娛樂八掛大放送★

梁詠琪（ GiGi） 3個月前宣佈與法國男友分手，其後她夥同主持洪永城到墨西哥拍攝旅遊特輯，睇筋肉人打摔角又瘋吃瘋玩。洪永城昨笑指 GiGi或因甩拖豁出去，表現真又放，且爆她曾在旅途中讚法國人浪漫及細心。看來 GiGi對這段已逝情緣，依然戀棧。

梁詠琪今年 5月與法國男友 Sly結束 4年情，之後她遠赴墨西哥半個月拍攝 now香港（ 100台）旅遊節目《一個地球》，跟拍檔洪永城（ Tony）嘗盡當地衣、食、住、行，既着傳統墨西哥裝束玩樂器，又坐甲蟲的士捐窿捐罅四圍玩，更見識了當地著名的蒙面摔角。

放大圖片

3個月前， GiGi單方面宣佈與法國男友 Sly的 4年情已成過去式。資料圖片

放大圖片

Tony犧牲色相扮騎呢摔角手，被 GiGi笑他大肚腩。

拒獻吻救拍檔

今次 Tony入鄉隨俗扮騎呢摔角手，着白色貼身褲加紅色三角褲外穿，造型爆笑，被 GiGi取笑大肚腩。不過他依然勁勇，與筋肉人摔角手 Shocker打友誼賽，結果被對手壓扁，筋肉人要求 GiGi獻吻以解救 Tony，她卻搞笑說︰「我同佢唔熟 o架。」鏡頭前一場鬧劇，鏡頭後她深明摔角手之路甚難行，就如 Tony接受半日訓練已周身傷， GiGi不禁說︰「摔角手同做藝人一樣，成名冇捷徑，要靠運數又要講實力，仲要有發自內心敬業樂業嘅精神。」

放大圖片

爆筋摔角手向 GiGi索吻， GiGi合照冇問題，錫錫就即時嗌唔好。

放大圖片

人在墨西哥， GiGi和 Tony也入鄉隨俗，着傳統服彈結他仔及搖沙槌。

豁出去玩到盡 放大圖片

赤腳的 GiGi在墨西哥巫術公園內親試神秘儀式，兩條手臂被塗滿黑泥。

GiGi甩拖未幾便展開墨西哥之旅， Tony昨大讚她專業及投入，表現可媲美旅遊節目主持，他在電話中說：「我都聽過佢同男友分手，我哋又冇特別傾呢個問題，可能佢甩拖，又喺外地拍嘢嘅關係，個人特別放，豁出去玩到盡。不過我哋傾開墨西哥人同法國人嘅分別時，佢有講墨西哥人內斂啲，法國人就好浪漫，好細心，會讚女朋友。」Tony指 GiGi於拍攝過程中很主動，譬如要拍潛水便四處問人借潛水衣，絕對可跟他搶主持飯碗。此行後兩人已成好友， Tony笑說：「佢真係幾好，可惜我有女朋友啦。」採訪：葉雪


GiGi甩拖不久便到墨西哥拍旅遊特輯，也許回復單身更自由，令其表現更真更放。