因舊愛余文樂偷食，○八年怒斬五年情的黃伊汶，甩拖半年再同有翻版李小龍之稱的陳國坤（小龍）拍拖，至今接近三年，有傳近日小龍藉住幫黃伊汶細佬搞婚禮，乘機向女友求婚。扮李小龍在國內密拍，小龍早已儲落老婆本，並答應送千萬豪宅給未來老婆。二人近日四出睇樓，更鎖定市值千五萬的名門，作為二人未來愛巢。

幫舅仔搞婚禮
娛樂圈女星紛紛傳婚訊，已滿三張，近年淡出幕前轉從商的黃伊汶，亦紅鸞星動，與三十六歲男友陳國坤（小龍）計劃明年拉埋天窗。「小龍對女友好體貼，為人又唔花弗，呢方面余文樂就拍馬追唔到，佢外表雖然有啲仔，但思想成熟，知道男人要有承擔，所以呢幾年好搏命搵錢，儲老婆本。近排小龍要幫Emme細佬搞婚禮，佢都覺得自己同女友應該成家立室，咪趁機會同Emme求婚，仲答應送層樓俾老婆。」小龍身邊人說。過去兩個月，二人不停四出睇樓，包括土瓜灣半山壹號、上林，以及Emme現居的匡湖居，最終睇中位於渣甸山的名門一個千五萬單位。黃伊汶與陳國坤○六年合作楊盼盼監製的電影《功夫無敵》結緣，埋下拍拖伏線。「嗰陣Emme同余文樂仲係一齊，拍完套戲之後，佢哋都無來往，後來發現原來佢哋有一個雙方都識嘅圈外朋友，開始聯絡多咗。」知情者說。

早有意思
○八年初，黃伊汶因揭發余文樂出埠溝女，主動提出分手結束五年情，小龍得知女方回復單身，即火速行動，展開追求。「小龍一早都有意思，有次喺朋友聚會再撞返，為咗製造機會接近Emme，佢經常借意搞活動，約班朋友一齊出嚟玩，每次聚會，小龍對Emme都特別照顧，做到好出面。」二人身邊朋友說。

年賺過千萬
家庭背景雖然有距離，但卻無阻雙方發展。「Emme家境好，但佢份人無千金小姐款，生活習慣唔奢華，好平民化；拍拖初期，小龍仲未喺內地爆到，但一樣無影響。」年前，小龍接拍中央電視台製作的電視劇《李小龍傳奇》，因極似李小龍成功爆紅，之後劇集一個接一個密賺人仔。「因為扮李小龍，小龍喺國內知名度大增，前年佢仲以千萬酬勞簽約內地經理人，發展愈來愈順利。」單是今年，他已先後拍了四套內地電視劇，收入過千萬。揀對象唔係錢行先的黃伊汶，果然夠眼光。

AA貨李小龍
去年黃伊汶轉型從商，以300萬成功購入意大利品牌手錶Galtiscopio的亞洲區代理權，專心做老闆，甚少接job的她，今年只客串電影《喜愛夜蒲》及出席了幾個公開活動。相反，陳國坤因貌似李小龍被周星馳賞識，曾參演《少林足球》、《功夫》等，近年，他接拍多套內地電視劇及電影，年賺過千萬。 黃伊汶工作 10月The Swank活動8萬 7月海港城腕錶展覽揭幕活動 4月內衣店剪綵10萬 2月馬斯葛集團公司派對10萬電影《喜愛夜蒲》10萬手錶生意150萬收入合共：188萬 陳國坤工作劇集《大唐雙龍傳之長生訣》400萬《馬永貞》350萬《保鑣》350萬《國際大營救》350萬收入合共：1,450萬

惹官非
去年，陳國坤被經理人公司8A Public Relations Limited入稟起訴，指他違約並索償700萬。入稟狀指陳國坤於09年7月與經理人公司簽下合約，所有工作要經由公司替他接洽，小龍不能私下接job，合約期為五年。此外，更訂明小龍需於一年內完成拍攝由Paul Chung編劇的電影《龍騰圖》，但在開拍期間，小龍卻聲稱要到昆明拍電視劇，要求改期，Paul Chung亦收回劇本。經理人公司其後另覓編劇，並改戲名為《功夫外傳》，由馬偉豪執導，要求小龍去年六月埋位，但他卻以電影劇本及演員與當初合約不符，再度辭演。其後，陳國坤向經理人公司承認已與一間杭州製作公司簽約，以350萬人民幣接拍了一部以李小龍為題材的電影，令雙方要對簿公堂。 ####


近年密賺人仔計劃結婚的小龍，答應送千五萬豪宅給女友做定情禮物，十分大手筆。


等愛犬扮靚靚，二人在附近地產公司睇盤打發時間。


陪女友帶愛犬朱古力到太平道的寵物店沖涼，抱狗粗重工夫，小龍負責。


投資手錶生意搞開幕party，小龍（箭嘴）不避嫌陪黃伊汶出席，幫手招呼。


○八年底，本刊拍得黃伊汶到小龍位於香港仔的雅濤閣寓所過夜。


有媽咪教路，黃伊汶的手錶生意已經上晒軌道，更在內地、台灣、星馬及日本開分店。


○六年接拍電影《功夫無敵》，黃伊汶與小龍有十五秒的接吻戲。

arrow
arrow
    文章標籤
    男友 求婚　黃伊汶 1 500萬 揸手 壹週刊 1028期
    全站熱搜

    stacylife 發表在 痞客邦 留言(0) 人氣()

    E-mail轉寄