11年前一套《夏日的麼麼茶》搞到個個想去馬來西亞小島sweet爆旅行，11年後，導演馬楚成新戲《夏日樂悠悠》繼續sell陽光海灘，但話晒39歲鄭秀文同45歲任賢齊已成中女中佬，為免嚇窒班90後，都係換番只得22及29歲嘅Angelababy（楊穎）同彭于晏穩陣。


後生仔女喺浪漫小島奉旨拍拖，有傳二人拍戲中一場咀戲撻着，仲搞到Baby同「海綿蛋糕」黃曉明分手。不過FBI八到套戲根本冇咀戲，馬導演更講到明呢套係「三冇」電影，保證「冇錫、冇攬、冇激情戲」，純愛到不得了！女神形象得以保持，Baby首次擔正更獲導演拎佢同佢偶像張栢芝比較，「Baby好有天分，佢嘅演技渾然天成，係繼張栢芝後又一個未來新星，三年內佢一定會有好恐怖嘅成就！」全力以赴打響頭炮，Baby更開埋金口同林俊傑合唱插曲〈海底之心〉，雖然佢喺北京宣傳試唱幾句時失手走音，不過連E神同JJ都讚過佢把聲夠靚又夠甜，相信走音事件都係純屬意外啫！

中途轉肌
02年憑《愛情白皮書》斯文形象彈起的彭于晏，本來大把前途，點知09年因合約問題搞到年半冇戲拍，好在佢的起心肝努力操肌，練成44吋巨胸，卒之撼低阮經天同張孝全，有得接拍《翻滾吧！阿信》，套戲喺台灣收近億台幣，一鋪翻身。 ####


激罕出水預咗走超模路線嘅Baby唔會學Chrissie咁肯出賣事業線，呢張着住貼身背心濕身相，好珍貴㗎喇！


攬吓即止馬導演話兩位主角喺戲入面連攬都冇，咁呢張彭于晏鉗實Baby嘅相，唔通都唔算攬？


彭于晏漏油彭于晏有44吋胸肌，點都要喺戲入面騷吓，不過成身油𣲷𣲷，似吳剛師傅多啲喎！


彭于晏飾演嘅小島旅館老闆，經常要扮鬼扮馬為遊客搞婚禮，而Baby就被律師樓派去調查彭係咪奸商，由寃家變情侶，直頭係《夏日的麼麼茶》（右圖）part 2啦！


'00 Sammi版


'11結實巨胸在電影《翻滾吧！阿信》扮演體操選手，彭于晏每日操練12個鐘，操足9個月，先練得成呢身超結實8嚿腹肌。


'04鬆弛肥臂 7年前仲未做gym練大隻的彭于晏，脂粉味重，手臂肉又鬆泡泡，一啲都唔man！


導演激讚馬楚成（左）對Baby期望好高，仲話佢會係下一個栢芝。


話喊就喊上次拍《建黨偉業》要催淚棒先喊得出，今次真情流露話喊就喊，絕對係飛躍女演員呀！

arrow
arrow
    全站熱搜

    stinglife 發表在 痞客邦 留言(0) 人氣()

    E-mail轉寄