日本組合AKB48成員篠田麻里子，最近被爆喺入行前曾當陪酒女郎，更曾成為夜店一姐，話晒係夜店一姐，篠田猜枚猜拳當然有番咁上下，所以佢喺AKB48第24張新single成員選拔猜拳大會內，擊敗咗68位對手成為總冠軍，爆出將會喺新single做主角。


雖然負面新聞多多，但仍無損篠田嘅人氣。繼即將喺新single孭飛，上星期五日本傳媒就公布咗篠田被選中成為大片《戰國時代的圈外》（Gal Basara）嘅女主角，飾演豐臣秀吉嘅老婆，反而之前人氣爆煲嘅隊友大島優子就冇乜大搞作，只係去幫內衣品牌影吓catalogue，篠田麻里子勁喎！


AKB48嘅成員（左起）小嶋陽菜、大島優子同河西智美最近成為日本內衣品牌PEACH JOHN嘅最新秋號擔任Catalogue model。人氣似乎唔夠晉身大銀幕嘅篠田巴閉。 ####


25歲嘅篠田麻里子喺今年嘅AKB人氣總選排第4位。雖然年紀稍大，但由於身材較其他隊員高䠷，所以都無損佢人氣。


篠田喺猜拳大會中連勝6場，最後同第2名嘅藤江麗奈決戰，連續4盤先攞到冠軍。賽後篠田好謙虛咁話：「我沒想過自己會勝出，感到很不可思議。」


孭重飛篠田飾演豐臣秀吉老婆寧寧，佢呢個造型咁斯文溫柔，CIA都差啲認唔出佢。



arrow
arrow
    全站熱搜

    stinglife 發表在 痞客邦 留言(0) 人氣()

    E-mail轉寄