八月初《造》劇開鏡拜神，黎耀祥和鄭則士互笠高帽稱讚對方惺惺相惜。但短短三個月，二人竟由互相欣賞變成互相不妥。《蘋果日報》圖片

性格演員鄭則士（ Ken哥）向來有碗話碗，近日他自爆因欣賞「視帝」黎耀祥，寧願推掉酬勞 200萬的大陸劇，不惜抽檔期與對方拍無綫新劇《造王者》。影帝夥拍視帝，理應劇力萬鈞，奈何劇集拍了三個月，二人竟由惺惺相惜變做誓不兩立。
本刊收到消息，黎耀祥在拍攝《造》劇時，經常改對白，又私自向監製梁材遠要求加戲份。谷到成肚火的鄭則士，日前更捉住監製到電視城西餐廳投訴，記者現場親耳聽到 Ken哥咆哮說：「唔跟對白又唔單聲，係咪想搞突出？視帝大晒呀！」

近年刻意減產的鄭則士，強調自己拍劇並非為錢，只在乎好劇本和好對手，因此監製梁材遠開新劇《造王者》搵他做男主角時，鄭即時問其對手是誰。得知是視帝黎耀祥後，他即說：「咁推晒 啲 job都要同佢拍啦！」可見鄭極之重視黎耀祥這個對手。



七情上面上周五（ 11日）記者目睹鄭則士和《造》劇監製梁材遠在無綫西餐廳食飯，鄭一輪嘴狂轟黎耀祥改對白搞突出，說時七情上面十分勞氣，即使梁材遠多番安撫亦難掩怒火。

監製爆冇視帝攞鄭則士向梁材遠投訴是否視帝就大晒，誰知梁竟爆句：「放心啦，佢今年囉唔到㗎啦！」睇嚟黎耀祥三連霸夢碎。

監製梁材遠

為祥仔失二百萬



監製梁材遠在開劇初期，透露戲碼將會放在飾演太傅的黎耀祥和鄭則士身上，二人在劇中勾心鬥角，互爆陰私。劇中情節估唔到竟與現實不謀而合。

八月劇集開鏡時，鄭則士和黎耀祥更互笠高帽，鄭不諱言為拍此劇，不惜推掉兩套大陸劇，放棄賺二百萬人仔，「 喺無綫要撞好對手，祥哥係首選啦。佢進步得好厲害，係視帝喎！如果唔係有佢拍，我一定會選擇返大陸，今次呢個機會好難得。」而祥仔亦禮尚往來說：「 喺無 綫想搵 Ken哥呢 啲咁有演技 嘅演員，真係好難，難得佢唔嫌棄我，真係好開心，希望同佢可以拍出火花。」

鄭則士 85年憑《何必有我》及 96年《三個受傷的警察》兩奪香港電影金像獎「最佳男主角」，與兩屆視帝的黎耀祥，可謂各有千秋。



西餐廳拍 枱咆哮

據知二人在拍劇初期確實互相禮讓，但近日該劇拍至中尾段，卻傳出兩人反目，在埋位前後更視對方如陌路，火花變真火。
上周五（ 11日），記者在電視城西餐廳見到鄭則士和監製梁材遠密斟，愈說愈激動的鄭忽然大聲爆句：「唔跟稿又唔單聲，係咪想搞突出先？視帝大晒呀！」梁材遠即 㩒實對方雙手，示意他細聲點，更安撫他說：「放心啦，佢今年肯定攞唔到 㗎啦！」依然火滾的鄭則士聽罷，大力拍 枱說：「佢係視帝我都係影帝啦！」

私下搵監製加戲

鄭則士怒火中燒，據知全因黎耀祥拍攝時擅改對白和私下加戲。「祥仔好鍾意改自己對白，覺得 啲對白唔夠順口咪改囉，啲對手接唔到實唔鍾意啦！其實以前佢未擔正 嗰陣好少咁做，不過依家攞 咗視帝，無人敢出聲，次次都係 Ken哥話佢。我 哋有幾次見到佢兩個因為對白問題嘈過，最後材叔（監製梁材遠） 嚟調停先搞得掂。」一名幕後人員說。
除了擅自改對白，鄭則士亦不滿黎耀祥私下向監製要求加戲份。「套劇講佢兩個做太傅，本身戲份差唔多，但祥仔私底下同材叔講，點都要有個主角做重心，套劇先好睇。提議加重自己戲份，變相削弱 咗 Ken哥 啲戲。消息傳開 咗， Ken哥唔嬲就假。」
本周三（ 16日），記者就 Ken哥在餐廳篤黎耀祥一事問過監製，梁材遠緊張表示：「你聽錯啫！其實套劇的確係祥仔佔戲多啲……不過 Ken哥都有好多發揮㗎！」

不屑黑面


改對白梗有（真實對白）
改對白梗有（真實對白）

周一（ 14日）?黎耀祥返電視城拍攝《造》劇，當記者提到鄭則士對他不滿時，他面色一沉，然後不屑說：「改少少（對白）就梗有啦！我唔覺有咩問題喎！」

黎：改少少梗有 㗎


三年前結緣鄭則士和黎耀祥三年前曾合作拍攝劇集《盛世人傑》，當時仍未當視帝的黎耀祥，在該劇只是配角，與鄭則士的對手戲亦不算多。《蘋果日報》圖片
三年前結緣鄭則士和黎耀祥三年前曾合作拍攝劇集《盛世人傑》，當時仍未當視帝的黎耀祥，在該劇只是配角，與鄭則士的對手戲亦不算多。《蘋果日報》圖片

雖然監製企圖淡化事件，但周一（ 14日）黎耀祥返電視城拍《造》劇時，對於鄭則士不滿他擅改對白，他黑面回應：「咁改少少就梗有㗎啦！我唔覺有咩問題喎！好小事 啫！我俾番尾句人接咪得囉！（係咪咁激嬲 Ken哥？）我唔知喎！（係咪叫監製加你戲份？）我唔知喎，從來都唔知自己有幾多戲，收到劇本咪照做囉！劇本有幾多咪做幾多囉！」平時和藹可親的視帝，今勻回應時都難掩心中怒火。至於 Ken哥（周三）回應時亦話中有骨：「佢係主角吖嘛， TVB係咁㗎啦！（餐廳聽到你狂呻？）你唔好亂講，我唔想傷害人。」

收視福將

鄭則士拍劇重質不重量， 06年簽約無綫時，講明一年拍一套劇。有他壓陣的劇集，大多有口皆碑，去年播出的《老友狗狗》和《情越雙白線》，平均收視均有 31點，成該年度的最高收視劇集第四及第五位。難怪 Ken哥發火，即獲監製安撫。

平均收視 31點


《情越雙白線》《蘋果日報》圖片
《情越雙白線》《蘋果日報》圖片
《老友狗狗》
《老友狗狗》

不平則鳴

60歲鄭則士入行接近四十年，在圈中人緣甚廣，加上演技精湛，不少導演都樂於起用他。近年他堅持每套劇都要做男主角，因此演出作品比以往少。至於其火爆性格亦是街知巷聞，無論是對電視台或同劇演員，總之有錯， Ken哥都會直斥其非，不平則鳴。

彈亞視製作混亂

99年 2月，鄭則士拍攝亞視台慶劇《無敵軍師》，但身為主角兼監製的他卻缺席記者會，反而在公司飯堂食飯。當記者問他為何不做宣傳，他說：「我唔明點解亞視安排呢套劇 喺七點時段播囉，呢段時間個個觀眾都食緊飯。劇入面咁多血腥場面，一定會影響收視。亞視成日都係咁，唔明佢 哋搞緊乜！」

轟冇演員道德

同年 3月他率領亞視演員到郊外放風箏，為《肥貓正傳 II》宣傳，但同劇的韓君婷、江美儀等全體缺席。 Ken哥為此嬲爆：「呢 啲係誠信同態度問題，拍劇有錢就做，宣傳冇錢就唔做。呢 啲咁冇演員道德 嘅演員，我唔排除列佢 哋入黑名單永不錄用。」

嘲反盜版遊行廢

99年 3月演藝界發動大規模反盜版遊行，鄭則士大唱反調說：「冇鬼點死得人，好多都係自己公司內鬼偷條片出去做翻版，佢 哋唔檢討去捉內鬼，唔俾心機拍好 啲戲，淨係遊行有鬼用。」

斥江美儀遲到


翌月，江美儀出席《肥貓Ⅱ》一劇宣傳遲到一個鐘，鄭則士在台上當眾大聲講：「你又遲到，真係想講粗口鬧你。」事後鄭表示：「任何人遲到我一定會懲罰，我咁做係因為亞視唔責怪佢 哋，就等我 嚟做訓導主任。」

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄