糖妹進攻日本，佢仲話 5月會殺過加拿大溫哥華開演唱會，又話下月台灣個騷請到范曉萱做嘉賓，動作多多，堅係受歡迎喎！
以創作兼唱得起朵的組合糖兄妹，正式出道唔夠一年，糖兄有技術彈得，糖妹更加係憑住 cutie兼靚聲成功打入 o靚界，年頭更在各大頒獎典禮橫掃新人獎，連一向鍾愛大咪女嘅高登仔都話要封糖妹做女神。
o架仔中
潮糖妹冇名牌
糖兄冇埋怨
5女星輸喺邊？
糖妹打低成棚女星撈到筍 job，除咗佢外形討好外，據 Collect Point發言人黃小姐表示，原來其他女星開價實在太離譜，糖妹則又平又好用，物超所值喎！
同 G.E.M.鬥 chok
G.E.M.出名鍾意 chok金魚嘴扮可愛，家陣糖妹都唔輸蝕，表情多多夠 cute似足鄰家女孩，不過高登仔頭號女神始終都係身材勁爆嘅 G.E.M.，糖妹要爭高登首席女神位，仍須努力呀！
矮妹發到圍
港女身材雖然一向唔出色，但估唔到連女星都有偏矮傾向，好似身高只有 148cm嘅小儀雖然經常俾森美笑矮，但亦有減肥公司搵佢做代言。另外小巨肺林欣彤身高 158亦超唱得，生得矮都有希望！
糖妹僅以 1cm險勝小儀，名模 Ana R.企埋喺班骰仔港女隔籬即時鶴立雞群，足足高成個頭。
學照流出
糖妹中一至中三讀寶血會上智英文書院，中四和中五就讀獅子會中學，之後讀位於青衣的工商資訊學院，舊相俾高登友擺上網，仲話佢個學生樣似菲傭，但糖妹就大方咁話：「張相係我中五嗰陣，返去中一至中三舊校探朋友時影嘅，冇所謂呀，我自己都有睇開高登！」
高登大搞糖兄
其實今年 24歲嘅糖妹，同糖兄孖住出道時已被多次誤會為情侶，又有網友多次惡搞話糖兄溝唔到糖妹先焗做觀音兵，但糖兄就好淡定話：「我一路都有睇高登，我知自己係熱門搜尋，我都有睇啲惡搞相，覺得好好笑，一啲都冇嬲，我本身有女友 o架，何況創作歌手唔會介意人哋搵外形嚟講笑嘅！哈哈！」
糖兄有女，反而糖妹原來係單身：「我家冇拍拖，糖兄唔係我杯茶啦，我鍾意陽光男孩，最好夠大隻保護到我，但唔可以似港男，我唔鍾意男人着泳褲！」
留言列表
{{ article.title }}
