麻雀麻雀機家宅男女： 5方位照射　高清竹戰 @ 娛樂八掛大放送★

上星期一場風，唔少人乘機留喺屋企竹戰！仲玩朝行晚拆麻雀枱？學《嚦咕嚦咕新年財》應采兒話齋：「畀啲大志啦！」上行最勁架生，玩得 Pro都有 Face。記者：朱崇德攝影：林栢鈞、陳盛臣、蔡家輝Model： Kitj、 Rika、 Betrys、 Hailay

其他副刊影片 LED大包圍賭神燈

麻雀枱燈真係盞盞都要高高掛？未必！我喺 G.O.D遇上呢盞「高清 LED麻雀燈」就十分盞鬼，頂部一支散彈式高掛射燈，主要方便俾你睇清枱面，而佢最出色之處係有個四方燈框，放喺枱面圍邊，四條長條形 LED燈光向內散射，將手頭副牌打到晶瑩剔透如曉發光一樣，好有《賭神》 Feel！再講，由於行 LED關係，打牌時完全唔覺熱，絕對係大包圍式麻雀燈嘅另一境界！四方燈框仲係伸縮式設計，可調校不同長度，配合不同大細枱形。

放大圖片
■高清 LED麻雀燈$798/a

■高清 LED麻雀燈$798/a

放大圖片
■四方燈框可摺叠收藏。

■四方燈框可摺叠收藏。

放大圖片
■散彈式 LED頂燈。

■散彈式 LED頂燈。

放大圖片
■角位可調校長度，枱邊四個方位 LED照射。

■角位可調校長度，枱邊四個方位 LED照射。

麻雀燈　要擺兩呎位！

燈飾專家曼佳美話麻雀燈 Set喺兩至三呎高，應可做到全枱面照明效果；當雀友坐定定平視時，如果望到燈膽頭，就代表 Set得過高，易令人眼澀疲累。好似曼佳美呢款「 VIVIO雙臂工作燈」，佢最強之處係燈罩位特長，唔易外露燈膽位，燈罩內部呈鑽石形，散射效果特別柔和，一般以 5W-8W慳電膽或 LED膽作配搭即可。

放大圖片
■半球體伸縮座地麻雀燈，由於燈頭位特大，連大號慳電膽都放得落。$680/c

■半球體伸縮座地麻雀燈，由於燈頭位特大，連大號慳電膽都放得落。$680/c

放大圖片

放大圖片
■慳位之選，直條摺叠式座地麻雀燈收埋小如一支棍。$1,680/c

■慳位之選，直條摺叠式座地麻雀燈收埋小如一支棍。$1,680/c

放大圖片
■曼佳美 VIVIO雙臂工作燈，彈弓臂位似油壓吊臂咁順手聽話。$248/b

■曼佳美 VIVIO雙臂工作燈，彈弓臂位似油壓吊臂咁順手聽話。$248/b

自動洗牌靜音打通宵放大圖片
■「麻雀工房」全自動洗牌麻雀機$13,888/d

■「麻雀工房」全自動洗牌麻雀機$13,888/d

好多人都覺得自動洗牌麻雀機會令打牌成件事無晒手感，少好多樂趣。但不講不知，由於洗牌動作收藏於機內，洗牌時變得靜好多，打到三更半夜都唔怕俾隔籬投訴。咪睇呢部「麻雀工房」價錢比較貴，如果用過大陸貨，相信都遇過用唔夠幾個月就出現種種小毛病，正所謂一分錢一分貨，想玩得盡興，都係幫趁正版靚貨啦！

麻雀布墊有枱開局放大圖片
■ Mahjong Table Mat$250/a。

■ Mahjong Table Mat$250/a。

相信唔係人人屋企都放得落一整張麻雀枱，唔緊要！呢張布墊可以幫到手，基本上可以當佢係一塊枱布，不過東南西北位有條特厚圍邊，可以協助你整理麻雀，又唔會咁易跌落地，最重要係布墊附海綿隔音墊，打起牌上嚟一樣好寧靜。

最強麻雀椅包無頸痛放大圖片
■ IOO Office Chair$4,800/a

■ IOO Office Chair$4,800/a

咪睇小一張椅！佢絕對有能力影響你只係打到八圈定係通宵三十二圈！如果你佔主場之利，建議你買張最強嘅 IOO Office Chair，雖然佢本身係電腦椅設計，但係做足人體工學計算，不論頸枕、手枕、椅背等，通通可自由調校高度、角度，令成張椅完全切合你嘅體形； 3D彈性腰枕托住條腰，坐耐一耐都唔怕腰骨痛。坐後感，我只可以講佢將你成個身體包住！對成日「瞓厲頸」人士最啱，打完三十二圈都唔怕頸痛。

放大圖片