娛樂八掛大放送★

主演的新戲《人間喜劇》，鍊贏《吸血新世紀 3月蝕傳奇》成為上週票房冠軍，最近晚晚忙着突擊港九新界各大小戲院謝票的杜汶澤說：　今日星期六，換轉以前一定去咗蒲！總之邊度人多去邊度，邊度女多去邊度，感受吓啲歡呼、虛榮同愛咁囉……鶽家，淨係想返屋企、想靜。
, ~9 D' I- O+ a% r4 V) P
以前和現在的分水嶺，對於 38歲的杜汶澤來說，應該是 2006年。% j0 O+ J6 Y+ f6 p# f, z
以前，開工有林建岳、俞琤照；劉德華是他加多利山豪宅的房東、鄰居兼婚禮伴郎；興趣是投車牌、儲 designer chair和勞力士，瞓醒覺就帶另一半田蕊妮去福臨門歎 600元一碗的翅……直到 06年傳聞因為口不擇言一次過得罪林建岳、俞琤、劉德華、吳君如、杜琪峯等等等等，杜汶澤告別商台再告別加多利山的家，也告別了朋友多路數多錢多消遣多的日子。$ u, s- T0 f$ ~: u
如今戒煙戒酒食齋再信埋佛的杜汶澤說，沒有跟「以前那個杜汶澤」打過交道的人們，絕對沒甚麼好可惜：　個人快樂，點會靠結交有勢力嘅朋友至有安全感？點會飲咁多酒？點會睇咩都唔順眼，開咪專挖苦人傷害人？……最近工作比早兩年順利番啲，不過，順定逆對我嚟講已經唔重要……哈！講起我都想笑，你話幾 happy？) h& |; o. m6 D
原名吳卓彰，果欄太子爺出身在名校拔萃畢業，富貴過又因為父親爛賭捱過窮，做過追數佬亦被追數佬追到走佬過，結過婚離過婚花心頹靡吸過毒，從亞視大茄跳進電影圈紅過豪過囂張過，杜汶澤說，原來早年出過的自傳《江湖血淚史》是前言，自己的人生這才真正開始。說完，張口就咬了大啖手上的甘筍，滿足到極。6 }; x; E7 V: o& e) C

冇人整點會停& j- T+ Z. f7 f: m! z+ D
嗰幾年上得快，莊文強（《無間道》編劇）話我好似一個火車頭，係時候要停吓諗吓……咁又係，除非人哋整停你，人好少會自己停到。9 V; B, t; F9 i, l8 W0 B4 `2 H
06年傳言四起，係唔係得罪晒老細，係唔係有人散播消息想我死，係唔係衰口不擇言……呢啲唔重要。我覺得自己好失敗，失敗在所有人都相信傳言。你唔見人哋傳廖啟智？你唔見人哋信廖啟智係嗰種人？3 I3 S" g5 h4 S
我冇咩需要知道，嗰班人本來點解鍾意我，又點解有一日開始唔鍾意我……我朋友多、我紅，可能係因為性格，搞到咁，極可能都係因為性格。
其實我性格冇變，變嘅係唔再被佢哋需要，唔再被市場需要，每個人被需要都有一個時間限期，到期咪要諗下一步應該點行。

人快樂，就唔使飲咁多酒，唔使識咁多猛料朋友。* J* l+ Q% ~: B
) K8 E4 c' A$ U) p
我認臨急抱佛腳
信佛梗係因為事業有阻滯。
師傅（第七世慶本樂寧波車），我早在 93年初入行時候認識。佛教徒要好乖，咁我咪好辛苦？所以當年我決定寧願做個普通嘅好人，總好過做個好壞嘅教徒，結果，咪連普通好人都做唔到囉。
十幾年冇見， 07年聽講佢喺台灣講學，冇咩撈就同老婆去搵佢，一見面，我話：「係呀，十幾年冇見，呢十幾年我真係做埋唔少衰嘢……」師傅話，學生，從來冇分好同壞。
師傅又話，宗教地方係咁，生意好時唔嚟，生意唔好就嚟；老公唔錫你就嚟，到老公錫番又唔嚟；有錢使唔嚟，冇錢使咪嚟囉……都好呀，好過去咗第二度。+ u& N& u; m- e$ \7 ^" P" c% b) |
信佛，似得到一本參考書，得到啟示同方法，令人可以用自由嘅方法生活落去。

第一部無綫劇集演出《女王辦公室》剛播完，杜汶澤演出的單親爸爸「 Leven」同樣是網友最愛。《忽然 1周》圖片

05年 6月 8日在洲際酒店豪擺百萬婚宴迎娶田蕊妮未算威，劉德華做伴郎；黃秋生、王晶同余文樂做兄弟團至係威。《忽然 1周》圖片
], x, F' b0 }
勢利因為需要3 s6 I# L) Q: y2 `3 h
以前出去蒲，鍾意講「出去 free吓！」自由喺出邊咩？自由其實喺自己度，冇需要時就自然 free o架啦！2 G/ Y/ [' H  _% h1 ]( v) z" o, K
以前一個星期起碼蒲兩晚，係因為需要人理，去到冇人理，嗰啲唔係玩一晚，係煎熬一晚。
以前份人好勢利，淨係鍾意同一啲比我強嘅人交往，係因為冇安全感，要靠社交圈畀自己感覺實在。
以前好迷信言語，迷信「把口叻連總統都有得做。」所以我做電台，把口愈衰，愈係挖苦人傷害人收聽率愈高……) L  L5 i+ o# Z& {. p1 r; @4 t6 b
係唔係每個人都要聽呢啲挖苦人嘅節目至會得到快樂呢？ Sorry，你鍾意聽，我鶽家唔鍾意講。# y, e4 v- n8 |( r9 Z  l, B' T
大魚大肉好味咩？碗 6百蚊嘅翅好味咩？我得一對手，買咁多表咁多車用得着咩？唔係話好快樂囉……人快樂，就唔使飲咁多酒、唔使識咁多猛料朋友、唔使睇咩都唔順眼、要挖苦人至笑得出囉……
我哋太多需要，以前好多事情為需要而做，需要其實大多憑空想像，當冇需要，就自然覺得自由，自然唔再需要出去 free。

02年憑《無間道》裏的角色「傻強」極速走紅，從月薪七千亞視藝員一躍成為片酬 80萬的影圈紅人，杜汶澤說一有錢即刻買 Benz：「等紅等咗 9年，結果揸 Benz開心嘅感覺只維持一條斜路就消失咗。」  U7 G1 ~. P6 H% B3 W/ F5 d" i" c
8 M0 G. X' V. w) [/ r$ ?. T0 v
做電台的年代，寸容祖兒醜、欣宜扮小矮人好過扮公主，口頭禪是「食屎」和「收皮」，靠把口爆紅過，亦有傳衰多口得罪俞琤， 06年被商台辭退。《忽然 1周》圖片. v4 s3 |; I# b, I; O9 S

截至上週四（ 15日），上畫 8天的《人間喜劇》票房累積 380萬，已是同期港產片冠軍，網民更一致勁讚，杜汶澤「借着兩點說愛你」的演出，是近年最好笑港產片。

剩下的是義務
現在，我跟老婆喺元朗（月租 2萬翠巒）租地方住，好遠、好靜。你聽吓……聽到啲咩？咪就係乜都聽唔到囉……前幾年我嘅世界太嘈，難得可以靜吓，想再享受多幾年寧靜，細路都唔生住。$ ^1 z$ y" z, ]" U; {
鶽家工作唔係為需要，係做人兒子、老公同一個演員嘅義務。以前嗰啲有頭有面嘅朋友，冇再來往，所有人，我鶽家都少來往，唔係邊有得靜？
靜落嚟，我可以煮吓齋畀老婆食，可以睇書可以將每日簡單和氣嘅生活微博一下。吳鎮宇話狗仔隊把藝人寫得太黑，大家用微博來洗白白……唔啱……我喺微博有 27萬粉絲，唔係話幾受歡迎，而係呢 27萬人每人見到我嘅生活，會受到感染。同「打喊露」一樣，情緒係人傳人，你唔需要係郭富城，你都有你嘅感染力。與其用說話，我想用自己現有嘅狀態去感染呢 27萬人。
我好享受鶽家呢個喜劇演員嘅身份，冇任何傷害性，卻比以前挖苦真人更能惹人笑。7 i3 Y! \) K+ t: h, h

你唔需要係郭富城，你都有你嘅感染力。

23歲結過婚又離婚的杜汶澤，也花心過，前女友脫星顏仟汶在他欠債時力挺過，宣布分手第二天，杜汶澤就公開與田蕊妮行埋。: _8 a3 S+ u! {- p' @
8 A% T! |$ a  w) H
回家的路" p& E6 n1 a9 i4 t
訪問前，先瀏覽杜先生的 yahoo網誌做功課，想不到這個會考成績 5U3缺席，曾經自稱字都唔識多隻的 blog主，日日更新日日長篇。
08 年 3月從加多利山搬走前的一篇，杜汶澤回憶自己的寄居生涯，果欄華德大廈、彌敦道寶齡大廈、女人街、東方街、深水埗、葵芳和錦綉花園見證了成長；尖沙咀、鰂魚涌、大埔道、文明里的梗房和走佬到台北的鐵皮屋，是古惑歲月；加入亞視住蠔涌、成為商台 DJ是荔枝角、與田蕊妮在華景山莊同居、到上位住嘉多利山，杜汶澤寫道：「有一直夢想要建的廁所，一直渴望要買的傢俬，有好業主，有好鄰居，有喜事，有憾事，有瘋狂的歲月，有不完的是非。」還有一句：「亞皆老街有自己對不起的人，西貢有對不起自己的人。」
我跟杜先生說，這篇博文有感情、有畫面，像看電影。8 A2 S4 v4 P9 B
杜先生說：「對唔住嘅人仲有好多，對唔住我嘅人……冇所謂啦，重點係，我已經搵到一個令我安心嘅地方。」
5 o. y! O; p( B$ k% l! `$ |
曾經浮誇過虛榮過，儲落的幾十隻名表和 designer chair，杜汶澤說有的轉手有的送人，現在只買真正需要的東西，比如相機鏡頭。
' f' `" c: G5 N
08年 3月搬家前，杜汶澤以自己在加多利山豪宅廁所的照片作終結，與過去的日子說再見。
$ _/ R: E% G2 m& M