女人袒胸露背係好羞恥！真實對白
黃婉曼幫 now宣傳《撳錢》罕有地性感，佢話：「我着完之後喊咗成晚呀！我覺得女人袒胸露背係好羞恥。」
原名粘冰冰、 27歲黃婉曼憑天氣妹一跳彈起，最近亦由無綫跳槽到 now，主持派錢節目《撳錢》。不過擁有 32F身材嘅黃婉曼，冇打算出寫真，反而寫書做才女，新書下週出街，宅男可以睇吓女神諗乜。
被杯葛
據知書中有大量黃婉曼少女時期舊相，但講明冇任何性感相。書中除講黃婉曼點樣由 TVB新聞記者變咗做天氣女郎、點樣由 130磅肥妹，激減變一百磅索女外，亦會講吓成長經歷。「本書會講我成長嘅事，例如我讀書時成日被女仔杯葛，我都唔知點解。女仔通常都有妒忌心啩，但唔知我有咩俾人妒忌。」問到黃婉曼喺無綫上咗位，有冇被其他女主播眼紅，佢就話：「我唔知喎！我諗冇啩！」
勸封波
新書唔只講心路歷程，亦會講在無綫嘅辛酸，黃婉曼憑「跳出香港」上位，其迫爆 32F身材，亦成為網友話題，但佢話當時唔開心，仲話：「其實『跳出香港』嗰一跳係我臨場爆肚，冇諗過大家咁留意我身材，之後公司（無綫）鬧我唔好賣肉、唔好咁性感，仲安排啲衫畀我叫我着。」
好身材都俾人鬧，黃婉曼相當唔開心，有段時間主持天氣報告要強顏歡笑。不過黃婉曼又強調：「我出書唔係要爆料，只係想帶正能量畀人，同埋大家認識吓我。」
愈大愈靚
全站熱搜
留言列表
{{ article.title }}
