《超級巨聲3》播咗咁耐，都未有如《巨聲2》嘅林欣彤靚聲跑出，其實唱得之人要彈起，唔一定要靠TVB。最近有對索女網絡組合紅爆YouTube，兩位氣質少女Robynn同Kendy拍片自彈自唱，將金曲重新混音變柔情萬種，連神曲〈唸你〉都成功變冧仔版。
唱作孖妹在YouTube擺陣唔夠三個月，點擊率過百萬之餘，獲商場邀請做駐場表演，更已經有唱片公司傾簽約。兩個人兩對手搭橋鋪路，快過TVB種星！


今年初組成嘅「RobynnAndKendy」，主要sell溫柔女聲加經典crossover翻唱，7月中upload咗一段翻唱劉華嘅〈你是我的女人〉影片，片中二人共玩足5種樂器，點擊率過廿萬。後來二人索性將國語歌、英文歌同廣東歌「交叉」唱，大晒編曲能力。

G.E.M.師妹
同樣25歲嘅Robynn 同 Kendy，查實身經百戰。Robynn（葉晴晴）去年已經參加過G.E.M.所屬唱片公司「蜂鳥音樂」主辦嘅「Brand New Star 2010」奪冠。而貌似周麗淇、姓孫嘅Kendy則是「東亞唱片」旗下作曲人，代表作有楊千嬅〈呼吸需要〉（電影《志明與春嬌》宣傳曲）。兩個竹昇妹讀番書時已玩音樂，舊年大學畢業返港工作，在朋友介紹下而認識，一拍即合變best friend，到今年初更決定組成二人組合。Kendy說：「我係識咗Robynn，先開始jam歌，再擺片上YouTube。我哋本人好鍾意睇好多美國、英國嘅YouTube音樂人，咁佢哋inspire到我哋不如都試吓。我哋一齊咗之後，覺得去咗另一個level，我哋玩唔同嘅樂器、和音、曲風，成件事好interesting。」


蜂鳥音樂老闆張丹「覺得Robynn同公司train緊嘅歌手類型重複咗」而冇簽做歌手，仲好肯定佢哋簽咗唱片公司：「應該係宣傳策略。」


一路都有在YouTube留意番〈唸你〉惡搞片嘅劉子千，就話因為近來事忙而冇睇過靚聲版，但話好有興趣：「我不怕有比較，歡迎一起切磋，其實要多謝她們肯花時間翻唱！」


Kendy作曲兼唱番demo嘅〈呼吸需要〉，千嬅話當初一聽已經好鍾意，仲鼓勵Kendy話：「佢唱得幾好，畀心機發展。」

神秘過JW
「RobynnAndKendy」雖銳意走清新路線，但就唔肯透露中文名，刻意玩神秘，謎過JW。二人雖自稱未簽唱片公司，但又有專人負責替佢哋安排訪問及回應問題，連二人嘅家庭背景同感情生活都玩低調唔講。

富貴女Robynn
原名叫葉晴晴嘅Robynn，話「屋企只係做生意」，就讀位於山頂嘅德國瑞士國際學校，15歲便到美國升讀高中，畢業於Northwestern University嘅心理系，曾經在大學為自組嘅Acappella Group「Treblemakers」作編曲。去年返港從事特殊教育工作，訓練患有自閉症嘅小朋友。同年3月，參加蜂鳥音樂嘅「Brand New Star 2010」獲冠軍，並推出過一首派台作品〈When the Sky Falls〉。

名校妹Kendy
貌似周麗淇嘅Kendy自瑪利曼中學初中畢業後，往英國升學，因受任職金融界嘅父親影響而於「London School of Economics」修讀經濟系。當時經常在lounge表演，更曾於地鐵站四出表演。去年畢業返港曾於銀行界工作，並為作曲人唱demo及作曲。

唱紅國際
雖然網友力讚唱得，但孖妹就冇興趣參加《巨聲》，個性比較文靜嘅Robynn寧願畀心機搞好YouTube：「香港雖然細但仲有其他平台畀你做音樂，而我哋就揀咗YouTube，因為YouTube係全世界嘅。」YouTube成功發圍，孖妹亦有機踏入樂壇：「我哋家主要focus喺 YouTube片，咁點擊率都ok，都有唱片公司留意同接觸過我哋，但我哋想睇定啲先。」趁後生有得揀，睇定啲都啱嘅！

商場木人巷
朗豪坊一直是本地努力發掘唱作素人嘅商場，提供場地畀業餘音樂人或等入行嘅歌手作表演。每星期約有5場45分鐘嘅表演時間，仲會有4位數歌酬添。

糖兄妹自薦
曾在朗豪坊唱過2年嘅糖兄妹，靠糖兄阿峰托人將demo CD交畀朗豪坊自薦成功，糖妹話：「朗豪坊想提供一個平台畀一啲識玩樂器嘅原創歌手表演。佢哋唔會要求我們要keep住人流，但我哋都會主動梅花間竹唱自己嘅歌同大家識嘅歌。」

C All Star︰「揀歌自由」
C All Star主音之一嘅釗峰（圖右二）未加入前就經常在朗豪坊、apm唱商場騷。「當時我同以前隊組合自薦、send CD畀商場，睇佢哋有冇興趣。不過揀歌方面就好大自由度，但我哋都會唱幾首自己嘅歌，然後唱吓其他歌。」 ####


8月中，Robynn（左）同 Kendy（右）應網友點唱將〈唸你〉同Jame Blunt嘅〈You're Beautiful〉mix埋一齊，點擊率過30萬，唔少網友話佢哋救番〈唸你〉添！



老銅怯場
上月21日本刊相約佢哋到銅鑼灣訪問，二人對影相擺pose相當怕醜，仲婉拒即席表演，其間亦冇被人認出。


Robynn同Kendy到沙灘拍外景，唱張震嶽嘅〈思念是一種病〉加Black Eyed Peas嘅〈Where Is The Love?〉，即有超過30萬人睇過。


應該係宣傳策略！（真實對白）


不怕有比較，歡迎一起切磋！（真實對白）


楊千嬅：（Kendy）唱得幾好！（真實對白）



Robynn曾被邀請往台灣、新加坡等地作地方表演，去年就為蘭桂坊啤酒節作表演歌手。


上月17日「RobynnAndKendy」在朗豪坊首次作大型表演，擅於結他作曲嘅Kendy當晚亦有表演自己的作品。



《蘋果日報》圖片

arrow
arrow
    全站熱搜

    stinglife 發表在 痞客邦 留言(0) 人氣()

    E-mail轉寄