Neway二少薛嘉麟早前與一班富豪二代出海開P,二少更被拍得同一名女伴攬到實一實。男友「偷食」,身為女友的諸葛梓岐雖然公開力撐,但實質妒火中燒。
為撲熄女友一啖火,二少專程飛到台灣箍煲,加上深知女友一直眼紅「大嫂」陳法拉有私人保母車接送,於是使出「銀彈政策」,馬上扑槌購入一架Alphard七人車送給女友,更替她請埋貼身司機管接管送。架七人車雖然係二手,一樣得!

眼紅「大嫂」
雖然諸葛梓岐與Neway二少薛嘉麟於人前一直表現恩愛,但近年二人卻常為小事嗌交,更多次瀕臨分手邊緣,加上諸葛經常公主病發,令薛家兩老極為不滿,反對她入門;反而「大嫂」陳法拉則甚得兩老歡心,新抱地位一早被確認。地位危危乎,據知諸葛多次向二少投訴,薛老太偏心「大嫂」法拉。
除了得唔到薛家家長歡心,過往一直租用保母車出入的諸葛,亦對「大嫂」法拉獲御准以薛家名下的七人車接送,十分耿耿於懷,並經常搵機會向二少詐型,要求買車,希望同法拉地位睇齊。
「Marie同二少感情其實都唔係好穩定,佢哋成日都為咗啲小事嘈,仲差啲搞到分手。上次二少俾人影到攬女出海,Marie好唔開心,發晒脾氣,二少都知自己衰咗,都有做嘢補鑊,佢知Marie成日話租車用唔方便,想買架保母車,二少咪揼廿萬出嚟買架車送俾佢,不過架車都係二手嘅啫!」

唔請男司機
為表誠意,二少唔單只送車安撫,仲親自幫女友搵埋私人司機,廿四小時全天候接送,以凸顯其「薛家二少奶」身份。
「Marie本來想搵番平時用開嗰個租車公司嘅司機過檔幫佢手,但二少唔鍾意佢請男司機,加上Marie有時趕時間會喺車度換衫,所以就請咗個女司機,個女仔仲係Neway旗下嘅Hotcha fans,起晒底。」
為補鑊,二少近日對諸葛千依百順,即使女友公主病發,亦照忍。諸葛見男友做晒「矮仔」,條氣即時順晒,上週更在微博狂晒,以「黑加侖子」稱呼二少,又表示男友擔心她太瘦,經常為她準備大堆零食讓她增肥,大晒恩愛。


「偷食」事件後,Neway二少為補鑊,立即買入一架Alphard 7人車送給女友。(《FACE》圖片)


根據車輛登記顯示,接送諸葛梓岐的白色Alphard 7人車是由薛家旗下的印刷公司持有。


早前,Neway二少與一班富豪二代出海開P,其間二少情緒高漲,在船上狂隊香檳,落船時更任由女伴攬到實。


諸葛梓岐與陳法拉(黃圈)兩位未來妯娌勢成水火,法拉已成功入主男友豪宅,又有薛家名下7人車接送,令諸葛深深不忿。


(《蘋果日報》圖片)


諸葛梓岐與二少拍拖初期,原本甚得未來老爺薛濟傑歡心,經常相約飲茶,但後來頻頻公主病發,令薛家兩老大為反感,甚至反對她入門。(《忽然1周》圖片)


諸葛梓岐成功氹掂男友送車,早前出席公開活動時,心情大靚,全程「四萬」咁口。


上週諸葛梓岐在微博上載了一大堆麵包超人零食,更以「黑加侖子」稱呼薛嘉麟,表示男友說她太瘦,買了大量零食要谷肥她,明示二人關係雨過天青。

arrow
arrow
    全站熱搜

    stacylife 發表在 痞客邦 留言(0) 人氣()