身邊,一定會不習慣。《蘋果日報》圖片

許冠英上周二( 8日)被發現心臟病發猝死家中,享年六十五歲,其遺體於下周六( 26日)在寶福山火化,骨灰將會撒入汪洋大海。胞弟許冠傑(阿 Sam)驚聞噩耗後,傷心欲絕,自困在家足足一星期,情況令人擔心。
據知天生有畏高症的許冠英,每次跟着阿 Sam坐飛機出埠登台時,總要拖實阿 Sam隻手換取安全感。久而久之,這亦變成阿 Sam坐飛機時的習慣。
阿 Sam下年初將赴新加坡登台,想起日後無法和三哥許冠英出生入死,他不禁悲從中來,更曾向友人說:「我唔可以再拖住佢隻手啦!」

許冠英出事前,原來曾跟許冠傑(阿 Sam)到 band房 jam歌,當時許冠英已透露背脊痛,許冠文說:「醫生朋友寫紙叫佢去驗驗,點知佢攞咗張紙返屋企,自己都唔急。」據知阿 Sam因自己沒有強捉許冠英去睇醫生而深感內疚,所以自許冠英逝世後,阿 Sam一直在康樂園家中足不出戶,更有傳他崩潰厭食。



記者連日來在許冠傑位於大埔康樂園的家守候,亦未見其蹤影,相信他此時的心情,還未能平復。

飛機上,許冠英和許冠傑必定拖手並肩而坐;而舞台上,許冠傑亦經常捉實許冠英隻手唱歌。

難忘機上時光



八十年代在無綫任監製的蕭潮順,和許冠傑相識超過廿年。在 04年許冠傑復出後,蕭就全力幫他搞演唱會。

記者聯絡過為阿 Sam籌劃演唱會多年的蕭潮順,他說:「阿 Sam復出後登台密咗好多,阿英又係阿 Sam登台嘅鐵膽。每次去外地坐飛機,一定坐喺阿英身邊,因為佢知阿英最怕坐飛機。」許冠英自小便有畏高症,每當阿 Sam叫他出埠時,他內心定必經過不少掙扎,蕭續說:「所以阿 Sam一定捉住佢隻手,猛話:『唔使驚,細佬响度,冇有怕!』咁多年來佢兩兄弟大大話話坐飛機嘅次數睇怕都百幾次啦!依家阿英走咗,我諗阿 Sam以後再坐飛機,一定會好難過。」捉住許冠英隻手坐飛機,已變成許冠傑每次坐飛機的習慣,蕭感慨地說:「阿 Sam同我講:『我以後坐飛機,唔可以再拖住阿英隻手啦!』佢嗰陣仲講到聲震震。」

最錫許冠英


 

許冠傑 92年在紅館開引退演唱會,許氏一家撐場,不過許冠傑明顯特別痛錫三哥許冠英,即使中間隔住母親,也要和許冠英握手影相。

許冠英多年來以客串形式為許冠傑的演唱會助陣。許冠英更毫不介意做醜角,除男扮女裝做日本娃娃外(左圖),在 05年許冠傑復出個唱中,許冠英就扮財神搞氣氛。


日本娃娃
日本娃娃
財神到《蘋果日報》圖片
財神到《蘋果日報》圖片

最後團圓


去年許冠傑一家到新加坡旅行,參觀環球影城,許冠英亦有份同行,相信這也是兩兄弟最後一次坐飛機出埠。

同遊女人街


許冠英和許冠傑感情要好,許冠英除經常上許冠傑家中作客外,二人也曾同逛旺角行女人街。

呂珊爆許冠英初戀

除了阿 Sam,與許冠英份屬好友的呂珊亦心如刀割。她更道出自己在三十年前,促成許冠英和他初戀情人孫寶玲(儼嚴)的異地戀,她說:「七幾年我同阿英去新加坡登台,一唱就三個月,孫寶玲當時亦喺埋一間夜總會唱。後尾阿英返香港,雖然嗰陣佢好紅,一連出幾隻唱片,但仍然好掛住對方,咪搵我做信鴿囉。七十年代通訊冇咁發達,寄信亦要幾日至到。佢哋啲情信呀、小禮物呀咪全部由我傳嚟傳去囉,仲叫我傳情話㖭。同我講話好掛住佢呀,好想見到佢呀之類。」
大約六年前,許冠英跟阿 Sam到新加坡登台。當時許冠英亦曾希望和孫寶玲再續前緣,便問呂珊攞孫的電話號碼,希望相約在當地見面。呂續說:「點知阿英去到新加坡,孫寶玲唔聽佢電話。半年前阿英又問我攞多次,話好想見吓孫寶玲,點知佢一樣唔肯見阿英。寶玲份人就係咁,擔心啲人話佢借阿英宣傳,又怕自己年紀大,結咗婚生埋仔,唔想破壞當年佢留低俾阿英嘅美好印象。」
不過許冠英離世後,孫寶玲就即喊住打電話俾呂珊,呂說:「孫寶玲話好後悔自己唔肯見阿英,責怪自己傻到連佢電話都唔聽。佢話自己硬起心腸,只係因為怕一聽見阿英把聲,會忍唔住要見佢。」


呂珊 14歲便認識許冠英,她得悉許死訊後,便不斷回想昔日的種種,更記起當年許和初戀情人孫寶玲相戀的經過。《蘋果日報》圖片
呂珊 14歲便認識許冠英,她得悉許死訊後,便不斷回想昔日的種種,更記起當年許和初戀情人孫寶玲相戀的經過。《蘋果日報》圖片
近年許冠英事業未見起色, 04年便曾到灣仔一間酒吧登台,不過他敬業樂業,手舞足蹈,絕無冷場。《壹本便利》圖片
近年許冠英事業未見起色, 04年便曾到灣仔一間酒吧登台,不過他敬業樂業,手舞足蹈,絕無冷場。《壹本便利》圖片

今年 47歲的呂珊, 7歲入行便與梅艷芳等人走埠唱歌,因而在童年時期已認識許冠英。《蘋果日報》圖片

靈堂彈曲悼念細佬

下周五( 25日),許冠英於寶福紀念館設靈,其遺體翌日會進行火化。主力為許冠英籌辦喪禮的二哥許冠武說:「阿英冇宗教信仰,所以佢嘅喪禮都唔會有宗教儀式。應該好似我哋媽咪咁,將骨灰撒落大海啦!等佢响天上同媽咪團聚!」
蕭潮順亦透露他應阿 Sam要求,會剪一段約十分鐘,內容全是阿 Sam和許冠英多年來登台的片段,屆時在靈堂上播放。據知阿 Sam會在靈堂上彈奏幾首歌曲悼念許冠英,對此蕭說:「睇吓阿 Sam心情啦,希望到時佢已經放低咗阿英嘅死,可以平靜咁送三佬人生最後一程。」

許母李倩雲 09年底病逝,許氏兄弟在大圍寶福紀念館為母辦喪事。當時許冠傑(上圖)依舊穿上他最愛的豹紋服飾奔喪。而當時許冠英顯得格外傷心,更有傳他因此變得抑鬱。



情路崎嶇

除呂珊口中的孫寶玲、及 04年因為工作關係而認識的日籍女友 Kayori外, 93年也曾跟關淑怡無厘頭傳出緋聞。

當時許冠英公開 Kayori女友身份,即使有記者在場,許亦大方送手鏈給 Kayori作定情信物。



《壹本便利》圖片
《壹本便利》圖片
《壹週刊》圖片
《壹週刊》圖片

許冠英和關淑怡 93年無厘頭傳出緋聞,當時許冠英笑謂:「我係佢世叔伯嚟!」不過關就大怒說:「我唔係咩人都啱㗎!」

arrow
arrow
    全站熱搜

    stacylife 發表在 痞客邦 留言(0) 人氣()