Lavina：冇做不道德交易

o靚模鍾蕙芝（Lavina）與經理人Admond不和升級！前晚她在森美電台節目吐苦水，哭訴有人逼她影性感相，經常「白做」無錢收。之後Admond在Facebook暗示有人私自做PR，Lavina回應：「我冇做過不道德交易。」

Lavina在電台節目大吐苦水，指公司經常逼她性感兼無錢收。（資料圖片）

前晚Lavina接受森美《公子會》電台訪問，聲淚俱下力數經理人Admond強迫她以性感打扮接Job，卻收不到應得酬勞。Lavina說：「公司逼我做啲我唔想做嘅嘢，其實我唔想咁性感，出完月曆之後我已經想收起性感。今年出寫真要我更性感，我接受唔到。」她坦言經濟出現困難，又要承受輿論壓力。

Admond於Facebook留言，暗示有人私自做PR，但拒認指是Lavina。

請臨記扮粉絲

其後Admond在Facebook直指有人博同情：「你唔鍾意做的事係冇人逼到你做！」Admond更暗示有人「秘撈」，又爆對方用錢請卅多個臨記扮fans到書展支持新書。他接受電話訪問時沒有開名鬧人：「我冇指名道姓，如有雷同實屬巧合。（話佢秘撈？）總之我話嗰個人私自做PR。（同Lavina合約搞成點？）我叫律師出信畀佢，紙包唔住火，希望佢唔好再誣衊我。」

據知，二人不和真相另有內情，去年Lavina與Rainbow拍攝性感月曆時，曾拍下另一輯超激性感相，Lavina深怕相片流出。她昨日在電話承認曾拍超激相，最不滿對方早前將其舊相給予有線成人台製作boxer和海報。她說：「佢承諾過會銷毀，但我冇簽約，諗番都覺得蠢。（Admond喺Facebook鬧你？）我唔會對號入座，總之我冇做過不道德嘅交易，作為一個男人唔應該說三道四，中傷女仔咁低莊，喺Facebook做埋啲小動作，要嬲要鬧都光明正大啲，唔好玩暗示。」

Rainbow強調不會出賣肉體搵快錢。

Rainbow有糧出

此外，前拍檔Rainbow力證公司有糧出，她說：「咁大個人逼唔到，公司最少三個月結糧一次。（覺唔覺好黑暗？）每個人目標都唔同，我就要搵錢，但一定唔會出賣肉體。」攝影師Sunny則暗示拍月曆時出現錢銀問題：「總之Sunny哥哥遇到壞人。」

阮民安戲言送袋答謝鍾蕙芝拍MV得個吉

今年三月，鍾蕙芝（Lavina）為阮民安（Tommy）拍攝歌曲MV，有傳Lavina及經理人Admond至今都分文未收，Tommy亦曾應承Lavina會送手袋給她，但未兌現。Tommy接受電話訪問解釋送手袋只是戲言，當初Lavina答允拍MV亦知道是沒有酬勞。Tommy說：「一開始就有同Lavina及Admond講明，拍MV係義務幫手，唔會有酬勞，因為我哋budget都好緊，希望盡量用番喺製作度。」

阮民安指Lavina是義務性質幫手拍ＭＶ。

Tommy又指有用另類方法報答Lavina：「之前佢話會出寫真，我都搵咗個日本Stylist幫佢諗造型，仲開咗幾次會，另外仲有幫佢錄歌，最後係佢哋自己搞唔成個寫真。」

Lavina擔心超激照外洩

鍾蕙芝（Lavina）與經理人Admond合約問題糾纏不清，據知事件另有內情，更有傳牽涉一輯超激性感照！Lavina前晚在電台聲淚俱下力數被迫推出性感產品，Admond則暗寸有人扮可憐！

鍾蕙芝與經理人Admond早前因酬勞問題反目，她曾開腔力數對方拖數及逼她接性感工作等多宗罪，兩人關係勢成水火！據知，兩人拗撬牽涉一輯Lavina的超激性感照。

Lavina前晚深夜在森美的電台節目中，再次數臭Admond，指接下不少性感工作，但得不到應得報酬：「我好似棋子，佢話Book好晒攝影師同場地，唔影就要我賠錢，作為新人邊有錢？最後都要……總之我做乜都得唔到回報。」森美問她是否指金錢？她激動地說：「唔止，佢仲話將來唔需要咁性感，但都冇兌現到。」談到現時靠兼職設計工作維生，又備受輿論壓力，她即時喊爆。

Admond叫律師出信

未知Admond是否聽完節目被辣，昨日凌晨在Facebook不開名斥罵：「點解都重（仲）係要出來扮可憐，博同情，次次出來都要講我做新聞博見報。」他又斥利用做慈善去博同情的行為令人反感，又反問誰逼人在蘭桂坊打記者；翻查資料，Lavina曾牽涉一宗蘭桂坊打架事件。

本報記者昨日致電Admond，問是否指控Lavina，他只說：「我冇指名道姓，只係尋日有啲嬲，要發洩吓，如有雷同，實屬巧合。（蘭桂坊件事同做慈善都指向Lavina？）好多人都試過喺嗰度打人。（話佢秘撈？）總之我話嗰個人私自做PR（公關）。」提到Lavina的合約問題，他指雙方尚有4年合約，又暗寸遭她誣衊：「叫律師出封信畀佢，紙包唔住火，希望佢唔好誣衊我。」

推出產品不知情

據知，Lavina去年拍攝雙手遮點性感年曆照時，還拍下尺度比面世照片更大膽的超激照。本報記者昨日致電向她求證，她說：「當時好激，但一定有貼乳貼同着內褲！有啲相喺經理人同攝影師手上，之前做年曆，後來我唔知情，用咗嚟做成人台廣告同出產品，擔心再做其他商業用途。佢承諾性感啲嘅原相唔會發放，仲會銷毀，但當時冇簽文件，只有口頭承諾，依家覺得好蠢！」

而對於Admond的不開名指控，Lavina直斥對方低莊：「佢冇指名道姓，我唔會對號入座，總之我冇做不道德行為。不過，作為男人唔應該說三道四中傷女仔，好低莊！男人應該大方啲，唔好喺Facebook做小動作，要鬧就光明正大，唔好暗示。」

專案組

向來性感掛帥的Lavina，揚言不想再行性感路線。

攬啜MV以為有錢收 Tommy一早講咗冇

今年3月，Lavina為阮民安（Tommy）拍MV，據悉她與經理人Admond至今未收到酬勞，而Tommy曾承諾送手袋給Lavina，亦從未兌現。Tommy透過電話訪問說：「話送手袋只係戲言，朋友之間講笑，至於酬金方面，我同Lavina、Admond一開始就講到明係義務，唔會有酬金，因為我哋預算都好緊，希望盡量用番喺製作度。」他補充指有用另類方法「報答」Lavina：「之前佢話出寫真，我都搵咗個日本Stylist幫佢諗造型，開咗幾次會，仲有幫佢錄歌，最後係佢哋自己搞唔成本寫真啫！」

轉路線Sell溫情

去年憑34E巨胸彈出的Lavina，出道以來密密做，夥拍Rainbow推出首本性感寫真後，商場騷接不停，去年底又推出半裸月曆，拍攝期間可謂搏到盡，性感指數爆燈，毫不錫身！今年雖然被經理人雪藏，仍積極自己接Job，又推出慈善寫真集，為流浪貓狗籌款及向母愛致敬，大打善心和溫情牌。

Rainbow：三個月出一次糧

去年與Lavina孖住搵錢的胡心諾（Rainbow）坦言，不想牽涉入爭拗事件中，強調公司對自己很好，每三個月都有糧出：「我梗係有（出糧）啦！因為要等個Job找數先畀錢，三個月內點都會有。（傳Lavina有輯超激照未出街？）我唔知，但公司會同我哋傾咩路線啱自己，咁大個人都逼唔到去影（性感相）。」對於娛樂圈不時被指黑暗，Rainbow認為各人目標不同，更表明最重要搵錢，但決不會出賣肉體。

此外，去年替Lavina和Rainbow拍攝性感年曆照的攝影師Sunny表示，並沒有替Lavina拍過任何露點照，但透露錢銀「好混亂」，並語帶雙關地說：「總之Sunny哥哥今趟遇到壞人。」