莊思敏（Jacquelin）七月底跟拍拖五年的吳浩康分手，即被廖碧兒舊愛、李澤楷表弟林忠豪力追，送上新款iPhone 4GS，又以五百萬麥拿侖跑車接送，開水喉、落重本，其實全部假象！有「水哥」之稱的林忠豪，充大頭鬼追女仔，原來兼職車行經紀的他，借車行新車扮富貴柴可夫，自稱專一卻溝女無間斷，近日又被目睹跟前組合Freeze成員之一甄穎珊食飯。大話連篇，莊思敏決定疏遠，KO林忠豪。

客串車行經紀
莊思敏甩拖唔夠三個月，愛追星出風頭的林忠豪即攝位發力狂追，不單只公開大讚女方性格爽直，還大手筆送禮管接管送，高調示愛，其實背後另有目的。上週四（十月二十日），明知莊思敏出席活動現場有記者，林忠豪依然大搖大擺，揸住全港第一部落地的麥拿侖跑車，到銅鑼灣利園廣場接女方收工，之後會合許志安、王傲山等人到灣仔食飯。有五百萬跑車招搖過市，原來一直鍾意做「中間人」抽佣賺錢的林忠豪，近日在朋友開設的車行客串做高級經紀，向一班富二代朋友sell貴價車，從中拆賬分佣。


「水哥（指林忠豪）雖然係開環保公司，不過咩生意都做，佢似sales多過老闆，因為同李家（李嘉誠）係親戚，好多人會俾面幫襯，搞掂一單生意就有佣分；好似佢特登用架麥拿侖載莊思敏，周街走俾人影相，已經做晒宣傳啦！架車係車行，仲未出牌，所以佢揸住嗰日要掛Ｔ牌，如果賣得出，可以賺到幾十萬佣，全港暫時只得一架，第二部要出年三月先到，佢都係諗住sell俾班富二代。」林忠豪身邊人透露。

莊思敏落閘
林忠豪識計數，最叻自我宣傳，近日由他負責做籌委、請到許志安現身的慈善步行籌款活動，順理成章搵埋莊思敏「情侶檔」現身，繼續扮演社交名人。「傳佢追莊思敏之後，水哥周圍同朋友晒命，話自己成日俾人偷影，其實佢不知幾enjoy，你見佢搞慈善籌款，又話搵埋莊思敏一齊做主禮嘉賓，擺明想做新聞，其實Jacquelin都知佢係咩人，不過唔好意思次次踢爆。好似前幾日有人見到佢同甄穎珊喺灣仔王子酒店食飯打邊爐，水哥死口唔認，其實Jacquelin根本都唔介意，明知水哥份人冇句真。」無發展機會，莊思敏日前公開表示會減少見面，疏遠林忠豪，「成件事愈講愈似真（指拍拖），我都唔想人哋加深誤會，嚟緊都會同佢少啲聯絡，少啲見面。」

宇宙吹水王
被一班富二代朋友稱為「水哥」的林忠豪，擅長作大認叻，同佢合作過嘅人，大部分不歡而散。

敢講唔敢認
去年底，林忠豪與廖碧兒結伴返淺水灣道寓所斷正，女方更從Hermes手袋中取出林宅鎖匙，明顯熟晒架步，但林忠豪對戀情仍矢口否認。

捐錢無影
「樂壇教父」戴思聰逝世，林忠豪竟利用和契姐戴蘊慧的交情做宣傳，聲大大話要出資300萬贊助戴家為戴思聰搞慈善紀念演唱會，還拍心口包50萬飛。今年初，戴蘊慧主動聯絡商討細節，林忠豪卻諸多藉口推搪，甚至唔覆電話玩失蹤。

老友當老襯
07年答應與房祖名合作投資Rio薄荷糖生意，林忠豪臨時縮沙唔肯俾錢，結果搞到朋友都無得做。

自認高層
林忠豪母親莊月華是李嘉誠太太莊月明胞妹，恃着自己係李嘉誠姨甥、李澤楷表弟，在一班富二代面前，林忠豪聲稱在長江實業任職高層，不時跟李嘉誠見面，但據知每次有家庭飯聚，他只能坐大廳，冇資格同首富舅父一齊坐房。 ####


水哥，都係慳啲啦！（設計對白）


我有水又出名，冇理由唔揀我！（設計對白）


被目睹跟林忠豪在灣仔食飯，甄穎珊表示二人認識多年，當晚只係咁啱「撞到」。


上週四，莊思敏在利園廣場行騷，明知有記者採訪，一直話要低調的林忠豪早就揸住車行借出嚟的麥拿侖在附近停車等女方，慌死冇人知。


約了許志安打邊爐傾慈善籌款活動，不過離開食肆時，林忠豪又無厘頭扮唔識分開走。


前度廖碧兒早前出席公開活動，不單對林忠豪有新目標唔肯表態，更甩底之後跟莊思敏同場的時裝活動。


林忠豪跟廖碧兒拍拖期間，不時被拍到揸住林寶堅尼接載女友，不過有指他的跑車多數二手買入，他亦並非想像中大把水。


林忠豪追女追出面，莊思敏早前在演藝學院演出舞台劇《潮性辦公室》，他也有相約朋友往捧場，不過二人全程冇機會見面，散場時，林忠豪亦跟朋友火速離開。


林忠豪愛埋富二代堆，早前菁英會舉行活動，未入會的他孖住潮州商會副主任林淑怡（箭嘴）出席。


知道林忠豪狂追前度後，一直有心翻撻莊思敏的吳浩康表示對他印象麻麻。


收到林忠豪的新iPhone禮物，莊思敏放上微博公開講多謝，事後她解釋禮尚往來，因她替林忠豪買飛冇收錢，男方送電話補數。

arrow
arrow
    文章標籤
    女方 慈善 拍拖 朋友 一班 全港 明知 sell 表弟 好似
    全站熱搜

    stacylife 發表在 痞客邦 留言(0) 人氣()

    E-mail轉寄