大家有冇留意到,好多時例如雜誌偷影到藝人拍拖,做埋封面,咁啱出書當日或者翌日,嗰位藝人就要出席活動,即時成為焦點,活動主辦單位或廣告商當然拍晒手掌叫好。呢啲「巧合」,FBI唔想多解釋,但陳豪、陳茵媺(Amiee)自從多次被影到拍拖後,各大廣告商都爭住搵二人現身,喺供不應求下,連帶佢哋嘅騷價都自然升呢。


上週四(29日)8號風球搞到全港停工停課,都無阻呢對熱戀中嘅戀人出席婦女銀袋日宣傳活動,嗰日二人出場似婚禮,FBI仲收到風,陳豪之前單人騷價係10萬,而Amiee就5至7萬,二人齊齊現身就要加價收差唔多30萬。收咗主辦單位成30萬咁多,唔怪得陳豪同陳茵媺都唔怕打開窗簾任影晒恩愛啦!

木口木面
早前同鍾嘉欣出席活動時,木口木面、表情僵硬,同陳茵媺時個sweet爆樣比較差勁遠。阿Mo好似大細超咗啲喎,唔通係怕茵媺呷醋? ####


孖住撳錢!(設計對白)
好呀!(設計對白)
熱戀中係唔同啲喇,連出席活動都忍唔住要情深互望,祝酒時,司儀叫佢哋「合巹交杯」,搞到二人面都紅晒,關公上身咁。


嘩∼好多耳屎呀!Aimee呢個女友唔夠細心喎,唔幫陳豪撩耳屎,至少都幫佢買支「耳適潔」啦!


當日記者叫佢哋二人重演畀雜誌偷拍餵食維他命一幕時,陳豪同茵媺尷尬笑到見牙唔見眼。



arrow
arrow
    全站熱搜

    stinglife 發表在 痞客邦 留言(0) 人氣()