扁嘴
記者：係咪收到信要你還錢呀？
我諗係有人搞事，我都明呢類新聞係好有娛樂性，但唔係真囉！

咩係孖展？

據獨立股評人孫柏文表示，孖展即係經紀行借畀客戶買股票的一筆貸款，最高可以借保證金（客戶存入戶口的款項）的 20倍。如股價跌至一個低位，經紀行會叫客戶補倉（再入錢落戶口）。假如有客戶被勒令一個月內要還錢，估計所有股票已被斬倉（出售），客戶要即刻撲水填氹。

 

放大圖片

捽手
記者：有冇投資玩吓股票？
我唔識呢啲嘢喎，投資都淨係會買樓，好耐之前都買過股票，不過冇乜輸贏。

 
放大圖片

大笑
記者：有傳你炒燶孖展喎？
吓？咁傳我輸咗幾多呀？ 1千萬咁誇張？哈哈！

 
放大圖片

皺眉
記者：傳聞你今個月還唔到就有收數公司追你數？
太無聊喇，無聊到我都唔識點答你！

 

09年投資 500萬開設美容院 Megeve Beauty的周汶錡，鋪頭開業兩年以來生意唔算搵大錢，而且美容院位於銅鑼灣黃金地段，單係租金已經高達 20萬。
正財唔入，可惜偏財亦冇乜運。盛傳有人去年底開始學人炒孖展，而且愈玩愈大，卒之搞到爭人成千萬。「經紀行已經出咗信叫找數，仲話如果 1個月內唔還，就會交畀收數公司收數！」
Kathy上週六（ 12日）回應時否認有玩孖展，「傳咗好耐啦！我一向唔識呢啲嘢，我知有好多人鍾意寄無聊嘢（告密信）去報館搞事……不過實在太假，如果真係有事就去差館唔係報館囉！」
與男友 05年聯名買入的貝沙灣豪宅，現已升值至 2,900萬，水頭充足，唔驚喎！

 

放大圖片

話結唔結
Kathy同法佬 Julien拍拖 5年，早前趁放假去法國同泰國度假，但 Kathy否認年尾結婚，「係有打算，但唔會係今年，之前嗰啲傳聞假 o架！」

 
放大圖片

鍾鎮濤早前約埋 Kathy同 Julien去西貢食日本菜，仲將飯局相放上微博。

 
放大圖片

周汶錡同 Julien於 05年以 2,100萬買入貝沙灣一個千八呎單位，現已升值至 2,900萬，帳面約賺 8百萬。

 
 
arrow
arrow
    全站熱搜

    stinglife 發表在 痞客邦 留言(0) 人氣()

    E-mail轉寄