密密拍戲的謝霆鋒，難得有假放，卻被老婆應召帶埋囝囝 Lucas北上，兩公婆更因此而鬧交。
霆鋒 Lucas輪住上　張柏芝發仔寒
2011年03月17日
去年尾復出，連接五部電影賺近半億的張芝，除了馬楚成的《極速天使》以及黃百鳴的《最強囍事》，無風無浪順利完成，緊接開拍的《楊門女將之軍令如山》和《無價之寶》，均鬧出唔少是非。
想拍戲賺奶粉錢，又成日掛住老公同個仔，張柏芝持續發仔寒，無論人在蒙古抑或橫店，都會要求未有工開的謝霆鋒，帶埋大仔 Lucas北上家庭樂。為爭取一家三口敍天倫，張柏芝仲有不同藉口，爭取提早收工走人，為此拖慢拍攝進度外， Lucas亦因經常人肉到會，搞到唔返學。
同老公鬧交
聲稱不眠不休，直踩三十小時為《楊門女將之軍令如山》補戲的張柏芝，好「偉大」，不過，劇組損失更大。
與《楊》片簽定四十七組戲的她，俾期三十一組戲便自動嗌收工，更理直氣壯指合約定明二月完工，自己已做足分內事，並無違約。
「份合約的確係寫拍埋二月放人，但拍攝期間遇正大風沙吹冧景停工，張柏芝又打傷塊面要休息，呢 啲意外冇人想發生，佢攞晒八百萬人仔片酬，堅持正 嚟做唔補戲，大家都冇佢辦法。」知情人說。
除了拍攝期間意外頻生，令進度拖慢外，張柏芝經常早走請假，同樣令拍攝檔期大混亂。
「沙漠溫差大，有時真係凍到變雪條，幕前幕後個個都要捱，唯獨張柏芝一個成日話頂唔順，要提早收工，一陣又話掛住個仔，要請假飛返香港。試過幾次佢老公帶埋個大仔上 嚟探班，以為佢會專心拍戲，點知仲衰，未拍晒又話要走，趕住返酒店陪老公。聽講霆鋒都有鬧張柏芝，點解要佢同個仔成日飛來飛去。」


3/3
唔肯幫《楊門女將》補戲的張栢芝，卻人在香港同老公風騷撐枱腳，新聞見街後，令《楊》片劇組大為震怒。 


奶奶有怨言
要老公同個仔人肉到會，就快四歲的 Lucas被迫曠課，身為 嫲 嫲的狄波拉，原來一早睇唔過眼。
「其實 Lucas而家仲係返緊 playgroup，學 嘅 嘢唔算多，但唔返學點講都唔通，加上芝要個仔陪佢返大陸，上面 衞生環境又唔好，家陣咁多病毒，拉姑梗係唔想個金笸籮有咩事啦！」知情者說。
有仔萬事足的張芝，早前拍賀歲片《最強囍事》，便多次半夜三更帶埋 Lucas一齊捱夜開工，而每次外遊，兩母子更加形影不離。記者曾致電 Lucas的學校了解有關學生曠課，會否觸犯校規等問題，負責人開到口說：「最緊要有交學費。」出席率多與少，根本不是問題。
已經埋位為王晶新作《無價之寶》開工的張柏芝，據知繼續以相同藉口遲到早退，加上 Lucas有份客串，更加大條道理。「佢老公四月就飛去約旦拍林超賢套《逆戰》，芝日日開工仲係懶懶閒，但係佢已經同人講會陪老公去約旦，好在晶哥識避重就輕，有期就拍，唔會歎慢板。如果個導演唔係王晶，都唔知點算！」《無》片工作人員說。
片酬收到足，期卻俾唔足，相信最幸運應該是 3D電影《大鬧天宮》，因為劇組多次度期不遂，張芝最後辭演女媧角色，退還片酬，好彩。


孫仔成日返大陸，嫲嫲拉姑擔心金笸籮會染病，令婆媳關係再起衝突。
 
張栢芝去年尾復出，便與林志穎、湯唯等人合作《極速天使》，好在早開工又無撞期，拍攝相當順利。
 
經常曠課的 Lucas，最近仲同媽咪去橫店一齊拍王晶新戲，大條道理唔返學。
 
拍《最強囍事》期間，張栢芝經常半夜三更帶埋個仔開工，搞到 Lucas根本無機會返學。
 
三催四請，張栢芝終於肯返蒙古補戲，但「加時作賽」依然拍唔晒，令劇組損失慘重。

張柏芝拍戲老公兒子輪流探望 拖慢進度惹非議

張柏芝複出賺奶粉，但又舍不得老公孩子
去年底複出，連接五部電影賺近半億的張柏芝，除了馬楚成的《極速天使》以及黃百鳴《最強喜事》，無風無浪順利完成，均鬧出不少是非。


張柏芝想拍戲賺奶粉錢，又整日想念老公和兒子，無論人在內蒙古還是橫店，都會要求正好休息的謝霆鋒，帶著大兒子Lucas探班家庭樂。爲爭取一家三口敘天倫，張柏芝總有不同借口，爭取收工提早走人，爲此拖慢拍攝進度，Lucas也因爲經常到內地看望媽媽而頻頻逃學。

arrow
arrow
    全站熱搜

    stinglife 發表在 痞客邦 留言(0) 人氣()

    E-mail轉寄