娛樂八掛大放送★

過年過節意頭最緊要，家中放盆靚花，寓意花開富貴，過年都過得零舍開心，唔想去花墟同人逼餐死，又或者唔想等到年三十至買花咁遲，有車一族嘅你不如直接去新界花場親手揀靚花，既新鮮花樣又多，價錢仲可以平一截呢！記者：趙慧敏攝影：梁細權Model： Annie、 Kit@GME

其他副刊影片 可靠運花車要櫳大

過年時節，運花運桔點少得部可靠的座駕，今次用咗現代嘅 Santa Fe，貪佢車櫳夠大，就算車櫳坐足七個人，車頂個頂架都可以運棵大桃花，實用性超強。

放大圖片

1. Santa Fe內櫳夠闊又有頂架，最啱運桃花。

放大圖片

2. 尾排摺起，騰出大尾廂，放多幾盆花一樣得。

放大圖片

3. 年桔喺過年最受歡迎，將佢放在車尾最方便。

放大圖片

4. 設有車頂架的 SUV，可以綁上桃花，不過切忌開快車。

引擎： 2,349cc直四 Theta II引擎馬力： 174ps/6,000rpm扭力： 23.0kg-m/3,750rpm傳動： 6速+/-自動波四驅售價：$268,000起查詢： 3428 8288（現代汽車）

西貢捧水仙

由於大埔林錦公路一帶的花場主要出售傳統年花如桃花、年桔及菊花等，想要特別品種，不妨到西貢一帶的花場，靠近西貢市的大涌口路一帶就有不少花場，出售不少特別品種嘅花卉，不少都是花場自己種植，所以價錢都算幾平。查詢： 6128 2800（福記花園）

放大圖片

水仙$300水仙開得靚，切水仙頭係關鍵，花場會預定時間為客人種水仙，啱時間才交給客人。

放大圖片

富貴子$120紅噹噹的果實，新年當然受追捧，一顆顆的果實亦有人視為求子的吉祥物。

放大圖片

紅運當頭$60 紅運當頭即是比利時杜鵑，特性是耐寒不耐熱，家嘅天氣真的十分合時。

放大圖片

五代同堂$120 最忌猛烈太陽，千萬不要放窗邊。

大埔元朗買桃花

呢排花墟人逼人，想泊低部車慢慢揀花都唔易，想輕鬆買靚花，不如揸車去新界花場直接揀仲方便。講到年花，好多人嘅頭號目標係桃花，貪明年可以行個桃花運。講到桃花場，一定係大埔林錦公路及元朗錦上路一帶，桃花係由花農一手一腳栽種，鍾意邊株揀邊株，花農會喺你面前鋸落嚟，夠晒新鮮。如果想第一時間帶返屋企，記得搵部大啲嘅車，入櫳入唔到都可以放上頂，有頂架嘅就最啱，可以將桃花綁上車頂，不過記緊千萬不可飆車，否則花苞吹走晒就唔好怪人。唔想自己車走棵大桃花？一樣有辦法，揀咗花後花農會按你的要求時間，最後一刻至鋸花，然後搵貨車送到府上，確係幾細心。

今年桃花會滿開 放大圖片

新聞都有講今年天氣寒冷，桃花會遲開花，就算呢幾日到花場買桃花，難免出現有枝無花的冷清場面，不過花農大派定心丸，距離新年仲有幾日時間，如果天氣唔太凍，應該趕得切開花，不過由於未開花，所以好難估計桃花是否靚，惟有靠睇花苞是否夠多嚟判斷。