"我有冇肥肉唧出嚟呀？"
露臍︰做倒立對趙碩之冇難度，不過佢就好介意個肚腩，仲大聲問：「我有冇肥肉唧出嚟呀？」

咪神 34E趙碩之早前喺銅鑼灣鬧市，唔理人來人往個個住有幾，即場表演倒立又打出條小蠻腰，段片上載後，即日已破萬點擊率， fb友更加係爭住轉載。

 

放大圖片

"我妻！"
準備︰趙碩之去到老銅記利佐治街路邊，忽然舉高隻手大字形準備起跳，不過當時冇乜人理佢。

 

當街受罰

除表演倒立 30秒，片段內仲見趙碩之無啦啦硬搶途人男友，十指緊扣遊街示眾。咁大整蠱，原來全因主腦啤梨幕後發功，除咗喺新城節目《百萬 USB》內同聽眾玩遊戲外，仲有 YouTube版網友睇啤梨點整蠱班星，幕後玩家啤梨話：「其實個環節叫『願賭服輸』，我哋嘅目標觀眾係一啲大專生，所以唔想佢哋齋聽咁悶，咪諗啲遊戲可以互動啲囉！班嘉賓要喺節目內玩遊戲，例如要扮聲等聽眾估唔到你係邊個，如果輸咗就要喺街頭接受大懲罰。玩之前大家都有共識知道要罰啲乜嘢，主持人輸咗都一樣要罰冇得癩皮！」啤梨玩得盡，但可惜肯玩嘅都只限三、四線藝人，紅啲嘅都冇影，啤梨話：「其實我已經廣發英雄帖，想叫啲藝人挑戰我哋，不過未必個個都肯嚟，好似官恩娜、周柏豪我哋都有聯絡，不過佢哋太忙，個期未必夾到囉！」人都紅咗咯，仲使拋頭露面喺街食風咩！

 

放大圖片

夾硬拖手
成功倒立 30秒只係成功一半，之後仲要當街搵條仔十指緊扣遊街，其實都幾高難度！

 
放大圖片

初代咪神
第一代 o靚模咪神趙碩之憑 34E曾經風光過，不過後來被後起之秀周秀娜、 Carol甚至 Rainbow都搏過佢，搞到趙碩之愈做愈沉。

 
放大圖片

雖然倒奶片喺 YouTube過萬點擊率，不過唔少網友都話睇唔到趙碩之事業線好失望，仲話見唔到條事業線認佢唔到喎陰功！

 

輪住嚟玩

除咗趙碩之輸咗要被蹧躓，其餘仲有羽翹要喺 MK街頭除仔衫，連秦沛仔小姜（姜文杰）亦要喺自己演唱會上當住百幾觀眾除褲勁尷尬，不過小姜話：「冇所謂，最緊要大家開心啫！」又幾睇得開喎。

 

放大圖片

小姜台上除褲
小姜上啤梨節目輸咗，搞到佢要喺自己 1月個中環酒吧騷當眾除褲，不過見佢所謂 under咁大條，有啲呃錢喎！

 
放大圖片

羽翹除仔衫
眾多嘉賓之中，羽翹都算罰得最輕，只係需要於 MK係咁意搵個潮童除咗佢件外套就 pass，其實靚女叫到，除褲都冇問題啦！

 

惡搞祖兒經典

喺啤梨新城嘅遊戲節目《百萬 USB》中，主持人之一阿 Dean（邵子風）一向有鋪拍片癮，之前改過 C All Star首〈天梯〉做〈癲雞〉有成 16萬人次點擊，同埋改過陳奕迅首〈苦瓜〉做〈香蕉〉，又惡搞祖兒首經典〈我的驕傲〉做〈我的奀餐〉， Dean說：「改編歌都係反映吓家香港嘅大小事，又可以滿足吓自己嘅拍片癮嘛！」

〈我的奀餐〉部分歌詞
窮飛龍扮大碼餐
其實份量極細奀
平或貴不醫肚
少到死食水深
無論食日本餐
還是中餐或鋸扒
從前我明明夠吃
而現況如無開餐

arrow
arrow
    全站熱搜

    stinglife 發表在 痞客邦 留言(0) 人氣()

    E-mail轉寄