娛樂八掛大放送★

近年 Band Sound又 Hit起！無論你喜歡 Mr.定 Rubber Band，但點都唔及今日介紹 Paper Band咁盞鬼！紙紮樂器你見過未?留番農曆 7月 14先介紹？唔好搞錯！入咗電池、手指一彈，真係嘈到坼天 o架！佢仲有 AMP同 Drum，約埋三五知己，翻轉睡房變 Band房，好過孤伶伶打機啦！記者：陳國輝攝影：黃子偉Model： Bambi@Jacso查詢： JC Shop（ 3102 2783）

其他副刊影片 內置搖滾樂任 Jam

呢批紙紮樂器有個朵—— Paper Jamz！一比一 Size，七成係紙，三成係膠，加埋成支結他都唔及一部單反咁重，揹喺身行走 MK，扮一晚天涯歌女，睇怕都唔覺攰！結他柄上嘅白點，其實全部係輕觸感應嘅 Chord，只要是但㩒一粒掣，彈出嚟嘅音色都唔同，效果真係拍得住電結他、嘈到坼天！

放大圖片

■呢支結他稜角分明，外形十足一名斬柴佬。

放大圖片

■有六種款式，無論圖案、顏色、形狀都各有分別。

放大圖片

■夾 Band點少得結他揹帶，盛惠$68。

更過癮係，你除咗可以自彈自唱，仲內置埋幾首 Rock爆嘅鬼佬音樂，你可以一邊掃 Chord，一邊 Jam歌，但千祈唔好玩得太 High，一嘢扑佢落地，點講都係紙做嘛！

紙皮 Amp仿真極高 放大圖片

要夾 Band，得支電結他似乎太齋！ Paper Jamz系列仲有個紙紮 Amplifier！簡單理解你可當佢係外置喇叭， 3.5mm插駁電結他或 MP3機都得，更重要係個 Look勁有 Feel，好想講聲 Rock'n' Roll！

突然變做非洲鼓 放大圖片

呢個紙鼓外觀手工較粗糙！佢將所有敲擊樂器合而為一，睇落同塊滑板差唔多；不過提提大家，玩時咪用鼓棍，始終係紙嘛！直情用手敲落去就發聲，玩落好有非洲鼓風味。好彩！音色模仿得幾似，如果能同一時間搵兩部電結他一齊夾 Band，呢個組合真係無敵喇！

即 Check結他構造 放大圖片

■弦線全部畫上去，照可 㩒住白色圓點彈 Chord！

放大圖片

■除咗自彈自唱，仲可以揀內存 Rock Music。

放大圖片

■手指掃好喇，千祈咪用 Pick彈，否則好快打柴。

放大圖片

■結他本身有喇叭，嫌力水未夠，可駁 AMP！

放大圖片

■入乾電就玩到，飛走插蘇，最啱出街玩。