感冒唔舒服啫！（真實對白）
徐子珊成日打天才波，到現場先睇劇本，上週五(18日)《法》劇喺尖沙咀拍跳舞戲分，該場子珊零對白，咪睇佢跳得咁投入，查實佢經常走錯位要 NG 5至 6次。其實要 NG搞到自己食風，到時又唔舒服，咁咪惡性循環囉！
保你大
唔記對白走錯位　徐子珊失憶犯眾憎
2011年02月23日
無綫花旦爭崩頭，你出事業線我出口術，總之要最短時間彈起先化算。
不過出陰招都要有啲實力，俾你爭到有劇拍但交唔足戲一樣死。好似最近拍緊《公主嫁到》當紮監製梅小青新劇《法證先鋒Ⅲ》嘅徐子珊咁，早前拍戲唱歌瓣瓣撈，但返娘家拍劇就竟然唔做功課就埋位，搞到經常失憶漏對白兼走錯位，最慘頻頻 NG累遲收工，開工人人驚咗佢。
咁啱最近佢緋聞男友殼王陳國強入主無綫，唔知殼王使唔使見見佢呢？

31歲徐子珊拍劇一向問題多多， 09年拍《美麗高解像》時就曾經被同劇對手陳敏之借題怒摑；拍《仁心解碼》時又遲到扮大牌搞到同男主角方中信不和。男女都唔啱 key，除咗本身性格問題，原來仲同佢拍劇操守有關。
作病唔綵排
據知徐子珊拍劇開工經常打天才波，一向鍾意臨開工先咪劇本，之前拍《美麗高解像》已傳出她失憶經常唔記得對白，至最近徐子珊忙拍《法政先鋒 III》，亦因為佢「舊病復發」，搞到 NG頻頻連累全廠遲收工。據劇組人員透露：「可能佢忙啦，冇時間睇劇本，成日埋位先攞嚟望兩下，次次都要 P.A.（助導）提佢先記得。套劇講法醫，有好多專有名詞，啲名詞又唔錯得，梗係出事啦！」
上週五（ 18日），徐子珊同吳卓羲搭馬賽為《法》劇在尖沙咀拍場跳舞戲。該場戲子珊冇對白齋跳本來好輕鬆，可惜跳舞走錯位。其實劇組事前已搵舞蹈組幫手，抽兩星期幫徐子珊、吳卓羲同馬賽排舞，但多數得吳卓羲、馬賽會蒲頭，珊姐則每每以病為由 no show，冇練習當然成日行錯位，當晚 NG 5、 6次，搞到成班工作人員陪珊姐食風。對於成日唔記得對白又行錯位累收工，徐子珊就話：「邊度聽番嚟 o架？導演講 o架？唔係喎！只不過我先排感冒唔舒服啫，家好番啦，冇事 o架喇！」咁班工作人員真係要祝你珊姐身體健康咯！


場戲講徐子珊見馬賽喺街跳得咁過癮，一時技癢忍唔住跳埋一份，其實當晚徐子珊 9點先到，跳咗兩個鐘就走人，反而馬賽早到就要守尾門，跳到凌晨 2點。

導演招呼
徐子珊事前零準備，搞到每拍一個鏡頭都要問導演，要導演貼身招呼教佢走位。

隱藏劇本
徐子珊喺《法》劇中做差婆，經常揸住 file，行出行入，佢索性將劇本夾埋入去，唔使埋位就攞出嚟當佢貓紙咁睇。

偷睇
經常唔記得對白，徐子珊都識見招拆招，講講吓對白又失憶，要翻開收藏喺隨身道具 file內嘅劇本，費時失事，真係戥同佢做對手嘅吳唱 K辛苦。

徐子珊唔只拍劇是非多，意外亦試過。拍《美麗高解像》時，返早班外景，竟然不慎炒車入院，佢報稱駕駛途中突然有狗橫過馬路。《蘋果日報》圖片

黎耀祥：佢係最辛苦嗰個！


連視帝祥仔都好客氣咁話徐子珊講對白有少少問題，子珊真係要留意吓喇。《忽然 1周》圖片

徐子珊記對白渣，同佢於《法證先鋒 III》合作的視帝黎耀祥就話佢失憶情況唔算嚴重，就算有「都係因為佢係全劇最辛苦嗰個！」而同佢合作過的馬國明就話渣過佢嘅人大把，原來徐子珊未算包尾。 


馬國明　渣過佢大把
佢記對白唔錯 o架， 3、 4頁都冇 N.G.，佢唔算渣，渣過佢嘅人大把！ 


黎耀祥　非經常失憶
佢唔記得對白，呢個情況唔係成日出現，就算有都係因為佢係全套劇最辛苦嗰個！因為佢係做差婆，要捉賊有好多動作戲。

徐子珊失憶犯衆憎 拍戲記不清對白頻走錯位

徐子珊TVB花旦爭崩頭，你露事業線我大爆料，總之要最短時間彈出人氣大漲。

不過出陰招都要有實力，如果爭到有劇拍但交不足戲一樣死。好似最近拍的《公主嫁到》當紅監制梅小青新劇《法證先鋒Ⅲ》的徐子珊一樣，早前拍戲唱唱片均衡發展，但回到娘家TVB拍劇就竟然不做功課就上陣，搞到經常失憶忘記對白兼走錯位，最慘是頻頻NG連累衆人遲收工，所以搞到人人怕她。

而最近正好她的绯聞男友陳國強入主TVB，不知對她是好是壞呢？

arrow
arrow
    全站熱搜

    stinglife 發表在 痞客邦 留言(0) 人氣()

    E-mail轉寄