娛樂八掛大放送★

「女人心，海底針」。無綫掌舵人方逸華（六嬸）原本為了讓林峯七月底在紅館開演唱會，一度勒令港姐決賽讓出檔期，將節目移師邵氏舉行，但最近她卻改變主意；據了解，六嬸嫌邵氏片廠近垃圾堆填區，臭氣熏天失禮貴賓，於是改變初衷。為此，林峯個唱即使大賣，也因為紅館冇期，只可加開兩場，見財化水。

倒瀉籮蟹
林峯人氣持續上升，劇集《談情說案》俾人鬧抄襲，收視依然贏到開巷，今個月底舉行的兩場紅館演唱會火速爆滿，但亦只可以再加開兩場，冇價講！全因原本讓期給林峯的《香港小姐競選總決賽》，鐵定八月一日假紅館舉行。
換句話說，七月三十日當晚做完林峯演唱會後，將要通宵拆台改建港姐決賽舞台。據知，六嬸改變主意，搞到美術部倒瀉籮蟹，要重新設計舞台，成本預算要重新計過；連港姐彩排時間也被迫縮短。「其實我哋喺邵片嗰邊試搭咗個台俾六嬸睇效果，佢睇完之後嫌嗰邊唔夠grand；加上位置近住垃圾堆填區，附近又有地盤，沙塵滾滾，冇耐佢就下旨話港姐決賽搬返紅館搞。」無綫工作人員透露。

有前冇後
其實，早有高層對港姐決賽搬入邵氏片廠提出反對，港姐始終是無綫年度大騷，例有本地商界領袖及名流出席，要貴賓出入垃圾堆填區，點睇都失禮，加上仲要招待廣告客戶，邵氏片廠四野荒蕪，單是交通安排已經要傷腦筋。
六嬸朝令夕改，據知英皇對此也頗有微言，以林峯個唱的「去飛」速度，應該可以再加開場數，但因為要嘔番個期俾港姐，林峯個唱加場，亦只可硬性安排在二十七和二十八日兩場，多日都無！
「同無綫合作次次都要睇佢哋頭，啲數亦計到好盡，好似舊年林峯開兩場騷，就算爆晒英皇都賺得好微，今次話就話合辦，但乜都無綫話事，佢哋要攞番個期搞港姐，後面加唔到場，咪賺少啲囉。」知情人說。

諸多干涉
港姐決賽，六叔邵逸夫年年出席，不少城中富豪名人也是座上嘉賓，所以六嬸對港姐決賽特別上心，事無大小，甚至連舞台設計亦要經她同意，搞到天怒人怨。去年她亦曾對已搭建好的港姐舞台不滿，發火要求即時拆走部分大型組件，令整個設計改到翻天覆地，搞到負責舞台的設計師劈炮唔撈。

收到喇，老佛爺！（設計對白）
林峯個唱掀撲飛潮，可惜六嬸一聲令下想「搵多啲」都不可以，見財化水。

老娘下令，人人要聽！（設計對白）

六叔每年會由上屆港姐陪件，欣賞決賽演出。

鄰近垃圾堆填區的邵氏片廠，平日人丁疏，空置率極高，○八年設計師孖寶Dsquared 2 曾在此開P慶祝新店開幕。

去年港姐舞台設計曾令六嬸大動肝火，還要拆去主要組件，改設計由華麗變成簡潔。

今年十五位候選佳麗將在八月一日在紅館參加決賽。

每年港姐均會邀請本地政經商界領袖出席。

林峯宣布加開兩場演唱會，樂小姐和唱片公司高層吳雨開香檳慶祝。

方逸華嫌邵氏影城臭 迫林峰讓紅館給港姐決賽

“女人心，海底針”。TVB掌舵人方逸華(六嬸)原本爲了讓林峰7月底在紅館開演唱會，一度勒令港姐決賽讓出檔期，將節目移師至邵氏影城舉行，但最近她卻改變主意，原本讓期給林峰的港姐決賽，將鐵定于8月1日晚在紅館開鑼。

據了解，方逸華嫌邵氏片場接近垃圾堆填區，臭氣熏天失禮于嘉賓，于是改變初衷。爲此，林峰歌唱即使大賣，也因爲紅館沒有檔期，只可加開兩場，見財化水。