陳敏之於新劇演刁蠻大公主，日前播出其落難戲份，於十分鐘的情緒起伏演繹賺得理想收視，亦獲網友大讚演技進步，敏之坦言該場戲多得前輩謝雪心幫手催谷，又自爆兩人在拍攝前刻意互不瞅睬！
陳敏之最近於新劇表現獲網友大讚，她自言是超乎想像。
敏之在劇集《公主嫁到》與佘詩曼合演姐妹，不過兩人口和心不和，身為大公主的敏之，更收買下人落毒手，再把罪行嫁禍於妹妹阿佘身上，心腸不好的敏之當然沒有好下場，最終罪行被揭發而貶為庶民，日前播出該場敏之的「最後戲份」，於十分鐘失心瘋的表現令人刮目相看，就連網上討論區也有網民留言，指敏之演技大有進步，而同場的謝雪心亦一樣壓場，表現同樣出色。
受傷值得
對於網友大讚，敏之開心不已表示：「冇諗過出嚟反應咁好，聽聞好似有34點收視，咁證明冇白費自己咁辛苦去拍，當時仲拍到整親條頸。（有冇慶祝？）咁又冇，但早兩日同心姐見到面即刻互相恭喜。」敏之更指該場口之成功，前輩謝雪心功不可沒，因兩人拍攝前互相交流如何演繹，到正式拍攝時由於要各自投入情緒，反而是零接觸，她謂：「心姐嗰場大戲完全係自由發揮，我就畀佢帶埋入戲，真係成個人癲咗咁，好多嘢都係自然流露出嚟，眼神好勁，對我幫助好大。」
得到認同，敏之笑言受傷也是值得。
跟前輩謝雪心（右）合作，讓敏之獲益良多。
敏之認為能否做主角並不重要，最重要是有得讓她發揮。
前輩賞識
敏之自言雖然今次並非演主角，但卻有一場戲讓她發揮實屬難得，伊人更有感而發：「好耐冇試過咁多人讚，多數都係彈，又或者冇人講，有時會諗畀人話唔好，都總好過冇人講，但今次就全部係讚，仲要唔係自己Fans喎！真係好開心同意外，琴姐（李香琴）都同我講有睇嗰場，前輩讚仲開心添！」
攝：劉智源
服裝：BCBGMAXAZRIA
場地：CADERO Grill and Oyster Bar
文：影視組
陳敏之花盡心思拍攝劇集《公主嫁到》，被大讚「開竅」，難怪當事人開心不已，自言辛苦有價！ 無綫劇集《公主嫁到》平均錄得34點收視，尤其扮演刁蠻大公主的陳敏之，把自己的罪行嫁禍妹妹佘詩曼身上，結果敏之害人終害己，罪行被揭發後被貶為庶民！最終的十分鐘戲份，儼如敏之的「個人表演」，其失心瘋的表現獲讚演出不俗，同場的謝雪心亦十分壓場，二人同樣出色！ 敏之被讚後儼如打了強心針般，開心地說：「冇諗過出嚟反應咁好，證明自己冇白費心機，今次拍得辛苦，仲整親條頸！（慶祝？）咁又冇，但早兩日見到心姐（謝雪心），大家都有互相恭喜。」敏之坦言在心姐身上獲益良多，事前兩人已交流該如何演繹那場戲，但最終各自投入情緒，敏之說：「心姐嗰場大戲完全係自由發揮，我畀佢帶埋入戲，真係成個人癲咗！好多嘢都係自然流露出嚟，佢眼神好勁，對我幫助好大。」 敏之今次戲份一般，身為「綠葉」的她深明無論怎樣，最緊要是把握機會：「好耐冇試過咁多人讚，以前多數被彈，又或者冇人提……今次全部都係讚美嘅說話，仲要唔係自己嘅影迷，所以好開心同意外，琴姐（李香琴）都同我講有睇嗰場戲，前輩讚仲開心啲添！」
敏之在《公》劇中演「綠葉」角色，但仍用心揣摩角色。
陳敏之飾演刁蠻公主，經常欺負「駙馬」蕭正楠（右）。資料圖片
陳敏之透露謝雪心助她入戲，令她獲益良多。
做「綠葉」贏好評
陳敏之扮演失心瘋，備受讚賞。
留言列表
{{ article.title }}
