話說早幾個月,「白癡」撇低對寶貝仔,單拖喺一間名店出現,一去到即刻發晒癲搵手袋,冇幾耐見到櫥窗有個陳列品,即口噏噏,對住空氣講:「我要買呢個!」不過呢間名店手袋出晒名搶手,有錢都未必買到,「白癡」亦唔係咩 VIP,冇任何特權。 Sales見佢兩眼發光,立即好聲好氣同佢講,話個袋已經一早預留咗俾個客。「白癡」一聽到,心諗自己有番咁上下江湖地位, Sales竟然話唔賣個袋俾佢,立即發晒爛渣,拎張黑卡出嚟,好大聲咁話:「嗰個咩人嚟 o架!我依家要買呢個袋,總之我唔理,呢個袋係我嘅!」其他顧客見佢咁橫蠻無理,都睇到口擘擘。
明星唔係大晒,聲大夾惡未必嚇到人,人哋係頂級名店,發癲都冇用 o架,「白癡」最後咪死死地氣空手而回囉。

arrow
arrow
    全站熱搜

    stinglife 發表在 痞客邦 留言(0) 人氣()