糖妹進攻日本,佢仲話 5月會殺過加拿大溫哥華開演唱會,又話下月台灣個騷請到范曉萱做嘉賓,動作多多,堅係受歡迎喎!

近年本地女神 Angelababy同 Janice Man都爭住攻日做 o架模,冧 o架仔掘日圓再衣錦榮歸回港威威!
女神攻日唔出奇,估唔到身高只有 4呎 8嘅 24歲糖妹(黃山怡)都可以升呢做日本潮牌 image girl,更獲邀去 3月嘅日本潮界盛事「 Tokyo Girls Collection」( TGC)睇騷學師。
做潮牌 image girl唔出奇,最威係佢成功踢走 Chrissie同 G.E.M.仲有林欣彤等勁敵先撈到筍 job,細細粒有志氣咪睇小呀!

以創作兼唱得起朵的組合糖兄妹,正式出道唔夠一年,糖兄有技術彈得,糖妹更加係憑住 cutie兼靚聲成功打入 o靚界,年頭更在各大頒獎典禮橫掃新人獎,連一向鍾愛大咪女嘅高登仔都話要封糖妹做女神。

 

放大圖片

週一糖兄妹出席活動時,糖妹企喺胡鴻鈞隔籬,矮足成個頭,搞到胡鴻鈞要斜向下睥糖妹。

 
放大圖片

糖妹早前俾 Catalog睇中幫來季 My Melody及 Kuromi系列新裝做代言人,踏出潮人第一步。

 
放大圖片

咁矮都得?設計對白
上年 Angelababy喺 TGC行騷,斷估都估唔到身高只有 4呎 8嘅糖妹都可以嚟爭飯碗喎!

 

o架仔中

除憑甜到漏外形引死宅男,身高只有 4呎 8嘅( 149cm)糖妹之前仲做咗潮店 Catalog嘅 image girl,家又俾日本潮牌集團 Collect Point睇中, 3月拉大隊去日本為旗下牌子做模影相之餘,仲獲邀去「 Tokyo Girls Collection」睇騷。
原為 Collect Point代言人的周秀娜來季更被踢走,由糖妹頂上,據 Collect Point公關發言人黃小姐說:「 Chrissie影秋冬裝都 ok,但夏天就怕佢太暴露,所以我哋今次揀咗形象健康又 cute嘅糖妹合作。其實之前都有試過搵 G.E.M.同官恩娜,但價錢太貴,郁吓都十幾萬, Mag(林欣彤)就唔夠上鏡,反而糖妹價錢比較合理,而且佢外形似日本妹細細粒咁,佢都着得靚嘅話,證明香港女仔都唔會輸蝕啦!」
發言人話想搵 G.E.M.可惜天價嚇窒,但週一本刊問到 G.E.M.被人嫌貴時,她透過經理人說:「佢哋( Collect Point)冇接觸過我哋。」而糖妹於週一( 21日)出席活動時,對自己忽然變潮星,好開心咁話:「其實我覺得我嘅優勢係夠矮着衫都好睇,矮得嚟又靚女囉,哈哈哈……咁啱個品牌又想搵啲細細粒嘅女仔,於是主動搵我去日本影相,我自己都超開心,我嗰日試咗佢哋好多個牌子嘅衫,不過我又唔知佢之前搵過邊個呀,有得去日本已經超開心啦!」

潮糖妹冇名牌

睇中糖妹細細粒做 image girl的日本時裝集團 Collect Point,旗下有潮牌 HARE和 apart by lowrys等潮牌,於港台日都有分店,不過糖妹週一出席活動時,全身就冇乜一線潮牌出現,她說:「最緊要自信,就算人矮着衫都可以好靚。」

T-shirt RVSR(本地牌子 sponsor)
褸 quintillion(本地牌子 sponsor)
短裙:雜嘜$300
Leggings Stylist送
鞋 Dr. Martens( sponsor)

糖兄冇埋怨

糖妹攻日,但糖兄就冇乜人理,好在糖兄睇得開話:「咁糖妹靚女吖嘛,男女組合梗係靚啲嗰個對外啦,我做音樂幕後一啲都冇所謂,有人鍾意啲歌就 ok啦。」糖妹亦幫口話:「做音樂嗰啲我都有一齊傾 o架,始終音樂先係我哋主打,不過叫餸食飯就一定係我話事囉,哈哈!」

5女星輸喺邊?

糖妹打低成棚女星撈到筍 job,除咗佢外形討好外,據 Collect Point發言人黃小姐表示,原來其他女星開價實在太離譜,糖妹則又平又好用,物超所值喎!

 

放大圖片

G.E.M.
死因:太貴,影數頁宣傳照,已開價 13萬。
經理人回應:對方冇搵過我哋。

 
放大圖片

官恩娜
死因:開價過 10萬,唔夠糖妹咁有新鮮感。
經理人回應: Collect Point的確搵過 Ella,我哋開咗價之後對方暫時未覆我哋。

 
放大圖片

周秀娜
死因:佢夏天着衫太暴露,怕影響牌子形象。
經理人回應:我哋嚟緊仲會有合作。

 
放大圖片

林欣彤
死因:上鏡一般,唔適合影平面相,而且 TVB開價太高。

 
放大圖片

Anjaylia(陳嘉寶)
死因:模特兒公司 Jam Cast出名少少的 o靚模收費仲貴過糖妹,唔考慮!
經理人回應:佢哋未接觸過我,如果搵 Anjay代言就好喇!

 

同 G.E.M.鬥 chok

G.E.M.出名鍾意 chok金魚嘴扮可愛,家陣糖妹都唔輸蝕,表情多多夠 cute似足鄰家女孩,不過高登仔頭號女神始終都係身材勁爆嘅 G.E.M.,糖妹要爭高登首席女神位,仍須努力呀!

 

放大圖片

扮無辜

 
放大圖片

你邊夠我嚟!設計對白

 
放大圖片

扮哨牙
平時鍾意 chok行樣影相嘅糖妹,最經典係擺行 pose扮哨牙珍、又做做吓電台節目扮錯愕,個個表情都 keep到 10秒以上包你望到。

 
放大圖片

高登仔將糖妹同 G.E.M.比較,估唔到網友一面倒支持 G.E.M.,話佢有波又有長腿喎!

 

矮妹發到圍

港女身材雖然一向唔出色,但估唔到連女星都有偏矮傾向,好似身高只有 148cm嘅小儀雖然經常俾森美笑矮,但亦有減肥公司搵佢做代言。另外小巨肺林欣彤身高 158亦超唱得,生得矮都有希望!

糖妹僅以 1cm險勝小儀,名模 Ana R.企埋喺班骰仔港女隔籬即時鶴立雞群,足足高成個頭。

 

放大圖片

小儀 148cm《蘋果日報》圖片

 
放大圖片

Ana R.178cm
糖妹 149cm
《蘋果日報》圖片

 
放大圖片

林珊珊 150cm《壹週刊》圖片

 
放大圖片

鄭融 157.5cm

 
放大圖片

林欣彤 158cm

 
放大圖片

G.E.M. 160cm

 

學照流出

糖妹中一至中三讀寶血會上智英文書院,中四和中五就讀獅子會中學,之後讀位於青衣的工商資訊學院,舊相俾高登友擺上網,仲話佢個學生樣似菲傭,但糖妹就大方咁話:「張相係我中五嗰陣,返去中一至中三舊校探朋友時影嘅,冇所謂呀,我自己都有睇開高登!」

高登大搞糖兄

其實今年 24歲嘅糖妹,同糖兄孖住出道時已被多次誤會為情侶,又有網友多次惡搞話糖兄溝唔到糖妹先焗做觀音兵,但糖兄就好淡定話:「我一路都有睇高登,我知自己係熱門搜尋,我都有睇啲惡搞相,覺得好好笑,一啲都冇嬲,我本身有女友 o架,何況創作歌手唔會介意人哋搵外形嚟講笑嘅!哈哈!」
糖兄有女,反而糖妹原來係單身:「我家冇拍拖,糖兄唔係我杯茶啦,我鍾意陽光男孩,最好夠大隻保護到我,但唔可以似港男,我唔鍾意男人着泳褲!」

 

放大圖片

一啲都冇嬲!真實對白
週一糖兄睇住啲惡搞相話:「我都有上高登,覺得好好笑。」

 
放大圖片

高登仔出名創意無限又想像力豐富,被封為高登女神嘅糖妹當然成為改圖目標,不過糖兄妹都話自己係高登友,仲一早睇過晒添。

 
放大圖片

高登仔成日話糖兄因溝不遂,而改做糖妹觀音兵,高登仔仲抵死到將胸圍底褲 key落糖兄頭度,話佢成日亂諗嘢喎!

 
放大圖片

似 AV女
糖妹除咗似陳慧嫻,高登友又覺得佢有九成似日本 AV女優 Mihiro,難怪咁多幻想!

 

Posted by stinglife at 痞客邦 PIXNET 留言(0) 引用(0) 人氣()