PS Move近日抵港即賣個滿堂紅，連帶新一代體感遊戲都人氣急升，開發商自然睇準時機，由運動、賽車、格鬥以至射擊等遊戲都加入體感功能，在昨日開幕的《東京遊戲展2010》（TGS 2010），就見到人人揸住碌發光棒左Fing右Fing嘅盛況，最驚喜係體感之餘，竟然有得玩埋3D立體遊戲，畫面仲逼真到彈晒出嚟，就等小記帶大家率先投入未來遊戲新世代。
雖然Wii已玩咗體感操控四年，但隨住今年Sony PS Move及微軟Kinect的加入，才正式將體感遊戲推向巔峰，再加上PS3快將支援3D Blu-ray播放功能，帶頭為遊戲界揭開新一頁，難怪今年TGS都以「遊戲邁向新篇章」（GAME goes to a new chapter）為主題。 一再延期的《GT5》終於鐵定在今年11月推出，雖然喺前幾年嘅TGS上小記都有玩過，但試版始終得一兩部車揀，唔似今年將跑車數目增加至超過1,000架，連古董車、小型賽車等都有得揀，另備有20個地區及70條賽道。現場就有8部《GT5》連線對戰，當中4部竟然玩埋3D畫面，掟彎爬頭時正到同真車有得揮，吸引大批人排隊試玩。 2011年FPS大作《Killzone 3》承繼上集故事和網上多人對戰模式，賣點一樣係高科技武器和精細戰鬥畫面，除了可坐飛行器或飛船從上方偷襲敵人外，最吸引是新增PS Move操控，拎住佢當機槍咁掃射敵人，仲要用佢做出拆彈、爬梯等過關動作，同時備有3D模式，戴住立體眼鏡喺遊戲內邊跑邊打，連小記都玩到成身汗。 相隔兩年，可愛的布公仔Sackboy將會在11月《LittleBigPlanet 2》中再次同大家見面，今集同樣係控制佢越過障礙物鬥快到終點，不過加入更多關卡和Mini Game，至於上集由玩家在PSN創建的300多萬個關卡，一樣可在新Game上玩番，即場試用PS Move控制主角行來行去，發覺靈敏度和操控性不俗，啱晒一家大細玩。 《人中之龍》出咗咁多集，新章正式登陸PSP平台，連主角都由「堂島之龍」桐生一馬，換成小伙子右京龍也，單人匹馬挑戰日本黑幫。不過遊戲還是其次，重點是SEGA已安排在10月於TBS播放電視連續劇，人氣肯定爆燈！現場還有Trailer睇到PS3版《人中之龍 OF THE END》，唔知係一集的終結，定係另一傳奇的誕生。 日 期：2010年9月16至19日 時 間：上午10:00至下午17:00 地 點：東京千葉幕張國際展覽中心 攤 位：1,458個（194個參展商） 入場費：1,200日圓 吳宇森《劍雨》為亞洲爭光 亞洲遊戲正式走向世界！由吳宇森執導的電影《劍雨》，將由Gamania推出同名Online遊戲，預計今年第4季就有得玩。在TGS開幕日，吳大導（左）就連同劇中演員吳佩慈一起分享拍攝心得。 《絕體絕命都巿4》騰騰震 咪睇呢個攤位好似危樓咁，其實佢係用嚟宣傳《絕體絕命都巿4》，讓用家體驗地震劫後餘生嘅情況，仲記得廠商喺上年TGS搭建咗個地震模擬倉，今年仲要成幢樓裂埋，都咪話唔激。 《Winning Eleven 2011》操控更爽 快將在10月正式推出的《Winning Eleven 2011》，其實試版近日已可於PS3及PC下載，不過試版只打得10分鐘真係幾吊癮，今次在會場終於可足本玩個夠，感覺AI醒目咗，操控亦更靈活。
今年擺設8部《GT5》連線比賽，每台都有獨立軚盤、賽車椅……同埋賽車女郎陪你玩。
小記試玩3D版《GT5》，就咁睇真係幾眼花，但戴上立體眼鏡後勁有真實感。
戴上立體眼鏡後成架車凸現眼前，仲要係小記最愛嘅法拉利古董賽車。
《Gran Turismo 5》8部連線對戰
放大圖片
放大圖片
各大攤位都請來性感Showgirl和Cosplayer坐鎮，謀殺龍友唔少記憶卡。
《Killzone 3》揸住遙控掃射
右手PS Move負責瞄準目標開槍，左手用來移動和操控，不時要Fing住佢做動作過關。
《Killzone 3》加入PS Move體感操控，拎住支遙控當機槍狂掃，仲支援3D立體顯示。
《LittleBigPlanet 2》布公仔障礙賽
《人中之龍》新章搬至PSP上玩，主角行到邊都被黑白兩道嘅人追殺，要到地下競技場殺出血路。
現場除了公布PS3版《人中之龍 OF THE END》改玩打喪屍外，仲有晒Cosplayer落力演出。
今年多咗專為iPhone和iPad開發的遊戲，想知道更多詳情，就要留意本報一連三日嘅TGS報道。
《人中之龍新章：黑豹》單挑日本黑幫
吳宇森《劍雨》為亞洲爭光
《絕體絕命都巿4》騰騰震
《Winning Eleven 2011》操控更爽
《東京遊戲展2010》
現場花絮
放大圖片
留言列表
{{ article.title }}
