31歲有米拿督女莊思敏（Jacquelin），自7月同吳浩康結束五年情後，雖然男迮死復合，不過斷言唔再翻兜有情人嘅Jacquelin，回復有米剩女反而勁多桃花，頻頻與異性約會，先有官恩娜舊愛陸恭和、又有贏咗官司嘅叢培崑，上週四（29日）又發現秘密約會啱啱飛甩廖碧兒嘅富豪男友林忠豪，呢個黃金剩女真係不愁寂寞。


7月宣布同吳浩康（Deep）因性格不合而分手的莊思敏，甩拖後的她不但將多年長髮剪短，打扮愈趨性感，自從經Deep由攣拗番直嘅佢，一直不愁寂寞，有家庭、有身材自然多人吼，日日飯局唔同腳，早前被傳媒拍得同陸恭蕙堂弟陸恭和、組合Square嘅李柏煥（Brian）、仲有舊愛Deep老死叢培崑食飯。

八號風球照約會
先前出席活動時，Jacquelin否認同陸恭和、叢培崑嘅緋聞，仲話以後一定要揀個靚仔，圈內圈外冇所謂，最重要有溝通，仲暗示：「有位圈外人追咗我一段時間，暫時同佢係好朋友。」黄金剩女大把人爭住約！上週四（29日）颱風納沙吹到香港亂七八糟，8號風球吹襲下，估唔到剩女口中嘅「圈外追求者」依然積極，無懼強風約女出街。當晚7時許，本刊發現林忠豪充當司機駕駛部價值過百萬嘅寶馬M3去貝沙灣Jacquelin屋企，接Jacquelin去中環一間高級日本餐廳食飯，一食就食咗兩個幾鐘，兩人都好有默契，警覺性高，離開時林忠豪預先call司機揸車，叫Jacquelin先步出畀車匙司機，自己再左顧右盼睇清楚環境先跳上車。二人返抵貝沙灣途中發現記者，就突然飛快加速，當場斷正，Jacquelin一支箭跳車返歸，林忠豪則吩咐司機直駛落馬洲，再極速轉坐有中港車牌的七人車，經落馬洲方向離開。

「男人要gentleman」
本週一（3日）本刊致電兩人問及約會一事，兩人均大方回應，Jacquelin：「我哋識咗好耐喇（覺唔覺佢追緊你？）唔……唔知喎，但家係見多咗，可能大家都single，時間多咗咪見多咗！（覺得佢為人點呀？）佢對朋友ok㗎，細心嘅人，幾gentleman，（分手已一段時間，ready接受新戀情未呀？）我冇刻意去諗……隨緣啦，感覺出現就好多嘢都話唔埋。」至於李澤楷表弟、32歲的匯能燈光主席林忠豪（Alastair）亦不避嫌話：「我哋係識咗好多年嘅朋友嚟，嗰日八號風球同成班朋友食飯，做男人點都要gentleman啲送女仔返屋企嘅，（有冇發展嘅可能呀？）將來嘅嘢冇人知，所以我都答唔到你，（對佢印象如何？）係有好感先做到咁耐朋友嘅。」黃金剩女和鑽石王老五，門當戶對有得諗喎！

吳浩康寸情敵：對佢冇好感！
雖然同Jacquelin分咗手都有幾個月，但阿Deep話嵋家兩人都keep住有聯絡，當講到舊愛有新歡，等「翻兜」嘅Deep就顯得不是味兒。 F：《FACE》　吳：吳浩康 F：知唔知Jacquelin家同林忠豪約會？吳：唔知，淨係知佢哋好多年friend，之前我哋拍拖嗰陣，佢哋都有約食飯。 F：咁Jacquelin之前有冇介紹你哋認識呀？吳：有介紹過吓啦，不過淨係打吓招呼唔熟囉。 F：如果佢哋一齊，你點睇呀？吳：冇意見，我仲等緊Jacquelin，我畀唔到中肯嘅意見，我淨係可以話對林生冇好感，Jacquelin都知㗎，不過Jacquelin有乜選擇，我都支持及尊重佢，最緊要佢開心

姊妹旺桃花
拿督女莊思敏同吳浩康結束5年情後，隨即被指翻撻前男友陸恭和，又話陳志雲前愛將叢培崑背友溝佢；家姐戀事多，Jacquelin嘅孖生妹妹Mona和Lisa同樣多桃花。

莊思華拖告東尼子
大孖莊思華（Mona）就曾被多次影到跟名練馬師告東尼兒子告崇恩拖手夜蒲蘭桂坊。直至6月初，Mona與前男友告崇恩到Volar消遣時，有一姓張女子報稱遭Mona掌摑，現捲入掌摑事件中。

莊思明戀Kelly弟
莊思敏嘅孖生妹妹，24歲嘅細孖莊思明（Lisa）10年選港姐得季軍，今年就被多次影到跟陳慧琳胞弟陳思翰一齊，直至9月被本刊影到中環拖手斷正，Lisa就自爆與男友早前去汶萊度假3日，「唔係乜預支蜜月」。

翻撻陸恭和
9月頭，甩拖莊思敏被影到跟陸恭蕙堂弟、前緋聞男友陸恭和在Element平台餐廳食飯，事後女方否認翻撻：「我哋根本冇一齊過，係認識10年嘅好朋友。」

叢培崑背女溝
29歲嘅叢培崑，自去年和陳志雲被廉署落案起訴後，二人關係惡劣，叢轉口味嗒26歲台灣性感索女李妍瑾。上月尾，叢培崑背女約莊思敏食飯shopping，事後莊話「只係朋友見吓面」。 ####



約會斷正
Jacquelin前腳走，林忠豪就一直喺車內不動聲色，然後叫司機加速直駛落馬洲。


難忍公主病
昔日廖碧兒為林忠豪放棄陳豪，可惜其拜金及公主病性格搞到林忠豪頂唔順掉頭走，令到呢段戀情得幾個月貨仔就玩完。


住埋3個月「筍盤豪」陳豪話咁快溝掂陳茵媺，雙陳戀拍咗3個月就喺深井碧堤半島築愛巢試婚。


日菜談情當晚二人約會嘅高級日本料理店「鮨佐瀨」位於中環荷李活道，乃壹傳媒主席黎智英兒子黎耀恩開設，訂位要等足一個月。


親自接女食飯前，林忠豪顯紳士風度充當司機去貝沙灣接莊思敏去中環食日本菜。


前後腳上車八號颱風下都要約會，為保新戀情，Jacquelin先步出餐廳把風，嵋清楚環境上車等


昔日拍拖時期佢哋成日拖住手出席大小場合，亦都不時被傳媒影到佢哋甜蜜行街。《壹週刊》圖片


分手後阿Deep唔知係咪情緒低落搞到暴飲暴食，搞到近排出席活動時好似肥咗啲喎！


《蘋果日報》圖片


《壹週刊》圖片


《忽然1周》圖片


《忽然1周》圖片

arrow
arrow
    全站熱搜

    stinglife 發表在 痞客邦 留言(0) 人氣()

    E-mail轉寄