因甲狀腺有問題虛胖被傳媒誤報有喜袁詠儀，早前公開宣佈追B女計劃延期進行。原本停工「造人」空檔頓時變成開心假期。既然老公張智 霖為個唱戒甜操Fit而脾氣暴躁，靚靚惟有全日行街Shopping自悠行，遇到圈中老友仲可以隨意吹水閒聊，最後再會合乖仔「魔童」共享親子天倫樂。梗係啦，留番老公屋企發脾氣，好過兩公婆嗌交嘛！

為成功追B女，靚靚同ChiLam由大潭曼克頓花園搬到淺水灣福慧大廈三千呎豪宅，每月六萬元屋租急升至十五萬元，老公搏老命搵錢維持家計，靚靚當然要體諒。除無接劇集或者電影呢類粗重Job，方便隨時「造人」，靚靚都Keep住接一廣告代言同公開活動幫補收入，可惜因身體問題，暫時未能追生B女，靚靚徒呼奈何。

—闊太出巡—

3月16號天朗氣清中午，牛記便服，但係精神抖擻袁詠儀戴住墨鏡，左手挽一個勁似Hermes靚手袋，右手拎住一袋二袋Shopping戰利品出現銅鑼灣時代廣場，驟眼睇購物袋內好似有三個鞋盒，而且有大有細，唔使問都估到係一家三口「夫妻親子裝」。

—靚袋晒命—

至於手上靚手袋，原來今年年頭先至新運抵港，事關靚靚1月中微博度展示兩隻差不多款但唔同色新開封手袋，仲多謝一位台灣朋友，不過同時講句好玄說話「真作假時假亦真」。觀乎靚靚全程一副有閒富太Feel昂首闊步，真定假都好，開心就得啦

image

image

arrow
arrow
    全站熱搜

    stinglife 發表在 痞客邦 留言(0) 人氣()

    E-mail轉寄